Македонија
Кривична за ексдиректорката на СУГС „Никола Карев“ за нелегален закуп на училиштен простор

Управата за финансиска полиција поднесе кривична пријава против ексдиректорката на СУГС „Никола Карев“ во Скопје, Елизабета Марковска-Ставревска, за злоупотреба на службената положба и овластувањето. Со нелегално издавање делови од училиштето директорката се сомничи дека направила штета на гимназијата од два милиона денари.
„Кривичната е поднесена поради постоење основано сомненине дека во периодот од 2012 до 2018 година директорката ја злоупотребила својата службена положба и овластувањето на начин што во 2012 година, спротивно на одредбите од Законот за користење и располагање со стварите во државна сопственост и одлуката за давање под закуп училиштен простор во средните училишта на град Скопје од 4.2.2010 година, склучила три договори за закуп на училиштен простор за кои не издала фактури за закуп, со што на правните лица им овозможила да стекнат противправна имотна корист во износ од 2.014.125,00 денари на кој начин го оштетила буџетот на СУГС ‘Никола Карев’“, соопшти Упрвата за финансиска полиција.
Управата за финансиска полиција денес извести дека поднеле повеќе кривични пријави за даночни затајувања.
Штета на буџетот на РМ во висина од 18.669.103 денари Финансиската полиција утврдила дека направиле лицата С.Ј., сопственик и управител на „Јурукоски секо“ ДООЕЛ од Скопје, М.М., сопственик и управител на „Аспилакопа“ ДООЕЛ од Скопје, Е.М., сопственик и управител на „Ескарибур голд“ ДООЕЛ од Куманово, и Г.С., сопственик и управител на „Стари – ММ“ ДООЕЛ од Куманово. Се сомничат за користење фалсификувани фактури за наводно изврешни набавки со кои избегнувале даночење.
Кривична пријава Управта поднесе и против Ф.В., управителка на „МЕГА – ФО Фросина и Оливер“ ДОО увоз-извоз Скопје за даночни затајувања во периодот од 1.1.2012 до 16.11.2018 година во износ од 3.347.726 денари, со кои е оштетен буџетот на РМ.
Против бугарскиот државјанин Л.М.Ч., управител и сопственик на Друштвото за градежништво, трговија и услуги „Крепост“ ДОО, Финансиската полиција поднесе кривична пријава поради постоење основи на сомнение дека во текот на 2015 година од банкарските сметки префрлил парични средства на име позајмици на друго правно лице, кои не се вратени на банкарската сметка на „Крепост“ ниту, пак, се пријавени како расходи за даночење. Даночното затајување утврдено за „Крепост“ е во износ од 1.035.500 денари.
Последната кривична пријава од Финансиската полиција е против А.А., управител на „Тунимакс“ ДООЕЛ од Скопје.
„Во периодот од 1.1.2013 година до 14.12.2018 година, А.А. свесно и со однапред утврдена намера со цел да стекне противправна имотна корист, набавената трговска стока евидентирана како резерва, во вредност од 7.737.764 денари, неосновано ја присвоил и не ја евидентирал во своето сметководство како кусок, не извршил отпис на застарени побарувања од купувачи во износ од 1.574.687 денари и не ги прикажал како приходи застарените обврски кон доставувачите во износ од 3.720.255 денари, а со намера да ги прикрие инкриминираните активности не изготвил и не поднел завршни сметки за 2013, 2014, 2015, 2016 и за 2017 година до Управата за јавни приходи и до Централниот регистар на Р. Македонија. Пријавениот А.А не пресметал и не уплатил данок на додадена вредност во износ од 1.392.797 денари и данок на добивка во износ од 1.442.542 денари. Буџетот на Република Македонија го оштетил со 2.835.346 денари“, соопшти Управата за финансиска полиција.
Кривичните пријави се поднесени до надлежните јавни обвинителства.
„Макфакс“ пред два дена јави дека Финансиската полиција го стега обрачот околу даночните затајувачи, меѓу кои има и такви што данокот го криеле и по 20 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Надлежните се борат со 11 активни пожари: Гори кај Прилеп, Македонски Брод, Штип

Според најновите информации, на територијата на државата се евидентирани вкупно 25 пожари на отворен простор. Од нив, 11 се сѐ уште активни, 3 се под контрола, додека 11 се целосно изгаснати.
Активни пожари се регистрирани во неколку региони. Во источниот дел, пожарите зафатија подрачја кај селото Нивичино, планината Голем Готен и Малешевските Планини, каде што гори нискостеблеста шума и грмушки. Во Прилеп гори на две локации – кај селото Бешиште, со проширување кон Градешница и кон границата со Грција, како и кон селото Дрен. Во Македонски Брод активни се два пожари – кај селото Црешнево и меѓу селата Локвица и Крапа.
Штипскиот регион се соочува со пожар меѓу селата Драгоево и Селце, а во Карбинци гори кај селото Јунузлија. Во близина на Скопје, пожар е активен кај селото Гумалево во општина Зелениково. Во северниот дел на државата, активни пожари се бележат и кај селото Руѓинце во Старо Нагоричане, како и во Куманово – во населбата Ристово Трло и кај селото Романовце.
Три пожари се ставени под контрола. Станува збор за пожарите кај селото Грешница во Македонски Брод, меѓу селата Церово и Групчин во општина Желино и на улицата Брсјачка Буна во Шуто Оризари, каде што гореше дива депонија.
Изгаснати се 11 пожари во различни делови на државата, меѓу кои во Шуто Оризари кај Општината, кај касарната во Прилеп, во селата Долно Перово и Прељубје во Ресен, како и во неколку населени места во Кочани, Куманово, Липково и Гостивар.
Надлежните служби остануваат на терен и продолжуваат со активности за справување со активните пожари и заштита на населението и природата.
Македонија
(Видео) Тошковски: Вложуваме во нашите луѓе – во нивната обука, џудо тренинг сесии со врвен тренер

Министерот за внатрешни работи Пначе Тошковски денеска во Центарот за обука во Идризово присуствуваше на џудо тренинг сесија на полициските специјалци со инструктор од Интернационалната џудо федерација специјализиран за обука на полициски и армиски специјални единици. Оваа соработка произлегува од неодамна Меморандум за соработка помеѓу министерствата за внатрешни работи и министерството за спорт и Меморандумот за разбирање помеѓу Националната џудо федерација и Европската џудо федерација кој беше потпишан на Европското првенство во џудо за кадети кое се одржа во Скопје минатиот месец.
„Вложуваме во нашите луѓе – во нивната обука, знаење и подготвеност. Градиме силна, професионална и подготвена полиција, способна да одговори на современите безбедносни предизвици и ефикасно да се справува со криминалот. Затоа, особено внимание посветуваме на континуираната физичка подготвеност посебно на специјалните единици. Овие тренинг сесии со врвен џудо тренер се со директен ангажман на претседателот на европска џудо федерација Ласло Тот. Неодамна преку министерството за спорт и европската џудо федерација ја опремивме салата со специјализираните душеци – татами и кимона за полициските службеници. Планираме и за во иднина сеопфатни програми за физичка обука на полициските службеници“, потенцираше министерот Тошковски.
Македонија
(Видео) Грета Тунберг по Тетово стигна во Скопје, ќе дискутира за империјализмот и ќе протестира за спас на Дошница

Еко-активистката Грета Тунберг преку видео-обраќање на Инстаграм соопшти дека се наоѓа во Скопје и дека ќе учествува на неколку настани поврзани со социјални и еколошки прашања во Македонија.
Таа најави присуство на јавната дискусија што ќе се одржи во Социјалниот центар „Дуња“ под наслов „Стоп за воената машинерија: Борбата против империјализмот и капиталистичките војни“.
Во обраќањето, Тунберг додаде и дека ќе се приклучи на протестната блокада за спас на реката Дошница на планината Кожуф, која е најавена за утре.
View this post on Instagram
Таа истакна дека настаните во Газа не се изолирани од климатската криза, а според неа, тоа е истиот насилен систем изграден врз експлоатација, окупација и профит над животот.
Активистката ја спомена и одлуката на македонскиот парламент, кој вчера гласаше против испраќање хуманитарна помош во Газа, додавајќи: „Мора да застенеме солидарно, да се поврземе и да се спротивставиме заедно“.
Грета вчера беше во Тетово, каде што ја посети новата локација на Општествено-културниот центар, која се уредува со заеднички волонтерски ангажман и поддршка од меѓународни партнери. Пред да пристигне во Македонија, Тунберг учествуваше на протест во Тирана, каде што повика на итен прекин на израелската опсада врз Газа и остро ја осуди.