Македонија
Кумановци на бунт, не даваат закопување мртви свињи, се плашат од загадување на околината
Во кумановска Речица се јави револт од страна на граѓаните бидејќи се против закопување мртви свињи. Жителите се судрија со полицијата откако претходно не дозволија да поминат камиони на Агенцијата за храна и ветеринарство во кои имаше свињи умрени од болеста африканска чума.
Свињите требало да бидат закопани во атарот на селото, на што граѓаните се спротивставиле. Револтот се јавил поради страв дека големиот број закопани животни може да ја загадат околината.
Во просториите на Општина Куманово денеска претходно се одржа состанок на Општински штаб за заштита и спасување во проширен состав, заради појава на свинска болест “Африканска чума”. Градоначалникот Максим Димитриевски на социјалните мрежи рече дена на состанокот се донесени неколку заклучоци.
„Секој орган да постапи во согласност со своите надлежности и овластувања, да се почитуваат сите мерки за спречување и сузбивање на ширење на болеста “Африканска чума” кај свињите; Агенција за храна и ветеринарство да ги превземе сите потребни заштитни мерки при транспорт од жариштето на болеста до утврдената локација за закоп на угинати свињи и да постапува согласно своите протоколи за работа при вршење на закопот“, вели Димитриевски.
Посочи и дека треба Општина Куманово, преку јавните претпријатија да пружи целосна логистичка поддршка во однос на обезбедување на механизација потребна за спроведување на постапките од страна на АХВ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина новинарот Ѓорѓи Томиќ
Денеска по кратко боледување во Скопје, во 42-година од животот почина новинарот Ѓорѓи Томиќ.
Томиќ долги години беше дел и од редакцијата на Канал 5 каде работеше како уредник во информативната редакција.
Во новинарската кариера следеше настани од надворешната политика.
Потекнуваше од новинарско семејство, а зад себе остави сопруга и две деца.
Македонија
(Видео) Филипче: Владата треба да ги заштити граѓаните од високите цени
Владата е одговорна да се грижи за граѓаните да не доживуваат вакви цени, поради тоа што таа е одговорна за формирањето на цените, рече претседателот на СДСМ, Венко Филипче кој е во дводневна работна посета на Хрватска, на средби со раководството на хрватската Социјалдемократска партија (СДП).
– Еве и тука, во Хрватска, има протест на граѓаните за високите цени на маркетите. Кај нас навистина загрижува ноншалантноста и незаинтересираноста на Владата да преземе некакви мерки. Дури со одреден цинизам би рекол, ги поддржуваат граѓаните да протестираат, а всушност протестот на граѓаните, освен за високите цени и кон маркетите, треба вистински да биде насочен кон Владата, поради тоа што таа е одговорна за формирањето на цените. Владата е одговорна да се грижи граѓаните да не доживуваат вакви цени. Посебно во ситуација кога нема никаков слух за зголемување на нивните плати, еден систем кој што ние го воспоставивме во минатото и сега како опозиција не одговара на нашите повици и предлог закони за зголемивање на минимална плата. Жалосно е што ова го прави со граѓаните, рече Филипче.
Македонија
(Видео) Филипче: Соработка со хрватската СДП во градењето на новата Програма на СДСМ
Претседателот на СДСМ, д-р Венко Филипче и заменик претседателката Фани Каранфилова Пановска, во Загреб, Република Хрватска остварија работни средби со раководството на Социјалдемократската партија на Хрватска, со претседателот Синиша Хајдаш Дончиќ, со потпретседателот Ранко Остојиќ и со меѓународниот секретар, г-ѓа Каролина Леаковиќ.
По средбата Филипче посочи дека се разменети искуства во делот на партиските активности, акцентот е ставен на поддршката на СДП и соработката во градењето на новата Програма на СДСМ, како две сестрински партии кои споделуваат социјалдемократски вредности.
– Разменивме искуства во делот на партиските активности. И тука во Хрватска следат локални избори, после победата на претседателот Зоран Милановиќ. Ја користам приликата уште еднаш да му упатам честитки за огромниот процент за гласови кој го освои на минатите избори. Во еден дел сме соочени со слични предизвици, имајќи предвид дека ги промовираме социјалдемократските вредносни политики. Ставивме акцент на соработка во однос на поддршката и размена на искуства во градењето на новата Програма, во делот на поддршката на економските програми, понатаму во поддршката на граѓаните, во делот на зголемувањето на платите, во делот на зголемување на стандардот на граѓаните. Се тоа што значи подобар и поквалитетен живот. Нешто за што, за жал, Владата кај нас, владата на ВМРО-ДПМНЕ, сериозно отфрла, посочи Филипче.