Македонија
„Лајка“: КПУ Затвор – Шутка го вдоми напуштениот германски овчар кој нападна деца

Германскиот овчар кој нападна деца во скопската општина Аеродром откако го помина хуманиот третман во „Лајка“, денес беше вдомен од страна на директорот Филип Андов на КПУ Затвор Шутка – Скопје, за службените потреби на оваа институција.
„Кучето Кара го помина комплетно целиот хуман третман во нашето прифатилиште откако претходно согласно записникот од извршен инспекциски надзор од Агенцијата за храна и ветеринарство и изввршена контрола во ЈП Лајка за заловеното куче по пријава за напад на деца, на 3.1.2021 (без микрочип на јавна површина), беше одреден карантин и изолација за набљудување во период од 8, 15 и 22.1.2021 година. За истото беше извршен клинички преглед од страна на ДВМ вработен во ЈП Лајка и беше издаден сертификат за беснило со кој НЕ СЕ УТВРДЕНИ ЗНАЦИ НА БЕСНИЛО НИТУ ДРУГИ ПРОМЕНИ“ соопшти „Лајка“.
По објавата за нејзиното вдомување, претставници од КПУ Затвор Шутка – Скопје поднесоа апликација за вдомување и закажаа термин за нејзина посета во прифатилиштето на ЈП „Лајка“.
Земајќи ги предвид природата и карактерот на расата германски овчар, која има одличен инстинкт, заштитнички карактер и светски рамки се обучува и тренира како службено куче за потреби на полицијата за обезбедување на објектите, истото е незаменливо помошно средство во бројни истраги, Кара од денес е официјално вдомена во рамките на оваа институција и ќе работи во служба на државата и граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Илиевски: Нов скандал во министерството на Андоновски, тендер добиле родители на негов вработен

По објавувањето на скандалот за судир на интереси во Министерството на Стефан Андоновски, каде тендер доби сопругот на Државната секретарка, ДКСК отвори предмет. Граѓаните сеуште чекаат да постапи Јавното обвинителство за случајот, за истиот да добие разрешница. Додека целата јавност беше во тага и болка за несреќата во Кочани, каде што загинаа 59 млади луѓе а речиси 200 беа повредени, на само три дена по трагичниот настан Андоновски побара извинување од СДСМ, изјави Методија Илиевски, потпретседател на СДСМ.
– Шокантно е што барањето за извинување пристигна на 19 март на самиот ден на погребот на загинатите од несреќата кога целата нацијата беше во шок. Тоа го покажува степенот на загриженоста на министерот за трагичниот настан. СДСМ е одговорна партија која се бори секогаш да излезе вистината на виделина, и да зборува во насока на заштита на јавниот интерес пред се!
Токму затоа, наместо извинување До Министерот Андоновски, денес ќе објавиме индиции за уште еден скандал. Се работи за тендер од 600.000 денари за набавка на систем за контрола на пристап, добиен од фирмата „БОКИ СИМПЛ ТЕК СОЛУШНС“ ДОО Скопје. Според информации од свиркачи кои ги добивме, сопственици на оваа фирма се родителите на Борче Младеновски, инаку вработен во ИТ секторот на истото министерство. Го повикуваме Андоновски да излезе и да одговори дали е ова точно?
Дали тендерот тежок 600.000 денари завршил кај родителите на вработен во министерството? Индикативен е називот на меилот кој правното лице го има дадено во доставената документација за контакт со министерството кој гласи [email protected]. СДСМ се обиде го најде список на вработени во Министерството за дигитална трансформација, но на сајтот на министерството тој податок не е достапен, таму стои дека сеуште тој документ е во изработка.
Дали на повидок е уште еден скандал на непотизам и конфликт на интереси во министерството на Андоновски? Селективноста и селективната правда е потребна за сите други случаи на власта кои ги прави, а не само за трагедијата во Кочани. Институциите не смеат да молчат за тендерските мрежи на ДПМНЕ бидејќи станува збор за пари на граѓаните, рече Илиевски.
Македонија
Момчето херој Јован Костадинов во посета на Бигорски манастир

Јован Костадинов, момчето кое спаси 21 живот од пожарот во дискотеката „Пулс“ во Кочани на 16 март, е во посета на Бигорскиот манастир.
Во објава на Фејсбук стои дека Јован не е само херој на Кочани, туку е „херој на целата наша држава Македонија”.
-Симбол на тоа што значи да се стави човечноста над стравот. Потсетник за сите нас колку многу може да направи едно дете со големо срце, се наведува во објавата.
Македонија
Дирекцијата за ТИРЗ меѓу високо рангираните институции во најновиот извештај за примената на системот за интегритет за 2024 година

Како државна институција – потписник на политиката за интегритет, според Извештајот за имплементација на интегритет изработен од Државната Комисија за Спречување Корупција, Дирекцијата за Технолошки Индустриски Развојни Зони се најде на 15 место на ранг листата од вкупно 50 институции, со 61.1% на исполнетост на системот за интегритет.
Мониторингот опфати 72 институции од централната власт, 72 единици на локалната самоуправа и 16 институции од правосудниот сектор. Постигнатиот резултат претставува значителен раст за ниво погоре, од „просечно“ ниво – на „добро“ ниво, во однос на 2023 година, кога процентот на исполнетост изнесуваше 39.2%.
Сето ова се должи на бројни активности кои беа преземени, како донесување на: Упатство за спречување судир на интереси, Упатство за постапување со подароци и гостопримства, Етички кодекс, Правилник за изменување и дополнување на правилникот за користење и управување со службени возила, како и Упатство за изменување и дополнување на упатството за реализирање на службени патувања. Исто така, беа спроведени и обуки за спречување на корупција и системот за интегритет.
Интегритетот е клучен фактор во градењето на силни институции и стекнувањето доверба кај граѓаните. Системот за интегритет како стратешки механизам за превенција од корупција и унапредување на транспарентноста, обезбедува усогласено спроведување на законите, етичките кодекси и политиките, создавајќи јасна рамка и функционални механизми за нивна примена и заштита.
Како институција, Дирекцијата продолжува и понатаму да работи кон подобрување и сеопфатна имплементација на системот за интегритет. Овој резултат е потврда за заложбите кон законито, независно, непристрасно, етичко, одговорно и транспарентно вршење на работата, чувајќи го угледот и елиминирајќи ги ризиците и сомневањата во можноста од настанување и развој на корупција.