Македонија
Левица бара одговорност и оставка од Тошковски

Левица не само што ги осудува инцидентите и нередите околу непочитувањето на македонското знаме, не само што бара одговорност и оставка од Тошковски, туку уште еднаш потсетува на Македонската платформа, која беше основен услов за каква било постизборна коалиција на Левица со ВМРО-ДПМНЕ.
„Последниве инциденти потврдуваат зошто власта предводена од ДПМНЕ не прифати Македонската платформа да биде потпишана од промакедонските партии со цел утврдување на национален концензус заради превенција од уцените кои доаѓаат од партиите на албанското малцинство. Точките од Македонската платформа, предложена од Левица, мора да бидат минимум црвени линии на сите партии во државата пред кои нема попуштање ако сакаме да ни остане нешто од Македонија!
Потсетуваме дека петтата точка од Македонската платформа гласи: Забрана на веење и поставување јарболи со знамиња на туѓи (големи) држави на јавни места со цел зауздување на иредентизмот, етно-трибализмот и национал-шовинизмот, строга контрола и надзор над правилната употреба на државните симболи (грбот, знамето и химната) од страна на државните органи, општините и приватните субјекти при сите прослави и манифестации, задолжително истакнување само на македонското знаме во канцелариите на јавните функционери. Македонската платформа беше понудена од Левица со цел да се запре понатамошното разградување на Република Македонија и нејзино претворање во полупротекторат“, велат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.