Македонија
Левицата: Без пожарникари не можеме, без Шилегов сигурно можеме

Самоволието и арогантниот однос од страна на функционерите на СДС од ден на ден стануваaт сè почести. Наместо да се решаваат проблемите со кои се соочуваат работниците, тие се соочуваат со неспособноста на градоначалникот на град Скопје, Петре Шилегов, кој соочен со притисокот од сериозноста на ситуацијата полека, но сигурно го губи допирот со реалноста, обвини Левицата.
„Последниот испад на Шилегов се однесува на реалните и очекувани барања на Противпожарната бригада од Автокоманда, која единствено го бара она што им следува на пожарникарите во согласност со ризичноста на работното место – надомест за ризик на работно место!
Наместо да наидат на разбирање кај таткото на град Скопје, работниците беа пречекани со крајно несериозен и игнорантски однос. Имено, Шилегов не понуди никакво решение, туку, напротив, тој ги нападна и уцени работниците. Шилегов очигледно заборави на ветувањата на премиерот Заев од минатата година на средбата со претставниците на Независниот синдикат, каде што соопшти дека се обезбедени финансиски средства за плати на сите пожарникари согласно со законот и дека има зголемување на средствата за 70 милиони денари за 2020 година.
Доколку градоначалникот тврди дека одговорноста е во централната власт, која трансферира блок-дотации, тогаш нека праша во својата партија зошто има средства за платите на советниците на Заев, кои се двојно поголеми од платите на пожарникарите! Додека коалицискиот партнер ДУИ и новиот министер за финансии Фатмир Бесими тврдат дека нема ингеренции кои може да спречат да се исплаќа плата на вработените во администрацијата, кои патем не одат на работа и дека ова нема фискални импликации, од друга страна, пожарникарите не може да си ги добијат ниту платите за кои работеле и им следуваат по закон.
Ние како политичка партија, која се залага за правата и интересите на работничката класа, најостро го осудуваме однесувањето на градоначалникот Шилегов и бараме од него, конечно, да почне да ги решава проблемите со кои се соочуваат овие работници, како и проблемите општо во градот, во спротивно, нека си признае дека е неспособен и нека си даде оставка.
Воедно, упатуваме целосна поддршка за Противпожарната бригада од Автокоманда и им порачуваме дека им стоиме на располагање со нашите капацитети во процесот на решавање на нивниот проблем“, велат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ вели дека економијата се стабилизира од пустошот и хаосот кој го остави СДСМ

Економијата се стабилизира од пустошот и хаосот кој го остави СДСМ после 7 години катастрофално менаџирање, лоши економски политики и отсуство на мерки и проекти, велат од ВМРО-ДПМНЕ.
„После 7 години откако СДС ја уништи економијата и го срози стандардот на граѓаните, од голем минус стопанството и трговијата во индустријата се стабилизираа. Индикаторите за првиот месец од вториот квартал се високи, што покажува дека состојбата е стабилизирана во рамките на нула. Имаме раст на трговијата во индустријата од 6%, раст на преработувачката индустрија од 6,6%. Раст на прометот со трговијата во индустријата на меѓународниот пазар, каде имаме многу повеќе раст од домашниот. Прометот во трговијата во индустријата надвор е околу 7,5 – 7,6 проценти. За краток период Владата предводена од ВМРО ДПМНЕ исто така успеа да ги стабилизира буџетските приходи, и енормно да ја зголеми довербата на инвеститорите. Владата работи посветено со домаќински скроен буџет, се зголемија платите во клучни сектори како здравство, образование, полиција, се работи на конкретни мерки и проекти за намалување на невработеноста со цел подобар и поквалитетен живот на граѓаните“, се вели во соопштението на ВМРО-ДПМНЕ.
Македонија
Денес протест пред МВР поради одложеното рочиште за убиството на кучето Феликс

Денеска пред Министерството за внатрешни работи во 12 часот ќе се одржи протест поради одложеното рочиште за убиството на кучето Феликс.
Протестот го организира граѓанската иницијатива „Зелен хуман град“ заедно со активистички здруженија и групи за заштита на животните од држава.
-На 15 јуни во 12 часот ве повикуваме на мирен, но гласен и масовен протестен марш што ќе започне пред Министерството за внатрешни работи! Кога едно убиство — најтежок облик на кривично дело — останува неказнето, тоа е тешка повреда на правниот и на моралниот поредок во целото општество. Кога убиец останува на слобода се губи доверба во институциите (полиција, обвинителство, судство), се праќа порака дека животот нема вредност, се поттикнува култура на страв и молчење, наместо правда и одговорност, а насилството се нормализира! Кога нема казна, има повторување! Правдата не е избор, туку обврска на секое демократско и хумано општество! Феликс — симбол на добрината, верноста и кроткоста — беше брутално убиен. Феликс не беше само уште едно бездомно куче, не беше само уште една несреќна жртва! Неговото убиство не смее да помине неказнето! Правдата не дискриминира по вид. Живот е живот! Судот мора да изрече затворска казна ако сакаме и најмал зрак на надеж дека слични дела нема да се повторуваат во иднина!, велат од здруженијата.
Здруженијата бараат итно расчистување на случајот и максимална затворска казна за сторителот Љубе Крстевски како и за неговиот соучесник Бранко Билбиловски, воведување минимум од една година задолжителна затворска казна за кривичното дело убиство и мачење животни од Кривичниот законик, формирање локални (општински служби за заштита на животните), донесување закон за Комунална полиција (со полиција за животни), превентивни мерки за редуцирање на насилството врз животните и системска едукација.
Македонија
По половина час се чека на граничните премини Табановце и Богородица

На граничните премини Табановце и Богородица, времето на чекање за влез и излез од државата изнесува околу 30 минути. На останатите гранични премини од македонска страна, нема подолги задржувања за влез и излез од државата.
Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.