Македонија
Левица за новиот претседател на Граѓанскиот суд: Ни фотографија, ни биографија, само вест за љубовна афера
Денес, Судскиот совет за нов претседател на Граѓански суд Скопје го избра судијата Бесник Авдија, кој беше единствениот кандидат.
Од политичката партија Левица велат дека за единствениот кандидат, кој има две години искуство во Судот, нема никаква професионална биографија во медиумите, а и на сајтот на судот нема ниту негова фотографија. Единствената вест за овој судија, велат од партијата, се двете претставки кои се поднесени против него од граѓанин, а за наводна љубовна афера во просториите на Судот, за која постоеле и снимки.
„Претседател на Граѓанскиот суд Скопје во два мандати беше судијата Илир Сулејмани. До Левица постојано пристигнуваат жалби од граѓани дека судските постапки траат предолго и рочиштата се одложуваат без причина. Особено како неажурен суд го посочуваат Основниот граѓански суд Скопје, каде судските постапки траат со години. Ова го потврди и Судскиот совет, кој ги усвои пред една недела извештаите за работата на судовите за второто тримесечие за 2023 година, каде утврди дека Основниот граѓански суд Скопје е еден од неажурните судови.
Граѓаните се изложени на големи трошоци за да поведат постапка, која понатаму стои заглавена во судски лавиринти поради недостиг и неажурност на судиите. Судиите се често отсутни поради што се одложуваат постапките, а кога се во судница, поради наводно преголемиот обем на работа, не се заинтересирани да го завршат предметот експедитивно. Одговорност за ваквиот хаос, покрај претседателот во заминување – Илир Сулејмани, има и министерот Кренар Лога, кој наместо да промовира сериозни реформи во правосудството, тој со своите етно-трибалистички испади неуставно се обидуваше да воведе националност во изводите.
Левица во својата Програма предвидува низа мерки со кои правосудството ќе се ослободи од канџите на партизацијата и непрофесионалноста како: укинување на трајниот мандат на судиите и воведување ограничен мандат од девет години; воведување построги услови за избор на судии и поголем стаж за нивен постепен и скалест напредок; како и дефинирање на флоскулата „истакнат правник“, со цел спречување на нејзина идна злоупотреба при изборот на членови на правосудните тела“, велат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Ѓорѓиевски: „Вардар” мора да постои – обезбедена поддршка за баражот
За ФК „Вардар“ пред најважниот натпревар оваа сезона, е обезбедена финансиска поддршка од градоначалникот на Општина Кисела Вода Орце Ѓорѓиевски. На денешниот тренинг на тимот тој лично на „Вардар“, Вардарци и Комити им даде збор дека за многу брзо време работите ќе се променат на подобро, и „Вардар“ никогаш повеќе нема да биде во оваа ситуација.
– „Вардар“ е душата на Скопје и како еден од нив, ќе го дадам и последниот атом од мене за да се одржи клубот. Како и во минатото, така и сега во пресрет на баражот во недела, обезбедени се финансиски средства за да опстои нашата гордост. „Вардар“, Вардарци и Комити не се оставени сами на себе. Мојата подадена рака ќе стои секогаш тука за нив. И да, ќе одиме на врвот – таму каде што припаѓаме! А во една блиска иднина, за многу брзо време кога работите ќе се променат на подобро, „Вардар“ никогаш повеќе нема да биде во оваа ситуација. Го имате мојот збор!
Се гледаме во недела, во 17 часот на стадионот во Струмица. ФК ВАРДАР : ФК ДЕТОНИТ ПЛАЧКОВИЦА! За Вардар, за нашето славно минато и блескава иднина, истакна градоначалникот Орце Ѓорѓиевски, кој и минатата година, пред историскиот натпревар со Кавадарци му обезбеди финансиска поткрепа на спортската гордост на Скопје, „Вардар“.
Македонија
ДИК за денешното прегласување: Се одвиваше непречено, без пријавени нерегуларности
Денес заврши прегласувањето на болните и немоќни лица, лицата кои издржуваат казна затвор и лицата сместени во центрите за вонсемејна грижа а кои припаѓаат на избирачките места каде што се поништи гласањето за парламентарните избори спроведено на 8 мај 2024.
Вкупно 45 лица пријавени како болни или немоќни имаа право на глас на избирачките места каде се одвива прегласувањето во Желино, Крушево, Охрид, Долнени и Струга.
На ИМ 2101 во Желино гласале сите 4 лица кои биле запишани како болни или немоќни.
На ИМ 1194 Крушево од 20 запишани лица гласале 18 а на ИМ 1202 Крушево гласале сите 6 запишани лица.
На ИМ 1272 Охрид, правото на глас денес го искористиле двете запишани лица во посебниот извод од Избирачкиот список.
На ИМ 1470 Долнени во кое имаше запишано 7 лица како болни или немоќни и на ИМ 1470/1 Долнени со запишани 2 лица, сите го искористија правото на глас.
На ИМ 1844 Струга, сите 4 лица запишани како болни или немоќни гласаа денес во текот на денот.
Гласањето заврши и за лицата кои се на издржување казна затвор како и за лицата кои се сместени во центрите за вонсемејна грижа.
Сите 5 пријавени лица за гласање во затворите во Прилеп и Шуто Оризари денес гласаа во објектите каде престојуваат, а и двајцата пријавени гласачи во центрите за вонсемејна грижа во општините Карпош и Битола, денес го остварија своето право на глас.
Гласањето се одвиваше непречено, без пријавени нерегуларности, извести ДИК.
Македонија
Осомничениот за двојното убиство Љупчо Палевски – Палчо, спроведен во Кривичниот суд: одреден му е притвор од 30 дена
Осомничениот за двојното убиство во Скопје и Велес од ноември минатата година, Љ.П. кој на 15.05.2024 година беше екстрадиран од Р.Турција, по наредба на судија на претходна постапка денeска беше спроведен во Основниот кривичен суд Скопје за да се произнесе во однос на мерката притвор определна во негово отсуство, а по предлог на Основното јавно обвинителство – Скопје, соопшти Кривичниот суд.
„По признесување на осомничениот во присуство на неговиот бранител, поставен по службена должност, судија на претходна постапка донесе решение со кое на осомничениот му се определува мерка притвор во траење од 30 дена која започнува со нејзино реализирање од денот на неговиот прием во Истражниот затвор Скопје, а заради постоење на околностите од чл. 165 ст. 1 точка 1,2 и 3 односно постојат околности дека може да се даде во бегство, може да ја попречи кривичната постапка со влијание врз сведоците, и околности кои упатуваат дека ќе го доврши или повтори кривичното дело.
Против ова решение странките имаат право на жалба пред Кривичниот совет на овој суд“, се истакнува во информацијата.