Македонија
Левица: Таравари и Фатмир Меџити добија функции додека ДПМНЕ ги обвинуваше за куќите во Тафталиџе
Новата Влада само ги замени позициите на Министерот и директорите на јавните здравствени установи во државата, па така, наместо очекуваните нови лица во руинираниот здравствен систем, назначени се лица кои имаат огромен политички багаж и низа на скандали позади себе, велат од Левица.
„Арбен Таравари, актуелниот градоначалник на Општина Гостивар, кој според ДКСК е соучесник во изградбата на повеќе дивоградби, всушност, веќе еднаш беше министер за здравство во Владата на СДСМ и Заев пред шест години. Тој ја проблематизираше најавената изградба на Клиничкиот центар во Скопје и ја прекина изградбата на Клиничката болница во Штип! Токму сегашната власт, предводена од Мицкоски, во минатото го прогласи ТАРАВАРИ за НАЈЛОШ министер за здравство. Наместо истрага за катастрофално работење, досегашниот министер за здравство од Владата на СДС, ДУИ и АА – Фатмир МЕЏИТИ, ќе стане директор на Клиниката за неврологија во Владата на ДПМНЕ, ЗНАМ и Вреди. Токму ДПМНЕ ги обвинуваше Таравари и Меџити за политичка КОРУПЦИЈА и дека добиле куќи во Тафталиџе како подарок од ДУИ за влез во Влада“, посочуваат од Левица и додаваат:
„За време на неговиот мандат е обзнанен и скандалот со крадење на цитостатици од Клиниката за онкологија, за што постојат наводи кои потврдуваат негово соучесништво, а за кое обвинување зборуваше тогашната пратеничка на ДПМНЕ, а сега директор на Клиниката за неврологија – Рашела Мизрахи. Меџити беше главен виновник и ја назначи директорката на Клиниката за токсикологија, која не знаеше македонски јазик и одеше на работа со преведувач. Токму ДПМНЕ го обвинуваше Меџити за непотизам, затоа што во својот кабинет ги вработил сестрата и братот на неговата сопруга. Потсетуваме дека Меџити ги остави младите лекари без задолжителна пракса, во периодот кога владата чиј член, предложи предлог-закон кој им дозволува на здравствените работници да се пензионираат на 67 години. Левица го блокираше овој штетен закон сè додека младите лекари не добија задолжителна пракса во јавните здравствени установи за примарна здравствена заштита низ државата.
Уште во првите денови, новата влада на ДПМНЕ покажа дека нема политичка волја за ставање крај на корупцијата во здравството и иницирање одговорност за досегашното катастрофално менаџирање. На македонското здравство му се потребни стратешки кадровски промени кои ќе ги задржат младите лекари во Република Македонија. Тенденциозното уништување преку партизираните кадровските поставки во јавното здравство ја намалува довербата во истото. Здраствените услуги стануваат сè понедостапни за работниот народ, додека паралелно, за сметка на уништување на јавното здравство, се зголемуваат профитите во приватните болници“, завршуваат од Левица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја делови од Сопиште, Петровец и Гази Баба
Од ЕВН Македонија АД известуваат дека денеска без електрична енергија ќе останат:
· од 08.00 до 14.00 часот, дел од корисниците од дел од с.Долно Соње.(Општина Сопиште)
· од 08.30 до 11.30 часот, корисниците од с. Горно, Средно и Долно Коњари. (Општина Петровец)
· од 08.30 до 11.30 часот, корисниците од с. Чифлик. (Општина Сопиште)
· од 08.30 до 11.30 часот, корисниците од с. Катлановска Сушица. (Општина Петровец)
· од 09.00 до 12.00 часот, корисниците од ул. Вера Вучкова Жежељ, во нас. Хиподром. (Општина Гази Баба)
Македонија
Променливо облачно со повремени локални врнежи од дожд
Променливо облачно со повремени локални врнежи од дожд, особено претпладне. Ќе дува умерен, вдолж Повардарието засилен северен ветер. Минималната температура ќе биде во интервал од 6 до 11, а максималната ќе достигне од 10 до 16 степени.
Во Скопје, променливо облачно претпладне со повремен слаб дожд. Ќе дува умерен, повремено засилен ветер од северен правец. Минималната температура ќе се спушти до 10, а максималната ќе достигне до 14 степени.
Времето во наредните денови
Во среда и четврток ќе преовладува претежно стабилно време, а нови локални врнежи од дожд повторно се очекуваат во петок и во деновите од викендот.
Македонија
Во Битола по 67 пат одржана традиционалната Ноќна атлетска трка
Во рамките на одбележувањето на 4 Ноември, денот на ослободувањето на Битола, на Широк Сокак се одржа традиционалната Ноќна атлетска трка, во организација на Сојузот на спортови на Битола, со поддршка на Општина Битола.
Оваа манифестација, која се одржува по 67-ми пат е најстарата спортска манифестација во Битола. Годинава учествуаа над 700 учесници, основци, средношколци, студенти, граѓани и ветерани. Натпреварите се одвиваа во 24 категории, во машка и женска конкуренција.
Дел од наградите на најдобрите натпреварувачи им додели градоначалникот на Општина Битола, Тони Коњановски, кој истакна дека манифестацијата претставува симбол на спортскиот дух и заедништвото на битолчани.
„Горд сум што во очи денот на ослободувањето на Битола можеме да ја прославиме спортската традиција на нашиот град. Ноќната трка е симбол на упорност, младост и љубов кон Битола. На сите учесници им честитам на храброста и ентузијазмот, а на победниците им посакувам уште многу успеси,“ рече Коњановски.

