Македонија
Левица: Тошковски уште првиот ден отиде на „баци рака“ кај грчката амбасадорка
ДПМНЕ се заложува за спроведување на „Преспанскиот договор“ уште во првиот ден од техничката Влада, оценуваат од Левица.
Ова, според нив директно и недвосмислено го прави преку техничкиот министер за внатрешни работи, кој на грчката амбасадорка Филипиду отиде да и соопшти дека ќе продолжи со воведувањето на дивоградбата „Северна“ во патните исправи на македонските граѓани, велат од Левица.
„Министерот на ДПМНЕ – Тошковски уште првиот ден отиде на „баци рака“ кај грчката амбасадорка и буквално да се извинува за неуспехот да се добави „Северна“ во македонските патни исправи и моли за продолжување на рокот за спроведување. Партијата која наводно беше против „преспанскиот договор, а подоцна најавуваше негова ревизија уште во техничката влада ДПМНЕ започна спроведување на Преспанскиот договор.
Како и секогаш досега во историјата на независна Македонија, ВМРО-ДПМНЕ целосно потфрла во политиките кои го заштитуваат националниот и државен интерес, дозволува СДСМ и ДУИ да ја направат штетата на државата, а подоцна глумејќи жртва и амнестирајки се себеси од одговорност пред народот, ги спроведува штетните договори. Македонија не заборава дека со помош на осумте пратеници на ДПМНЕ беше извршена промената на Уставното име, како што сега гледаме спроведување на „Северна“ од истата партија“, се посочува во реакцијата од оваа партија.
Имајќи го во предвид сето ова, ваков однос од страна на ДПМНЕ, Левица како што истакнуваат очекува и по однос на договорот со Бугарија и т.н. „француски предлог“ за внесување на Бугарите во Уставот.
„Затоа Левица го повикува македонскиот народ мудро да донесе одлука за кого ќе даде поддршка на наредните парламентарни избори и и овозможи на Левица да ги блокира антимакедонските политики на широката бизнис коалиција на СДС, ДПМНЕ и ДУИ“, се нагласува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
24 Мај – Денот на сесловенските просветители свети Кирил и Методиј е неработен ден за сите граѓани
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 24 мај 2024 година (петок), Св. Кирил и Методиј – Денот на сесловенските просветители – е неработен ден за сите граѓани на Република Северна Македонија.
Министерството за труд и социјална политика на сите граѓани во Република Северна Македонија им го честита празникот Св. Кирил и Методиј – Денот на сесловенските просветители.
Македонија
Мицкоски – Дрекслер: Заложбите на владата на ВМРО-ДПМНЕ се евроинтеграциите, забрзан економски развој и борбата против криминалот и корупцијата
Претседателот на ВМРО-ДПМНЕ, Христијан Мицкоски, заедно со потпретседателот Тимчо Муцунски оствари средба со амбасадорката на Сојузна Република Германија, Петра Дрекслер.
На средбата претседателот Мицкоски ги презентира заложбите што ВМРО-ДПМНЕ како идна влада ќе ги има, а тоа се евроинтеграциите, забрзан економски развој и борбата против криминалот и корупцијата.
„Потребно е Македонија да се стави на брза лента кон ЕУ, но и засилено да се забрза економскиот развој и да се подобри животниот стандард на граѓаните. Борбата против криминалот и корупцијата се клучни бидејќи Владата на СДС и ДУИ ја деградира државата по сите основи, а најмногу на тоа поле. ВМРО-ДПМНЕ ќе работи за сите граѓани на државата, а не како СДС и ДУИ до сега“, рече Мицкоски.
Македонија
Шверцувале мигранти од Босна и Херцеговина во Хрватска: на цариниците им плаќале по 1.500 евра
По спроведена истрага, УСКОК поднесе обвинение пред судот во Осиек против групата, во која беа вклучени двајца царински службеници, осомничени за шверцување најмалку 47 турски мигранти во најмалку пет наврати и шверцување разновидна комерцијална стока преку граница.
Инспекторите се сомневаат дека првообвинетиот, со засега непознати лица од БиХ, се договорил и за пари организирал континуирано нелегално префрлање поголем број странски државјани од БиХ во Хрватска преку граничните премини во Гуња, Топушка и други места.
За нивниот пикап и превоз преку граница за цена од 1.500 евра од превоз организаторот на групата во договор со еден од осомничените царински службеници го ангажирал четвртопријавениот, кој ги превезувал мигрантите скриени во багажникот на возилото. Потоа ги предал на непознати лица за понатаму да ги вози до договорените дестинации во Хрватска и другите земји од Европската Унија.