Венко Филипче беше фатен во “Крвави тендери” набавка вредна 35 милиона евра, тој нема кредибилитет, да си поднесе оставка, истакна на прес-конференција Валентин Манасиевски, член на ЦК на ВМРО-ДПМНЕ.

Венко Филипче, вели тој, со сила го туркаше проектот за набавка на тестови и реагенси за крвни анализи вреден 35 милиони евра.

„Единствена фирма која се имаше појавено на повикот и со која Филипче беше пред склучување на договор беше АХР ЛАБ, фирма без корпоративна електронска пошта, а ќе остане запаметена по маилот жути@јаху.ком. Венко Филипче чекаше да помине револтот на јавноста за да продолжи да го турка тендерот, но силната реакција на медиумите, ВМРО-ДПМНЕ и јавноста тоа не го дозволија“.

Според него, Венко Филипче нема кредибилитет. Тој е претседател на СДС, само, како што вели, за да може некогаш повторно да дојде во позиција за да ги повтори тендерите како тој со аферата “Крвави тендери”. Манасиевски подвлекува дека Венко Филипче треба да си даде оставка.

Одделот за внатрешна контрола, криминалистички истраги и професионални стандарди при Министерството за внатрешни работи до надлежното Основно јавно обвинителство Куманово поднесе кривична пријава против М. П. поради постоење основи на сомнение за сторено кривично дело несовесно работење во службата.

Пријавената М. П., референт за управни работи во Одделението за управни работи Куманово, на 20.12.2024 извршила продолжување на регистрацијата на приколката „тирсан“ и на патничкото возило „шеворлет калос“ и покрај тоа што не биле исполнети законски пропишаните предуслови за продолжување на регистрацијата, односно двете возила немале поминато технички преглед.

Исто така, на 27.12.2024 пријавената извршила продолжување на важноста на регистрацијата на патничко возило ‘опел корса’ и покрај тоа што подносителот на барањето не приложил важечка лична карта, односно приложил истечена лична карта, што е и еден од условите за регистрација на возило. Продолжувањето на регистрацијата М. П. го извршила во периодот кога користела боледување. Одделот за внатрешна контрола, криминалистички истраги и професионални стандарди против М. П. поднесе предлог за поведување постапка за кршење на работниот ред и дисциплината и изрече задолжителна мерка за отстранување од работното место – суспензија до завршување на дисциплинската постапката.

Полицјата поднесе кривична пријава против Г. Б. (30) од Романија поради измама со проджба на кујнски прибор. Од Основниот суд Штип пријавениот е осуден и му е изречена казна – протерување странец од територијата на државата во траење од три години.

Тој измамил 72-годишен маж му продал комплет кујнски прибор за сума од 970 евра на начин што го довел во заблуда дека е оригинален производ на познат бренд.

По преземените мерки, тој бил пронајден и лишен од слобода, по што во службен разговор во полициска станица го признал делото и ги вратил парите, велат од МВР.

(Фото: илустрација)