Македонија
Левица: Упадот на бандите на ДУИ во М-НАВ ја покажаа деструктивноста на оваа криминална партија

Последните настани со упадот на бандите на ДУИ во М-НАВ повторно ја покажаа целата деструктивност и безобзирност на оваа криминална партија која и сега како и многупати претходно ја загрози јавната безбедност, велат од Левица.
„Целосната потчинетост на бескичмењаците од СДС под чизмата на сецесионистите од ДУИ и тишината на ДПМНЕ како претходно познат коалиционен партнер и понатаму не одговара на овие грозни понижувања и напади по општото добро.
Во оваа серија на противправни дејствија, пред се издвојува членот 303 од КЗ за загрозување на сообраќајот во воздушниот простор, кој вели дека тој што ќе изврши дело со кое ја загрозува или може да ја загрози безбедноста на аеродром за меѓународeн воздушен сообраќај и со намера да изврши дело на насилство против лице на аеродром за меѓународен воздушен сообраќај или ги попречува услугите на аеродром за меѓународен воздушен сообраќај, ќе се казни со затвор од најмалку пет години“, се истакнува во нивната реакција.
„Бандата на ДУИ која ја предводеше Беким Незири во 2010 година од позиција на директор истепал и избркал од работа контролор за летање кој како инструктор во М-НАВ не сакал да му потпише дека поминал обука за контролор. После ваквиот напад, ДПМНЕ го постави Незири за директор на ПИОМ, каде проневери 19 милиони евра, па го унапреди во министер за економија. Сега ДПМНЕ се згрозени од дивјаштвото на терористи кои тие ги амнестираа – а СДС им ја даде комплетната власт“, додаваат од Левица.
Ова, според нив, е уште еден во низата примери за кадрите на т.н. “европски фронт” на СДС и ДУИ кои имаат за цел да продожат да владеат на овој начин.
Дополнително, како што велат, покрај големиот број на полициски службеници во Република Македонија стратешки значајниот објект на контролата на летање се обезбедува преку приватна агенција, која како и целата таа индустрија се заснова на врските со политичките партии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре ќе се одржат внатрепартиските избори за Претседател на СДСМ

Утре ќе се одржат директните внатрепартиски избори за Претседател на СДСМ кои беа одложени поради трагедијата во Кочани.
„Социјалдемократскиот сојуз на Македонија е единствена партија којашто Претседателот го избира на непосредни, внатрепартиски избори.
Изборите ќе се спроведат во општинските организации на СДСМ ширум републиката, на 78 избирачки места, кои на денот на гласањето ќе бидат отворени од 08 до 20 часот.
Централната изборна комисија го потврди и го затвори Избирачкиот список, на кој активно регистрирани се 23.712 членови, обезбеден е избирачки материјал, паравани за тајност на гласањето, избирачки кутии, ознаки и се што е потребно за изборниот ден.
Сите активно регистрирани членови на СДСМ ќе можат да го остварат своето право на непосредно и тајно гласање за избор на Претседател во својата општина на соодветно гласачко место.
Членовите што гласаат, со себе задолжително треба да ја има електронската членска картичка на СДСМ и важечки личен документ за идентификација (лична карта или пасош).
Гласањето на болни и немоќни е овозможено, еден ден порано, односно во сабота на 05.04.2025 година.
Сите детални информации, одлуки, правилници, роковници и останати документи поврзани со внатрепартиските избори за претседател на СДСМ се достапни на веб страната на СДСМ или директно на следниот линк:
Надлежна за спроведување на гласањето е Централна изборна комисија.
Информација за резултатот ќе го соопштиме во недела по завршување на процесот на гласањето“, стои во соопштението на СДСМ.
Македонија
Министерство за здравство: 69 пациенти се на лекување во странство и нема промена во нивната состојба

Министерството за здравство информира дека во моментов 69 пациенти се на лекување во странство и нема промена во нивната состојба, во споредба со претходните денови.
Непроменета е и состојбата на пациентите во критична состојба.
Во установите во Скопје се лекуваат 15 пациенти и тоа:
– Во Хируршка клиника „Св Наум Охридски“ – 6,
– На Клиника за пластична хирургија – 4 пациенти пристигнати синоќа од странство,
– На Клиника за токсикологија има двајца пациенти (еден од претходно кој е префрлен од Хируршка клиника ,,Св. Наум Охридски” и еден кој ноќеска е дојден од Шпанија) и еден пациент е хоспитализиран на Клиника за пулмологија.
– Во Систина се лекуваат двајца пациенти.
Сите пациенти кои се третираат во нашите установи се во стабилна состојба, известија од Министерството за здравство.
Македонија
(Видео) Спасовски: Градоначалникот на Крива Паланка лажеше дека има цијанид 100-тици пати над дозволеното

Градоначалникот на Крива Паланка лажеше дека во водата во Крива Паланка има цијанид 100-тици пати над дозволеното, за да шири паника и манипулира пред избори, кажа денеска на прес-конференција Емил Спасовски, пратеник на ВМРО-ДПМНЕ.
„Сашко Митовски свесно ги лажеше граѓаните и на Крива Паланка и на целата држава дека загадувањето на водата во Крива Паланка со цијанид е 100-тици пати над дозволеното. Анализите кои ги објави Државниот инспекторат за животна средина го покажуваат спротивното и го демаскираат трулиот обид на Митовски да манипулира. Мизерно е како Митовски не се колебаше да манипулира со најчувстителната тема за граѓаните – безбедноста на водите и почвата, само за да шири паника и ќари некој ситен политички поен пред избори“, рече Спасовски.
Пратеникот го повика Јавното обвинителство да поднесе кривична пријава против Митовски, за ширење паника.
„Дејствијата на Митовски се дотолку поголеми што тој е носител на јавна функција, која во дел од јавноста може да создаде краткотраен привид дека тој ја говори вистината, и со тоа да предизвика огромен страв. ЈО треба да ги земе во предвид овие околности, но и стварниот ефект предизвикан од паниката која ја рашири Сашко Митовски и да поднесе кривична пријава против него“, истакна Спасовски.