Македонија
Лога – Хамран во Хаг: изразена благодарност за поддршката од Европравда

Министерот за правда, Кренар Лога, одржа средба со претседателот на ЕВРОПРАВДА, Ладислав Хамран, во Хаг, Холандија. На средбата имаше дискусија за важноста од учеството и активниот ангажман на земјите кандидати преку обвинителот за врска како демонстрација на заложбите и напредокот во евроинтеграцискиот процес, но и како можност да бидат дел од процесите, кои главно се резервирани за земјите членки на ЕУ.
Министерот Лога уште еднаш изрази благодарност за поддршката од ЕВРОПРАВДА како резултат на која соработка во успешна заедничка акција во изминатиот период беше разбиена меѓународна криминална група.
Во оваа насока, министерот изрази уверување дека досегашната соработка уште повеќе ќе се интензивира и со именувањето на Јавниот обвинител за врски од Република Северна Македонија со чиј директен ангажман несомнено ќе се зголеми ефикасноста во соработката со ЕВРОПРАВДА и справувањето со криминалот на меѓународно ниво.
На средбата, министерот и претседателот на ЕВРОПРАВДА , ги дискутираа и можностите за поддршка на ЕВРОПРАВДА за обезбедување на успешни примери на програми за автоматска распределба на предметите во судовите во некоја од земјите членки на ЕУ, како еден од приоритетите на кои е насочено Министерството за правда во процесот на дигиталзиација на правосудството.
Во оваа насока, министерот истакна дека со враќање на легитимитетот во работата на Судскиот совет и неодамнешниот избор на нов републички јавен обвинител обезбедени се два од трите клучни предуслови за обезбедување независно и функционално правосудство. Министерот нагласи дека со воспоставувањето на успешна дигитализација на правосудството преку функционален систем за автоматска распределба на предметите и заокружување на овој процес, Република Северна Македонија ќе постигне значителен напредок во реформата на правосудството, а со тоа и владеење на правото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.