Македонија
Македонскиот концепт со цврста поддршка за усвојување нов македонски грб

Македонски Концепт дава цврста поддршка на иницијативата за усвојување на нов македонски грб – автентичен симбол што ќе го одразува вистинскиот македонски идентитет.
„Ова е прашање на национален интерес, достојно за независна и суверена држава каква што е Македонија. Грбот не е само украс – тој е политичка и историска порака. Време е Македонија да добие симбол што го отсликува нејзиниот идентитет, без компромиси и без остатоци од минати идеолошки влијанија. Ни треба грб на Македонија, а не грб на социјализмот, капитализмот, комунизмот, монархизмоти или било кое друго идеолошко движење“, велат од Македонски Концепт.
Македонски Концепт повикува на обединување околу оваа иницијатива, бидејќи како што велат, ова не е партиско, туку државно прашање.
„Да ја изградиме Македонија како модерна, самоуверена и горда држава што ги почитува своите корени и гради стабилна иднина“, завршуваат од Македонски концепт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тоше отишол во дискотеката во Кочани да го прослави раѓањето на својот син, загина во страшниот пожар

Најмалку 59 лица загинаа во пожарот во дискотеката во Кочани, а 155 се повредени, соопшти министерот за внатрешни работи Панче Тошковски.
Пожарот се проширил на таванот и покривот на дискотеката, кој брзо изгорел. Публиката на концертот кој започна на полноќ беше претежно млада. Меѓу загинатите има и тројца малолетници, додека 22 лица се во критична состојба. Најмладата жртва имала само 14 години. Во врска со трагедијата досега се приведени неколку лица.
Триесетгодишниот Тоше Богданов е една од жртвите. Неговите пријатели велат дека во саботата излегол со пријателите да го прослави раѓањето на синот. Богданов, кој бил од Облешево, работел како автомеханичар и живеел со сопругата која, според неофицијални информации, пред неколку дена го родила нивното дете.
„Тоше имаше син и излезе со пријателите да го прослави раѓањето на детето. Сакаше да ги почести и отиде во диско, а сега го нема“, рекол извор близок до семејството.
Македонија
(Фото) Знамињата пред Собрание на половина копје, денови на жалост во Македонија

Поради тргагедијата во Кочани, Владата на РСМ прогласи седумдневна жалост на територија на целата држава.
„На вонредната владина седница по трагичниот настан во oпштина Кочани каде во несреќен случај при пожар на дискотека животот го загубија 59 млади лица, а над 100 луѓе се хоспитализирани и им се укажува лекарска грижа, Владата донесе одлука за прогласување на 7-дневна жалост на територија на целата држава. Секој да се придржува до одлуката, бидејќи казните за непочитување ќе бидат ригорозни. Во овие денови Министерството за надворешни работи ќе отвори книга на жалост во рамки на министерството за огромната несреќа која се случи“.
59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Вкупно 115 пациенти се лекуваат во нашите болници, а како што извести министерот за здравство, Арбен Таравари, 47 се на лекување надвор од државата.
Денеска се очекува да пристигнат специјалисти за изгореници и интензивна нега, од Израел, Белград и Прага.
Македонија
Фудбалерот Лазаров не е единствениот, уште двајца спортисти загинаа во страотниот пожар во Кочани

Страшниот пожар што избувна во дискотеката во Кочани, го одзеде животот на повеќе од еден спортист. Покрај фудбалерот Андреј Лазаров, животот го загубиja и голманот Дамјан Танески (18) и кошаркарот Петар Ивановски (20).
Танески беше дел од младинската фудбалска репрезентација, а кариерата ја започна во штипски Мал Ајакс. Играше за младинските екипи на Вардар од Скопје, а подоцна беше член на Брегалница и на Кит Го од Пехчево. Тажната вест за неговата смрт ги потресе сите негови колеги и спортски пријатели, кои го опишаа како талентиран и посветен спортист.
Од друга страна, смртта на Ивановски ја потврди и неговиот матичен клуб Дино Баскет, кој во емотивна порака ја изрази својата тага поради загубата на нивниот талентиран играч.
– Со голема тага ја примивме веста дека меѓу жртвите во синоќешната трагедија е и нашиот соиграч Петар Ивановски. Петар беше многу почитуван меѓу пријателите и соиграчите, а како МВП на турнирот до 14 години остави длабока трага во кошаркарскиот свет. Беше прекрасна личност, борец со големо срце – напишаа од Дино Баскет.