Македонија
Маричиќ: Вклучувањето на научниците е од суштинско значење за реформите на патот кон ЕУ

Вицепремиерот задолжен за европски прашања, Бојан Маричиќ, имаше свое обраќање на годишниот состанок на СОЅТ (Европска соработка за наука и технологија, организација за научно-технолошко вмрежување во Европа), на кој присуствуваа високи претставници на Комитетот на СОЅТ, функционери професори и др.
Во својот говор Маричиќ ја истакна важноста на учеството на Северна Македонија во СОЅТ, кој е доказ за посветеноста на нашата научна заедница и посветените претставници на академијата и затоа што треба да бараме можности за воспоставување солидна соработка меѓу научниците и институциите споделувајќи го нивното меѓународно искуство за доброто на Северна Македонија.
„Како земја што преговара за полноправно членство во Европската Унија, имаме можност да учествуваме во истражувачките програми на Европската Унија и да ги почувствуваме придобивките уште пред пристапувањето. Ова вклучува македонски истражувачи во значајни проекти за иновации, истражување и наука. Научното истражување и споделувањето искуства се од најголема важност за нашето општество“, истакна Маричиќ.
„Ние сме посветени на нашите реформи и натамошна интеграција во Европската Унија, со нетрпение го очекуваме вклучувањето на нашата академска заедница и нејзиното значајно учество во подготовката, а потоа и имплементацијата на патоказите за владеење на правото, реформа на јавната администрација и функционирање на демократските институции, кои произлегуваат од преговарачката рамка. Во тој поглед научното и технолошкото истражување и искуство би биле од суштинско значење“, потенцира Маричиќ.
За крај во своето обраќање, Маричиќ ѝ се заблагодари на заедницата COST за нејзината посветеност за унапредување на науката и ја потенцира посветеноста на Владата за обезбедување зголемена национална поддршка за учесниците во COST обезбедувајќи ги ефикасноста и успехот на научниците и иноваторите, ние треба продолжиме да градиме европска иднина за Северна Македонија, каде што науката и технологијата играат суштинска улога во обликувањето на подобар свет за сите.
COST (Европска соработка во науката и технологијата) е организација за финансирање мрежи за истражување и иновации и е најстарата и најголема програма за вмрежување во науката во Европа, која е основана во 1971 година со седиште во Брисел. Освен членките на ЕУ, учествуваат и земјите од Европа, кои не се членки на ЕУ, Република Северна Македонија е членка на СОЅТ од 2002 година.
На состанокот учествуваше и министерот за образование, Јетон Шаќири, како и високи претставници на бордот на СОЅТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.