Македонија
Маричиќ: Интелектуалната класа во македонското општество треба да биде движечка сила, директно вклучена во преговорите со ЕУ
Денес, Заменикот претседател на Владата задолжен за европски прашања Бојан Маричиќ одржа работна средба во очи утрешниот годишен состанок на КОСТ (Европска соработка за наука и технологија, организација за научно-технолошко умрежување во Европа) на кој ќе присуствуваат високи претставници на СОЅТ од триесетина земји членки.
На средбата Вицепремиерот истакна дека учеството на македонските научници и споделувањето на искуството, вмрежувањето преку најголемата организација за научно технолошко врмежување КОСТ е од големо значаење за развој на општеството, и науката воопшто.
Маричиќ ја истакна информацијата дека според овогодинешниот извештај за Северна Македонија за 2023 година, во рамките на поглавјето 25 кое се однесува за наука и истражување, нашата држава има постигнато добро ниво на подготвеност во таа област.
Нашата држава како земја преговарач, успеа да искористи златна прилика за активно учество во истражувачките програми на ЕУ, дури и пред формалното членство.
Членството на Северна македонија во КОСТ е мошне важно за нашата успешна реализација на членство во ЕУ.
Интелектуалната класа во македонското општество треба да биде движечка сила во демократскиот развој на државата со посебен акцент на потребата дека истражувачите, научниците да бидат директно вклучени во преговорите со ЕУ.

На средбата беше истакнато дека една од стратешките цели на КОСТ е задржување на младите истражувачи во своите држави преку куси програми за унапредување, градење капацитети и професионално доусовршување.
На утрешниот состанок ќе се разгледуваат важни прашања за статусот на СОЅТ во новата 10-та рамковна програма за наука и технологија Хоризонт Европа на ЕУ од каде и се финансираа оваа програма.
Нашиот македонски тим на истражувачи сега игра клучна улога во значајни проекти, фокусирани на иновации, истражување и наука. Ние тврдиме дека научното истражување и размената на искуства се витални за напредокот на нашето општество.
На средбата присуствуваа, директорот на КОСТ, Роналд де Браун, ракодоводителката на одделот за политики Урсула Кастро, Советникот Елвин Рајминк од Кост и професорот Зоран Поповски како претставник на извршниот одбор на КОСТ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја делови од Гази Баба и Ѓорче Петров
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 14.30 часот, корисниците на обејкт на Меркур Македонија. (општина Гази Баба)
· во периодот од 09.00 до 14.30 часот, корисниците на дел од улицата Радушка (општина Ѓорче Петров)
Македонија
Променливо облачно со повремени локални врнежи од дожд
Променливо облачно со повремени локални врнежи од дожд. Ќе дува умерен, а долж Повардарието повремено засилен ветер од северозападен правец. Минималната температура ќе биде во интервал од 3 до 6, а максималната ќе достигне од 10 до 17 степени.
Во Скопје, променливо облачно, претпладне со повремени локални врнежи од дожд. Ќе дува умерен ветер претежно од северен правец. Минималната температура ќе се спушти до 6, а максималната ќе достигне до 16 степени.
Времето во наредните денови
Под влијание на стабилна воздушна маса следува период на суво и стабилно време. Утринската температура ќе се спушти под нулата, а во одредени котлини ќе има услови за појава на магла.
Македонија
Центар наскоро ќе стане првата општина во земјава со систем за мерење на бучава, рече Герасимовски
Општина Центар наскоро ќе стане првата општина во земјава со систем за мерење на бучава во реално време, најави градоначалникот Горан Герасимовски. Според него, јавната набавка е завршена, а веднаш по изборите ќе бидат поставени 30 мерни единици на различни локации.
„Заврши јавната набавка, чекаме да поминат изборите за да ги поставиме мерните единици – првично 30. Преку мобилна апликација, секој граѓанин ќе може да провери каква е фреквенцијата на бучава на одредена локација“, изјави Герасимовски.
Системот, како што објасни, ќе им овозможи на граѓаните докази при пријавување во Министерството за внатрешни работи или до општинските инспекциски служби. Целта е брза и ефикасна реакција на прекршителите, особено во зони каде што постојат проблеми со прекумерна бучава од угостителски објекти и сообраќај.
Во вториот дел од изјавата, Герасимовски зборуваше за следниот голем проект на општината – постепено затворање на Дебар Маало за моторен сообраќај, со што ќе се намали хаосот со паркирањето и ќе се создаде подобар квалитет на живот за жителите.
„Имаме ревидиран проект за затворање на Дебар Маало. Тој е доставен до Министерството за внатрешни работи и веќе имавме два состанока со МВР за да го подобриме и да добиеме одобрување. Така и беше договорено на последниот состанок“, рече Герасимовски.
Планот е Дебар Маало да се затвора дел по дел, почнувајќи веднаш по завршувањето на изборниот процес, а првата рампа веќе е поставена.
„Веќе поставивме рампа на почетокот на Боемска улица. Разговараме за начинот на кој таа зона ќе функционира, и тоа ќе биде пример за затворање и на други населби каде што сообраќајот и паркирањето се хаотични“, додаде градоначалникот.

