Македонија
Маричиќ од Брисел: Повеќе придобивки за сите граѓани , со реформите кои се подготвуваат на патот кон ЕУ
Вицепремиерот за европски прашања и главен преговарач со Европската Унија, Бојан Маричиќ, денес во Брисел одржа брифинг состанок со делегатите од работната група за проширување на Советот на Европската Унија, КОЕЛА.
На средбата со делегатите, се говореше за успешното завршување на Скрининг процесот, за следните планови во однос на доставувањето на потребните документи за реализација на реформите во државата, стратегијата за Планот за раст која државата во моментов ја развива со цел да ја имплементира и кои се предизвиците на патот кон ЕУ.
Маричиќ се заблагодари за поддршката до членовите на Советот и до сите засегнати страни кои беа дел од Скрининг процесто и за целовкупната поддршка која ЕУ ја дава интересирајќи за тоа како можат делегатите да се вклучат и позитивно да влијаат во кругот на своето делување со цел Северна Македонија успешно да ги реализира процесите на патото кон ЕУ.
Со завршувањето на скрининг процесот, според него, се заокружува една многу важна фаза во која во 15 месеци, институциите работеа со многу голема посветеност чијшто резултат е успешната реализација на овој процес.
Тој рече дека следните чекори кои што треба да се превземат се подготовката на патоказите за реформите и акциониот план на којшто институциите во моментов забрзано работат, понатаму превземање на одговорноста и усвојувањето на уставните амандмани како и максималното фокусирање на стратегијата за Планот на раст.
Планот за раст е важна инстанца, односно одличен инструмент со кој ќе успееме да ги спроведеме потребните реформи на патот кон ЕУ.
Претставниците на државите членки на ЕУ во работната група КОЕЛА, ја потврдија силната поддршка на земјите членки на КОЕЛА за продолжувањето на преговорите на Северна Македонија со ЕУ и и несомнено беа заинтересирани како би можеле да придонесат за успешно интегрирање во Европа.
Фокус на разговорот беше насочен на прашањето што по завршувањето на скрининг процесот, кои се следните чекори со конкретни прашања од делегатите кои ја потврдија нивната поддршка и како граѓаните на Северна Македонија можат да чувствуваат резултати на нашиот пат кон ЕУ.
На состанокот Маричиќ, зборуваше за важноста на периодот кој следи за Северна Македонија со цел да се завршат обврските кои се зададени со преговарачката рамка, да се усвојат уставните амандмани, да се продолжи со подготвување и спроведување на реформите и да се искористи уникатната шанса за проширувањето на ЕУ со земјите на Западен Балкан, Молдавија и Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре сончево време со температура до 21 степен
Времето утре наутро ќе биде постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец, информира УХМР.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла
Македонија
Божиновска и Јоксимовиќ: Забрзана изградба на гасниот интерконектор Македонија–Србија, се редефинира енергетската карта на регионот
Во рамки на 14. Меѓународен форум за енергија и одржлив развој (IFESD-14), што се одржува во Скопје, министерката за енергетика, рударство и минерални суровини, Сања Божиновска, оствари работна средба со Јована Јоксимовиќ, помошничка министерка за рударство и енергетика на Република Србија, задолжена за меѓународна соработка и европска интеграција.
Во фокусот на разговорите беше изградбата на гасниот интерконектор меѓу Македонија и Србија, проект од стратешко значење за енергетската безбедност и диверзификација на снабдувањето со гас во регионот.
Двете соговорнички се согласија дека проектот треба да се реализира во забрзана динамика, со цел да се овозможи поврзување на гасните системи на двете земји и пристап до нови извори на гас.
На маргините на форумот dополнително, во Министерството за енергетика на Македонија се одржа работен состанок на кој се дискутираше координацијата на институциите и операторите во двете земји за реализација на проектот. Ба разгледани процедурите и техничките чекори за понатамошно убрзување на активностите.
„Гасниот интерконектор со Србија е еден од најважните регионални инфраструктурни проекти што ќе овозможи вистинска енергетска стабилност и сигурност. Овој проект не е важен само за Македонија и Србија – тој е значаен и за цела Европа. Со оваа нова енергетска врска, двете земји добиваат пристап до алтернативни извори и рути, а Европа добива посилен и подобро поврзан Балкан. Ова е чекор што ја позиционира нашата земја како активен и одговорен партнер во новата енергетска карта на Европа. Нашата заедничка цел е овој проект да се реализира во најкраток можен рок – затоа што секој ден е важен за нашата енергетска иднина. Со заеднички напори ќе го реализираме овој проект, во тесна координација и постојана комуникација со нашите партнери од Србија “ изјави Божиновска.
„Гасниот интерконектор со Македонија е проект кој има значење подалеку од нашите граници. Тој е дел од визијата за регион кој е енергетски поврзан, сигурен и усогласен со европските цели. Србија и Македонија заедно покажуваат дека со партнерство и заедничка стратегија можеме да обезбедиме стабилна и предвидлива енергетска иднина. Соработката меѓу нашите две земји во областа на енергетиката е пример како регионалното партнерство може да донесе конкретни резултати. Соработката со колешката Божиновска и со македонскиот тим е интензивна и исклучително конструктивна. Уверена сум дека со заедничка координација и поддршка на нашите оператори ‘Србијагас’ и ‘Номагас’, ќе создадеме нова енергетска оска на стабилност меѓу двете земји. Имаме јасна динамика, завршени студии и поддршка од европските институции. Следниот чекор е координирана акција за изградба. Заеднички ќе работиме на тоа интерконекторот да стане реалност во најскоро време,“ истакна Јована Јоксимовиќ, помошничка министерка за меѓународна соработка и европска интеграција во Министерството за рударство и енергетика на Србија.
Македонија
Утре без вода делови од Карпош
Од ЈП Водовод и Канализација известуваат дека утре ( Четврток )поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхолмска.
Водоснабдувањето ќе биде прекинато од 09:00 часот до завршување со работните активности. (општина Карпош).

