Македонија
Петровска и Агелер на вежбата “Храбар партнер 23” – се извежбува со оклопните возила „Страјкер“ кои ќе бидат дел од капацитетите на македонската Армија
Министерката за одбрана Славјанка Петровска и амбасадорката на САД во Северна Македонија, Анџела Агелер денеска на „Криволак“ ги посетија американските војници кои поддржани од припадниците на македонската Армија во рамките на вежбата „Храбар партнер 23“ изведуваат гаѓање со оклопно возило „Страјкер“. На извежувањето на „Криволак“ присутен беше и бригадниот генерал Патрик Елис, заменик шеф на штаб на Командата на американската Армија за Европа и Африка.
Петровска истакна дека оваа вежба за Северна Македонија е важна од два аспекти – уште еднаш да се покаже капацитетот на армискиот полигон „Криволак“ и можноста припадниците на Армијата да се запознаат со способностите на оклопните возила „Страјкер“.
„Полигонот „Криволак“ повторно се користи од страна на нашите сојузници со што се покажува взаемната доверба која што ја имаме, а ова е и добра можност припадниците на македонската армија да ги видат способностите на возилата ‘Страјкер’ кои наскоро ќе бидат дел од капацитетите на македонската Армија“, рече министерката. Најави дека првите возила од овој тип се очекува да пристигнат кон крајот на 2024 година.
Таа истакна дека заедничките обуки на „Криволак“ се уште еден приказ на заедништво и сојузништво, кое, рече, е навистина значајно во овие исклучително предизвикувачки времиња за безбедноста ширум светот.
Амбасадорката Агелер се заблагодари за можноста припадниците на Армијата на САД за Европа и Африка да вежбаат и да се усовршуваат на „Криволак“ и изрази убеденост дека пријателството и партнерството помеѓу двете земји ќе продолжи да се развива.
„Сакам да му се заблагодарам на бригадниот генерал Елис што тука ги донесе припадниците на 2. Коњанички полк затоа што колку повеќе работиме заедно. Колку повеќе заедно извежбуваме постигнуваме поголема интероперабилност, а истовремено на тој начин Армиите стануваат поподготвени заедно да делуваат и да ги исполнуваат способностите кои се потребни за НАТО“, рече Агелер.
Оклопните возила „Страјкер“ се дел од Планот за модернизација на Армијата согласно кој македонската Армија ќе биде опремена со оваа платформа по принципот на „целосен пакет“, односно освен возилата, набавена ќе биде и пропратна опрема како вооружување, балистичка заштита, електронски уреди, средства за комуникација и други елементи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и потопло време со сончеви периоди
Променливо облачно и потопло со сончеви периоди. Попладне ќе има локален слаб дожд. Ќе дува слаб до умерен ветер од северен правец. Минималната температура ќе биде во интервал од 4 до 11, а максималната ќе достигне од 20 до 26 степени.
Во Скопје променливо облачно и потопло со сончеви периоди. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 24 степени.
Во следните денови времето ќе биде променливо облачно со сончеви периоди. Во попладневните часови ќе има локална појава на нестабилност со пороен дожд и грмежи, особено во вторник.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.