Македонија
Маричиќ попладневно на средба со Хан во Брисел

Министерот за правда, Бојан Маричиќ, со средби со европратеници и комесарот Јоханес Хан ја продолжува неколкудневната работна посета на Брисел. На тема реформи во правосудството, владеењето на правото и европските интеграции на земјата, министерот ќе разговара со хрватската европратеничка Желјана Зовко.
Попладнево Маричиќ во Европската комисија ќе има и работен состанок со еврокомесарот за финансии Јоханес Јан.
Во текот на денот превидена е средба на министерот за правда со претставници на дијаспората на која ќе се разговара за пописот и потребата сите нашинци во странство масовно да се попишуваат и на тој начин директно да придонесат во развојот на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Со 18.001 гласови, Филипче избран за претседател на СДСМ

СДСМ денеска на вонредни директни внатрепартиски избори во СДСМ го избра старо-новиот претседател на партијата Венко Филипче.
Тој беше единствен кандидат за функцијата која врши од јуни 2024 година, по оставката на Димитар Ковачевски.
„Од 23.712 запишани избирачи, вкупно гласаа 18.140. За претседателот Венко Филипче гласот го дадоа 18.001, неважечки ливчиња 139, рече Бранко Георгиевски, Претседател на Централната изборна комисија.
Гласањето се одвиваше на 78 избирачки места низ сите општински организации, а избирачките места беа отворени од 08 до 20 часот.
Македонија
Во прекин сообраќајот на патот Охрид-Ресен, воведена забрана за тешки товарни возила на правецот Струга – г.п. Ќафасан

Сообраќајот е во прекин на Магистрален Пат А2 Охрид- Ресен кај превојот Буково, поради случена сообраќајна незгода, информира АМСМ.
Поради врнежи од снег се воведува забрана за сообраќај за тешки товарни возила на патниот правец Струга – г.п. Ќафасан, информираат од ЈП „Македонија пат“. Забраната се воведува од 19:30 часот.
Од 19:45 часот поради врнежи од снег се воведува забрана за сообраќај за тешки товарни возила на патниот правец Тетово – Попова Шапка, а за останатите видови на возила задолжителна е употреба на зимска опрема – (ланци).
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Како што соопштија од АМСМ, сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“
Македонија
(Видео) Снег на Стража

На Стража вечерва врне снег.
АМСМ претходно соопшти дека на сила е забрана за камиони и товарни возила.
Видео: Инфо-Сообраќај