Македонија
Меџити-Кумбаро: Земањето искуства од Албанија за привлекување странски туристи би имало значајно влијание и врз нашата земја

За време на официјалната посета на Република Албанија, првиот вицепремиер и министер за животна средина и просторно планирање реализираше средба и со министерката за туризам и животна средина на Албанија, Мирела Кумбаро.
“И честитав на министерката за извонредниот успех што Албанија го постигна во привлекувањето странски туристи, означувајќи го ова како важен поттик во развојот на туризмот и економскиот раст, како и во позитивната промоција во меѓународните медиуми”, рече Меџити.
Тој нагласи дека овој успех е многу важно искуство за нас, кое ни помага подобро да се подготвиме за прием на туристи во текот на летната и зимската сезона. “Земањето искуства од Албанија за привлекување странски туристи би имало значајно влијание и врз нашата земја. Затоа побарав да се продлабочи соработката меѓу двете земји, преку прекугранични проекти од заеднички интерес. Разговаравме и за животната средина и предизвиците со кои се соочуваме како две соседни земји и братските врски, особено за пожарите кои ги зафатија двете земји и предизвикаа значителни штети на шумите. Оваа состојба бара мобилизација за враќање на шумите во претходна состојба!”, рече Меџити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.