Македонија
Милевски со градоначалниците од пограничните општини на состанок со колегите од Косово

Во пресрет на новиот јавен повик за проекти од ИПА-рограмата за прекугранична соработка меѓу Македонија и Косово, денеска во Приштина се одржа заеднички состанок на министрите за локална самоуправа на Македонија и на Косово, Горан Милевски и Елберт Красниќи, и на градоначалниците од пограничните општини.
„Овој настан има цел да ги информира градоначалниците од пограничните општини за јавниот повик од речиис 3 милиони евра за проекти за прекугранична соработка од ИПА-програмата Северна Македонија – Косово, што ќе биде објавен до крајот на месецот, но и преку директна комуникација да поттикне соработка во разни области, од што корист ќе имаат граѓаните и од двете земји“, рече министерот Милевски.
Министрите за локална самоуправа, Горан Милевски и Елберт Красниќи, изразија убедување дека очекуваат голем број партнерства меѓу општините од двете земји и квалитетни проекти со кои во целост ќе се реализираат средствата од ИПА-програмата на Европската Унија.
Министерот Милевски со својот косовски колега Красниќи оствари и одвоена средба, на која беше потврдена добрата соработка во актуелниот втор ИПА-програмски период, во кој беа одобрени 14 заеднички проекти во вкупна вредност од 4,8 милиони евра, средства од Европската Унија. Дванаесет проекти се целосно реализирани, а 2 се во фаза на имплементација. Реализиран е и еден стратешки проект, граничниот премин Белановце – Станчиќ, пракса што, нагласија министрите, ќе продолжи и во ИПА 3-програмскиот период за кој ќе бидат одобрени нови средства од ИПА-програмата за прекугранична соработка на Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Сопиште, Аеродром и Студеничани

Без струја денеска ќе останат делови од општините Сопиште, Аеродром и Студеничани.
ЕВН Македонија АД известува дека на ден 31.07.2025 година ( четврток ) без електрична енергија ќе останат:
– во периодот од 07:00 до 16:00 часот, од последна автобуска станица 24ка до маркет„ДАВИДОВ“ . (општина Сопиште)
– во периодот од 08:30 до 15:30 часот, корисниците од ул.Ѓорѓи Капчев. (општина Аеродром)
– во периодот од 09:30 до 12:00 часот, дел од корисниците на селото Морани СЕЛОТО МОРАНИ (општина Студеничани)
– во периодот од 13:00 до 15:00 часот, корисниците од викендици Дражилово, ХПП Патишка Река, Крас Јаболце.(општина Сопиште)
Македонија
Во прекин сообраќајот на патот Струмица – Берово

Од вчеравечер 22:10 часот сообраќајот на регионалниот пат Струмица-Берово, поточно кај „Сарајска раскрсница“, е во целосен прекин поради случена сообраќајна незгода, информира АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила, но на граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Променливо облачно, посвежо и нестабилно со локален пороен дожд, грмежи и услови за краткотрајно невреме

Времето денеска, променливо облачно, посвежо и нестабилно со локален пороен дожд, грмежи и услови за краткотрајно невреме. Ќе дува слаб до умерен ветер од северен правец.
Минималната температура ќе биде во интервал од 13 до 20, а максималната ќе достигне од 23 до 32 степена.
Во Скопје, променливо облачно и нестабилно со повремен пороен дожд и грмежи. Во делови од котлината ќе има услови за краткотрајно невреме. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 31 степен.
Во петок и сабота ќе биде претежно стабилно со благ пораст на дневната температура. Ново дестабилизирање на времето со локален пороен дожд и грмежи се очекува во недела и во почетокот на следната седмица.