Македонија
Милошоски: Дали Заев го смета за криминалец и судечкиот совет што го ослободи во „Поткуп“

Пратеникот на ВМРО-ДПМНЕ, Антонијо Милошоски, на прес конференција праша дали премиерот Заев го смета за криминалец судечкиот совет што го ослободи во случајот „Поткуп“.
„Зошто не ја видовме целата снимка што е на легален начин обезбедена со ПИ-мерки, каде што Заев бара поткуп, и дали смета дека господинот Џолев, кој направи смена на судиите среде случај, е криминалец како што Заев тврди за мнозинството судии“, рече Милошоски на новинарско прашање да ја коментира изјавата од обраќањето на Заев, во кое ги етикетира судиите како криминалци.
Во однос на писмото, што министерката Дескоска го испрати до судиите, а во кое таа им порачува како треба да судат, да постапуваат во судски предмети, Милошоски вели дека тоа може да се случи само во нашата земја.
„Доколку во Сојузна Република Германија или во Австрија или во Холандија кој било министер за правда прати писмо до судиите во кое им укажувуа кои се правните последици и санкции и дисциплиснки мерки при евентуално непостапување, тоа ќе му биде последното писмо во неговата кариера. Во Македонија не се такви околностите, но сепак мислам дека ова писмо ќе биде едно од последните писма на министерката за правда, Дескоска, која се обидува на овој начин да го покрие неуспехот во правните реформи во правосудството за што министерката Дескоска и Зоран Заев тврдеа дека го отвориле како пупка“, рече Милошоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.