Македонија
Милошоски за СЈО: Нема да дозволиме незаконски истраги

Пратеникот на ВМРО-ДПМНЕ, Антонијо Милошоски, на денешната собраниска седница рече дека нема да дозволат истраги на СЈО надвор од законскиот рок.
„Она што можам да го истакнам е дека е намалена динамиката на средби, како и на иницијативата која беше поголема од Министерството за правда. Не знам дали е тоа поврзано со најавените промени во Влада, но јасно е дека средбите речиси ги нема. Премиерот Зоран Заев истакнал дека има нови барања, ние сите наши барања, согласно препораките на судот во Стразбур, ги преточивме во 65 амандмани”, рече Милошоски. Тој додаде дека нивниот нв предлог е усно кажан и се однесува на новиот обвинител кој ќе биде на чело на ова обвинителство да биде со повисок просек од Правниот факултет.
„Сметам дека ДУИ и СДСМ ќе го прифатат џентлментски”, додаде тој.
Според Милошоски, 15 амандмани се посуштински. „Доколку сакаат да го подобрат текстот, би требало овие 15 да ги инкорпорираат во постојниот текст или да ги подобриме заедно, ако навистина имаат желба да се подобри овој закон. Моето мислење во однос на обвинителството и датумот за преговори е дека некој не ја говори вистината, односно Дане Талески, кој му е советник. Ако тој не му е добар треба да го тргне. Но, тој сега има анонимен советник кој има јаки врски со Макрон, па ќе видиме каде ќе го донесе”, рече Милошоски.
Што се однесува до спорниот член 105 од законот што го регулира продолжувањето на постапките и судбината на доказите од прислушкуваните разговори, Милошоски рече дека членот 105 може да постои, но дека незаконити истраги нема да дозволат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Поништена јавната набавка за 120 електрични eко автобуси

Министерството за транспорт ја поништи јавната набавка за избор на понудувач за набавка на 120 електрични еколошки автобуси за јавен превоз и станици за полнење.
Оттука информираа дека на јавниот повик кој беше објавен 17 јуни со краен рок за достување на понудите 24 јули 2025 година, само една компанија доставила понуда.
„По извршената евалуација, Комисијата надлежна за спроведување на јавната набаака, утврди дека компанијата не ги исполнува критериумите согласно објавениот јавен повик“, се наведува.
Министерството за транспорт во следниот период ќе направи дополнителни анализи околу набавката на електрични еколошки автобуси и ќе ја информира јавноста.
Македонија
ВМРО-ДПМНЕ го оцени како ефикасно справувањето со пожарите во Македонија, во споредба со земјите од регионот

ВМРО-ДПМНЕ оценува дека институциите под водство на оваа Влада успешно реагираат на пожарите кои ги зафатија повеќе подрачја во Македонија, посочувајќи дека нашата држава покажува ефикасно справување.
Вчера во Македонија беа регистрирани 20 пожари на отворен простор, од кои десет се активни, пет се ставени под контрола, а пет се целосно изгаснати. За разлика од останатите држави во регионот, заклучува партијата, кај нас нема евакуирани и раселени лица, ниту човечки жртви, а причинетата штета е ограничена само на шумски површини.
„Ова не е резултат на среќа, туку на брза, организирана и професионална интервенција на сите надлежни служби“ се наведува во соопштението на партијата.
Во Турција, над 3.500 граѓани се евакуирани, а загинаа 17 лица, од кои дури 13 пожарникари. Огнот зафати и градски области, предизвикувајќи уништување на куќи и инфраструктура.
Во Албанија, каде што активни се 45 пожари, евакуирани се над 2.000 луѓе, изгореа над 20 куќи, а целосно се испразнети села. Огнените стихии во Грција зафатија станбени квартови и предизвикаа огромни штети, додека илјадници граѓани беа евакуирани. Апокалиптични сцени има и во Бугарија, каде што се регистрирани над 240 активни пожари и е причинета значителна материјална штета.
Македонија
Променливо облачно време повремено со пороен дожд и грмежи

Времето денес ќе биде променливо облачно и посвежо, претпладне со повремено пороен локален дожд, грмежи и услови за појава на краткотрајно невреме. Ќе дува слаб до умерен западен, а долж Повардарието северен ветер, кој попладне наместа ќе засилува. Максималната температура ќе биде во интервал од 27 до 35 степени.
Во Скопје, променливо облачно, во претпладневните часови со повремен пороен дожд и услови за појава на ретки грмежи. Ќе дува слаб до умерен, попладне во делови од котлината повремено засилен северен ветер.
Максималната температура ќе достигне до 33 степени.