Македонија
Министерот Таравари именува нови директори на неколку здравствени установи
![](https://makfax.com.mk/wp-content/uploads/2024/07/taravari.jpg)
Министерството за здравство информира дека министерот д-р Арбен Таравари изминатите неколку дена именува нови в.д. директори во повеќе здравствени установи.
– Клиничка болница Битола – Ненси Лозанче
– Институт за трансфузиона медицина – Скопје – Амир Елези
– Општа болница Куманово – Стефан Трајановски
– Општа болница Велес – Александар Бузалков
– Психијатриска болница Демир Хисар – Стевче Цветановски
– Универзитетски институт за позитронско-емисиона томографија – Невена Маневска
– Специјализирана болница за геријатриска и палијативна медицина „13 Ноември“ – Скопје – Мухсин Арифи
– Општа болница Охрид – Горан Маркоски
– Универзитетска клиника за торакална и васкуларна хирургија – Игорче Џиковски
– Универзитетска клиника за детска хирургија – Лазе Јовчевски
– Здравствен дом Вевчани – Рената Пешиновска
– Центар за јавно здравје Тетово – Шпенди Амети
– Центар за јавно здравје Прилеп – Горан Кузески
– Здравствен дом Радовиш – Стојанче Петров
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
По несреќата во која загинаа татко и син, нареден инспекциски надзор над работите на автопатот Скопје-Куманово, издадено решение за итно запирање
![](https://makfax.com.mk/wp-content/uploads/2023/04/soobrakajka35413251.jpg)
По наредба на јавен обвинител, инспектор за патишта од Државниот инспекторат за транспорт изврши вонреден инспекциски надзор над градежните работи што ги изведува правно лице на автопатот А2, клучка Хиподром-наплатна станица Миладиновци, каде во сообраќајната несреќа која се случи на 2 септември автомобил „Мерцедес“ удри во товарно возило, сопственост на правното лице ангажирано на проектот, при што животот го загубија возачот на автомобилот „Мерцедес“ и неговиот малолетен син, велат од Обвинителството.
По надзорот, изготвен е записник и донесено е решение со кое се задолжува правното лице веднаш да ги запре сите градежни работи до добивање на одобрение од надлежен орган за времена измена на режимот на сообраќај за изведување работи на левата – брза сообраќајна лента. Во меѓувреме, правното лице треба да постави и одржува времена вертикална и хоризонтална сообраќајна сигнализација со која ќе овозможи безбедно и непречено одвивање на сообраќајот на автопатската делница.
Непосредно по тешката сообраќајна несреќа, Основното јавно обвинителство Скопје поведе постапка против две лица поради сомненија дека сториле кривично дело – Тешки дела против безбедноста на луѓето и имотот во сообраќајот. Проверките за целосно испитување на кривичната одговорност за настанот се во тек, а по краткотрајниот притвор од 48 часа, по предлог на јавниот обвинител, на двете лица им се определени мерки на претпазливост, соопшти Обвинителството.
Македонија
Јаневска: Ангажираме над 1000 образовни асистенти во основните училишта
![](https://makfax.com.mk/wp-content/uploads/2020/10/IMG_4387.jpg)
Ниту едно дете – ученик не смее да остане дома. Сите ученици со попреченост мора да бидат примени во училиштата. Имаме наставници, инклузивни тимови и стручни служби и истите треба да бидат подготвени да ги примат децата, одговори министерката за образование и наука Весна Јаневска на новинарско прашање околу ангажирањето на образовни асистенти во основните училишта.
– Децата со попреченост имаат и ќе имаат асистенти. Досега се обезбедени 815 образовни асистенти, за останатите 200 асистенти се чекаше на ребалансот на буџетот, за да се обезбедат средства. Министерството за образование и наука ја заврши својата задача, а конкурсите за ангажирање на асистентите е обврска на училиштата со ресурсни центри и нивна задача е да планираат кога да го распишат и објават конкурсот. Зошто поставуваме директори на училишта, ако не си ги знаат своите основни обврски, додаде Јаневска.
Таа напомена дека во тек е потпишувањето на договорите за ангажирање на 815 образовни асистенти, додавајќи дека конкурсот за дополнителните 200 образовни асистенти е отворен за пријавување.
– Годинава бројот на образовни асистенти е значително поголем за разлика од претходните години. Ако има потреба, зависно од барањата на родителите, следната учебна година ќе ангажираме уште поголем број, истакна министерката за образование и наука.
Македонија
Муртезани се сретна со Герт Јан Копман: во фокусот на дискусијата повеќе теми
![](https://makfax.com.mk/wp-content/uploads/2024/09/Murtezani-Kopman.jpg)
Во рамките на вториот ден од работната посета на Брисел, министерот за европски прашања Орхан Муртезани, се сретна и со Герт Јан Копман, Генерален директор на Директоратот за соседска политика и преговори за проширување (ДГ НЕАР) на Европската комисија.
Во фокусот на дискусиите беа повеќе теми: завршувањето на скрининг процесот и следните чекори за отворање на Кластерот 1, Планот за раст и Реформската агенда, претстојниот Извештај на ЕК за земјата, добрососедските односи и регионалната соработка. Министерот Муртезани информираше за статусот на реформските процеси и ја потврди заложбата на Владата за усогласување со стандардите и вредностите на ЕУ. Се разговараше и за уставните измени и очекувањата од Европската Унија за овој важен чекор.
Во контекст на Реформската агенда чија подготовка е врз основа на насоки и усогласени процедури и чекори со Европската комисија, беше нагласена потребата од претфинансирање за да се обезбеди успешна имплементација на реформите, како би се реализирала главната цел на Планот за раст на ЕУ за Западен Балкан, за периодот 2024-2027 – некои од придобивките од членство во Унијата да се стават на располагање на граѓаните на земјите од регионот во претпристапниот период, односно пред формалното членство во Унијата.