Македонија
Мираковска од Гевгелија: Направивме многу повеќе од другите политичари за два живота

Вечерва Соња Мираковска се обрати од Гевгелија, градот кој како што напомена најдобро знае што значи да се биде во единаесетгодишна изолација.
„Навистина ми претставува огромна чест вечерва да бидам овде го Гевгелија, градот на слободоумни луѓе, градот на слободни луѓе кои точно знаат што значи ако една земја како нашата 11 години затворена, и што значи сега после две и пол години владеење на оваа коалиција на чело со социјалдемократскиот Сојуз. Еден евро пратеник вели, „дали знаете што направивте за овие две и пол години? Вие направивте повеќе од многу други политичари за два живота”. Тоа за мене беше големо признание. Влеговме во НАТО. На пат сме да влеземе и во Европската Унија“, рече таа.
Осврнувајќи се на пандемијата, Мираковска истакна дека дури и во криза многу често луѓето знаат да најдат нешто добро.
„Во оваа криза ние се сплотивме заедно почнавме да размислуваме каква ќе биде нашата иднина. Оваа влада донесе огромен сет на мерки со што околу 12о илјади граѓани останаа на своите работни места. Минималната плата која беше поделена на над 30.000 фирми, 11.000 стопанственици е голема помош. Научивме многу како да го одржиме функционален здравствениот систем, и тоа го направивме. Многу други земји признаа дека ние добро се справуваме со пандемијата од КОВИД-19“, порача Мираковска.
Во однос на правдата, Мираковска рече дека ќе се испита потеклото на имотот и ќе се направи ветинг на судиите, и потенцираше дека оние судии кои ги застареа предметите, по автоматизам мора да заминат.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.