Македонија
(Видео) Мицевски до владејачкото мнозинство: Активната блокада е излез од националната катастрофа
„Денешната пленарна седница е закажана за 11 часот, сега е 12.40 часот, а во согласност со член 84 став 1, вели: седницата на Собранието почнува со работа на закажаниот термин со присутните пратеници. Тоа значи дека еден час и 40 минути, време потребно за дискусија, за која молите и држите прес-конференции и повикувате вие и претседателот на Владата и пратениците, го злоупотребувате и не почнавме на време. Па, вам, почитувани колеги пратеници од власта, не ви треба активна блокада, вие самите се блокирате“, нагласи Никола Мицевски, координатор на пратеничка група предводена од ВМРО-ДПМНЕ на денешната пленарна седница.
Мицевски додаде дека два часа од денешната седница се потрошија чекајќи ги пратениците од власта да се соберат.
„Доцниме два часа од почетокот на седницата, на која цела недела убедувате дека пратениците треба да присуствуваат, дека не е потребна блокада. Па, вие сте блокадата на државата. Вие сте тие што го кочите работењето на овој парламентарен дом“, истакна Мицевски.
Посочи дека активната блокада што ја имаат пратениците од ВМРО-ДПМНЕ е за спас од национална катастрофа.
„Повикуваме на избори, кои ќе бидат излез од оваа криза што вие ја продуцирате. Ова е она што граѓаните, односно народот во државата го бара. Активна блокада за спас од национална катастрофа! Активна блокада за спас од понижувањето што го правите! Активна блокада за спас од лицемерството што му го покажувате секојдневно на граѓаните! Активна блокада за спас на економијата! Активна блокада за спас на енергетиката! Активна блокада за спас на земјоделците! Активна блокада за спас на сите граѓани! Национална катастрофа сте вие, ова што се случува во државата е национална катастрофа“, порача Мицевски.
Укажа дека пратениците од владејачкото мнозинство треба да почнат да си доаѓаат на време на седниците.
„Ние ќе бидеме активно присутни тука, ќе бидеме присутни за сите штетни политики што планирате да ги спроведете за да ги спречиме. Затоа што граѓаните и Македонија го бараат тоа. Активната блокада е излез од националната катастрофа што вие ја приредувате во нашата држава“, нагласи Мицевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манасиевски: Со Орце Ѓорѓиевски и мнозинството во Советот ќе ги поставиме темелите на промените за Скопје
Членот на Централниот комитет на ВМРО-ДПМНЕ, Валентин Манасиевски, денес изјави дека на претстојните локални избори на 2 ноември, скопјани ќе изберат „пред сè човек, а потоа и градоначалник“ кој знае да работи за граѓаните, истакнувајќи дека кандидатот на ВМРО-ДПМНЕ, Орце Ѓорѓиевски, е вистинскиот избор за чисто и модерно Скопје.
„Со Орце Ѓорѓиевски и мнозинството во Советот ќе ги поставиме темелите на промените што му се потребни на главниот град“, рече Манасиевски, додавајќи дека поддршката од над 91.000 граѓани во првиот изборен круг е голема чест и уште поголема обврска.
Тој нагласи дека довербата од граѓаните е резултат на реални резултати кои Ѓорѓиевски ги покажа на локално ниво во Кисела Вода, како и на државно ниво, каде што Владата предводена од ВМРО-ДПМНЕ во изминатите 16 месеци значително помогна во развојот на општините.
Манасиевски потенцираше дека мнозинството во Советот на Град Скопје ќе овозможи стабилност, координација и побрзо реализирање на ветените проекти – нови мостови, почист воздух, повеќе зелени површини и поефикасен јавен превоз.
Во однос на опозицијата, тој оцени дека СДСМ како „петта партија во Скопје со околу 26.000 гласови“ доживеала сериозен пад и покажала дека нема доверба кај граѓаните.
„Наместо да понудат аргументирана критика или решенија на проблемите, тие продолжуваат по истата погрешна насока“, рече Манасиевски.
„Разликата е јасна – ВМРО-ДПМНЕ е партија која работи чесно, одговорно и транспарентно, а нашите ветувања се реални и остварливи“, додаде тој.
На крајот Манасиевски порача:
„На 2 ноември изборот е едноставен, а тоа е вистинскиот избор – глас за Орце Ѓорѓиевски, глас за бројот 9, за твојот човек, за твоето место, за твојата иднина.“
Македонија
„Влен“: ДУИ е на дното на бунарот
Политичката коалиција ВЛЕН соопшти дека „во секој агол на земјата се чувствува еуфорија кај граѓаните дека ДУИ конечно завршува“, нагласувајќи дека „по повеќе од 20 години лошо владеење, измама и ароганција, Албанците се разбудија и бараат вистински промени“.
Во соопштението се наведува дека ВЛЕН е „најдобар пример за модерна албанска политика – без притисоци, уцени и закани“.
„Комуницираме со граѓаните, ги слушаме нивните грижи и работиме за секое населено место, за секое семејство. Блиску сме до народот, а не сме заклучени во канцеларии и бункери на власта“, стои во соопштението.
Според ВЛЕН, ДУИ „е на дното на бунарот“, а секојдневно се открива „нивниот срамен договор со Левица“, кој, како што се наведува, „го предава интересот на Албанците за лична моќ“.
„Ова јасно се виде на 19 октомври, кога граѓаните им ја изрекоа првата казна. Но, конечниот удар ќе дојде на 2 ноември, во Тетово, Дебар, Долнени, Брвеница и насекаде каде што Албанците одлучија да го затворат поглавјето на ДУИ“, се додава во соопштението.
Од ВЛЕН истакнуваат дека, за разлика од политиката на навреди, тие водат кампања „со почит и достоинство кон Албанците“.
„ВЛЕН не ги навредува Албанците, не ги нарекува ‘загари’ и ‘газиместан’ како Али Ахмети, туку ги почитува со достоинствено претставување и секојдневна работа.“
Коалицијата порачува дека верува во „достоинство, единство и политика што му служи на граѓанинот, а не на личниот џеб“.
„ВЛЕН е новиот дух, силата на промените и печатот дека Албанците ќе имаат чист, силен и искрен глас на секое ниво на власт. На 2 ноември, сите заедно да го затвориме старото поглавје и да ја започнеме новата ера на Албанците со ВЛЕН“, завршува соопштението.
Македонија
Левица: Кандидатите на „Вреди“ шират шовинистичка реторика
Политичката партија Левица изрази загриженост поради, како што наведува, шовинистичката реторика на кандидатот за градоначалник на Брвеница од ВРЕДИ, Хаќим Рамадани, кој, според партијата, „предизвикува етнички тензии и шири национал-шовинизам“.
„Скандалозните изјави на кандидатот за градоначалник на Брвеница од ВРЕДИ – Хаќим Рамадани, предизвикуваат етнички тензии и шират национал-шовинизам, во очигледно отсуство на проекти и визија за развој на сопствената општина“, се наведува во соопштението на Левица.
Според партијата, Рамадани во јавно обраќање од дијаспората „наместо да говори за проекти, со шовинистичка реторика го глорифицирал сепаратизмот на Илирида“, со што „директно промовира национална и етничка омраза против македонскиот народ“.
Левица посочува дека Рамадани потврдил дека во општина Брвеница е обединет со ДУИ во вториот изборен круг против кандидатот на ВМРО-ДПМНЕ. Според партијата, премиерот Христијан Мицкоски одбира да молчи за да го сочува мирот во сопствената влада и прашува дали ќе остане нем набљудувач пред изјави на коалиционите партнери кои шират омраза против македонскиот народ и глорифицираат сепаратизам против унитарниот карактер на државата.

