Македонија
Мицкоки не може да направи ништо за земјата, влезот во Владата ги покажа сите негови лаги, велат од СДСМ

Според СДСМ, Мицкоски ги излажа граѓаните.
„Како што ДПМНЕ влезе во Владата така на виделина излегоа сите нивни лаги и целата нивна неспособност.
Мицкоски велеше дека прифаќа учество во широка Влада, но само без ДУИ.
Се случи токму спротивното. ДПМНЕ влезе во влада со ДУИ.
Мицкоски и ДПМНЕ говореа дека можат да ги убедат земјите членки на ЕУ да ја променат преговарачката рамка за Македонија. Дека можат да издејствуваат промена на францускиот предлог и подобар договор.
Сега ДПМНЕ велат дека не можат една амбасада на земја членка на ЕУ да убедат да го промени ставот“, реагираат од владејачката партија.
Мицкоски, според нив, не може ништо да издејствува позитивно за земјата, за граѓаните, ниту за македонскиот народ.
„Велеа дека ќе се асимилираме и бугаризираме, дека македонскиот јазик ќе стане дијалект на бугарскиот, дека великанот Делчев ќе го загубиме.
Ништо од ова не се случи. Напротив.
ДПМНЕ и Мицкоски го лажат својот народ, своите граѓани“, се истакнува во напишаното од страна на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.
Македонија
Мицевски: Интерпелацијата за министерот Тошковски не доби поддршка

„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ.
„Потребна е стабилност, а не политичко дестабилизирање. Во услови кога Владата е во фаза на спроведување важни реформи, особено во безбедносниот сектор, несериозни интерпелации создаваат дополнителна нестабилност и можат да го компромитираат спроведувањето на започнатите процеси. Јавната безбедност бара стабилност, континуитет и институционално зајакнување, а не секојдневни политички турбуленции“, додаде тој.