Македонија
Мицкоски: ВМРО-ДПМНЕ нема да го поддржи законот за спречување корупција во оваа форма
Претседателот на ВМРО-ДПМНЕ, Христијан Мицкоски изјави дека неговата партија нема да го поддржи Законот за спречување корупција во оваа форма.
Тој додаде дека нивните забелешки се принципиелни и биле изложени на работната група во рамки на Собранието, а истовремено изрази надеж дека СДСМ ќе се повлече од најавата законот да се стави во собраниска процедура со европско знаменце и да се донесе по скратена постапка. Според Мицкоски, овој закон е исклучително важен и треба да ја добие поддршката од сите политички партии.
„ВМРО-ДПМНЕ стои на располагање и има аргументи кои се во согласност со ГРЕКО и со меѓународното право. Подготвени сме да ги аргументираме каде било, кога било и со кого било од нашиот политички противник“, рече Мицкоски.
Претседателот на ВМРО-ДПМНЕ денеска пред Соборниот храм се осврна и на претстојните претседателски избори и истакна дека очекуваат победа.
„Јас лично очекувам една голема победа на ВМРО-ДПМНЕ на следните претседателски избори“, рече Мицкоски и додаде дека конкурсот е објавен, а заинтересираните кандидати можат да аплицираат до 31 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Македонија
Почина таткото на Тоше Проески
Почина Никола Проески – татко на музичарот Тоше.
Веста за неговата смрт на социјалните мрежи ја објави Дора, неговата ќерка.
„Светол патот, татко мој“, напиша таа.
Музичарот Тоше Проески загина пред 16 години во сообраќајна несреќа во Хрватска. Неговите родители, по смртта на синот, не се појавуваа во јавноста.
Македонија
ВМРО-ДПМНЕ ветува изградба на магистрален гасовод од Свети Николе до Велес
За Свети Николе предвидуваме изградба на магистрален гасовод до Велес, реконструкција и проширување на патот до Пробиштип, реконструкција и проширување на градинката „Рахилка Гонева“ и нови 8 милиони евра за општината Свети Николе, изјави Драган Ковачки, носител на третата изборна единица од ВМРО-ДПМНЕ.
„Почитувани граѓани, за земјоделците од овој крај, вклучително и за сите земјоделци, предвидуваме 800 милиони евра коишто ќе бидат директна поддршка за земјоделците, за навремени субвенции, за чистење на водоснабдителните системи. Нашите земјоделци заслужуваат подобар живот. Нашите граѓани заслужуваат подобар живот“, рече Ковачки.
Повика на излезност на изборите на 8 мај.