Македонија
Мицкоски: ВМРО-ДПМНЕ никогаш не било пообединето, но ако мислат дека има раскол ајде на предвремени избори

СДС би посакувале да има раскол, но не само што нема раскол, партијата никогаш не била пообединета. Но од друга страна можете да забележите како кога се гласаше дневниот ред за уставни измени ќе забележите дека двајца пратеници од коалицијата на СДС не гласаа. Истовремено ќе видите дека од ДУИ на дневна основа се појавува некој, дури имаме нови политички партии, што значи расколот е на друго место, изјави претседателот на ВМРО-ДПМНЕ, Христијан Мицкоски при денешната посета на општина Ѓорче Петров, одговарајќи на новинарски прашања.
– Во ВМРО-ДПМНЕ постои една кохезија како никогаш досега, истакна Мицкоски.
Мицкоски посочи дека ако власта смета дека има раскол во ВМРО-ДПМНЕ тогаш би имале подобра позиција па нека го распуштат парламентот и да се оди на избори.
– Тоа е единствениот начин да се покаже каде има раскол, еве нека се распушти парламентот и да одиме на избори да видиме каков ќе биде исходот, потенцираше Мицкоски.
Во однос на состаноците на ИК и ЦК на ВМРО-ДПМНЕ, Мицкоски рече дека тоа се редовни бидејќи наскоро има избори.
– Вчера имавме Извршен комитет , утре редовен централен комитет, треба да се носат одлуки, за 6 месеци од денеска отприлика ќе имаме избори претседателски и парламентарни значајни, се докомплетираат структурите на партијата и тоа се редовни процеси и а Извршниот и Централниот комитет, изјави Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.