Македонија
(Видео) Мицкоски за намалените казни на функционерите: И со златно знаме да го донесат законот, секој што сторил криминал – ќе одговара

СДСМ и ДУИ се спремаат за опозиција и криминалот што го правеа изминатите 6 години сакаат на овој начин да го скријат, вели претседателот на ВМРО-ДПМНЕ, Христијан Мицкоски, одговарајќи на новинарското прашање кој е неговиот коментар во однос на најавените измени на Кривичниот законик со европско знаменце од Владата на СДСМ и ДУИ.
Мицкоски додаде дека Владата на СДСМ и ДУИ турка два члена од законот, а тоа се измени на Законот за злоупотреба на службената положба и членот за злосторничко здружување.
„Ќе кажам две работи кои се важни да се знаат. Првата работа е дека Владата на СДСМ и ДУИ се спрема за опозиција. Зошто се спрема за опозиција? Затоа што вака на шверцерски начин со злоупотреба на европско знаменце ги носи измените во Кривичниот законик, генерално во два челна, а тоа се членот што го опфаќа делот за злоупотреба на службената положба и вториот член – тоа е злосторничко здружување. Тоа се двата члена. И тие сега за да го обременат сето ова и да му дадат европско знаменце, нормално ставаат и некои други членови, кои апсолутно не се суштината на овој закон. Важно е да се каже дека се спремаат за опозиција и криминалот што го правеа изминатите 6 години сакаат на овој начин да го скријат“, изјави Мицкоски.
Упати порака дека дури и да го носат законот со златно знаме, а не со европско, секој што згрешил пред законот, а за што постојат докази, ќе одговара.
„Втората моја порака до нив е и со златно знаме да го донесат овој закон, има можности веднаш по падот на оваа криминална Влада, сите оние што сториле криминал, а за што постојат докази, да одговараат и јас ви ветувам дека ќе одговараат“, дециден е Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.