Македонија
(Видео) Мицкоски: Не прифаќаме Јанева да биде унапредена, обвинителите да се вратат во матичните обвинителства
Лидерот на ВМРО-ДПМНЕ, Христијан Мицкоски рече дека законот кој го предлага СДСМ, не е во интерес на бробата со криминалот и корупцијата туку со цел да се пресмета со политчките неистомисленици и воедно да ги амнестира од одговрност политичарите од врхушката на СДСМ.
За ВМРО-ДПМНЕ е неприфатливо, како што рече, шефицата на СЈО да биде унапредена во новото обвинителство за гонење криминал и висока корупција, ниту пак е прифатливо решението обвинителите и истражителите да се префрлат во новото обвинителство.
“Никогаш нема да прифатиме Катица Јанева за која има индиции дека е вмешана во случајот „Рекет“, да биде унапредена со две скали повисока функција. Сите обвинители треба да се вратат во матичните обвинителства. Освен тоа потребна е детална истрага за срамниот случај „Рекет“, проверка на инволвираноста на Катица Јанева, нејзината релација со осомничените и определени псевдоними, истрага и за директната или индиректна вмешаност на сите обвинители кои беа нејзини помошници. Од друга страна оваа решение ги става во нееднаква позиција другите обвинители кои чесно работеле, наспроти привилегираните. Обвнителите треба да се бираат транспарентно, на распишан конкурс, на кој може да се пријават сите кои се сметаат за квалификувани“, рече Мицкоски.
Мицкоски рече дека ВМРО-ДПМНЕ предлага предметите кои се започнати од СЈО да ги преземе државното јавно обвинителство и да ги распредели на соодветно ниво.
„ВМРО-ДПМНЕ се залага сите тие предмети кои што се во доказна постапка, или во фаза на распит на сведоци, или завршни зборови, да ги преземе државниот јавен обвинител и да ги прераспредели онаму каде припаѓаат“ рече Мицкоски.
ВМРО го повика и државниот обвинител Јовески по допрен глас да отвори постапки, затоа што тоа законот му го дозволувал.
„Го повикувам државното обвинителство да отвори истраги за најмалку 10 предмети по допрен глас, за кои има индиции за криминал. Не е важно кој е инволвиран од која политичка структура, корупцијата да се истражи до крај“ порача Мицскоски.
Коментирајќи го предлогот на СДСМ со кој се предвидува финансиска независност само на новоформираното обвинителство, Мицкоски рече дека тоа е навреда за останатите обвинители од државното обвинителство . ВМРО-ДПМНЕ предлага финансиска независност на целокупнато државно обвинителство со издвојување на 0,8 до 1% средства од буцетот на СРМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.