Македонија
Мицкоски: Обновата на ВМРО-ДПМНЕ е основа за иднината на Македонија

Претседателот на ВМРО-ДПМНЕ, Христијан Мицкоски денеска беше во посета на Брвеница од каде што истакна дека сега се наоѓаме пред раскрсница, моментот кога треба да се одбере дали ќе се поддржи патот на, како што кажа, неправдите на невистината, срамот корупцијата на Заев и СДСМ или ќе поддржи една нова енергија, чест и горди политичари кои си го сакаат сопствениот македонски народ и татковината Македонија и ќе ја поддржат обновата предводена од ВМРО-ДПМНЕ
„Имаме јасна одлука и јасен избор, изборот ќе биде да се поддржи победничката коалиција која ја предводи ВМРО-ДПМНЕ и коалицијата „За обнова на Македонија. Сега моментот кога на 15 јули треба масовно да излеземе да се обединиме и да ја поддржиме визијата за нашата татковина, онаква каква што сакаме да ја гледаме“, изјави Мицкоски.
Тој додаде дека од другата страна имаме политичари кои во три години ништо од тоа што ветиле не го сработиле, нема 500 евра плата, нема повисоки пензии, нема навремени субвенции за земјоделците, нема ни загарантиран откуп, единствено има тргување со гласот на граѓаните, национално предавство, криминал и корупција.
„Сетете се кога ветуваа дека ќе донесат правда и мир, а донесоа неправда, Луј Витон обвинителство и „трас трас“ судство, а мирот го претворија во немир. Немир во душите на дечињата кои ги загубија родителите во Диво насеље бранејќи ја сопствената држава, немир во душите на родителите на децата од Смилковско на кои им ја ветуваа вистина, а веднаш штом се дограбија до фотелја ги ослободија злосторниците кои го направија тоа монструозно дело, немир кај семејствата на Нешковски, Јанушев, Кољо. Од Македонците направија граѓани од втор ред во сопствената држава. Затоа 15 јули е денот кога тој немир ќе го претвориме во мир“, кажа Мицкоски.
Мицкоски изјави дека доста беше наведната глава, понижувања и лаги. Вети за вработените 25% поголеми примања, за пензионерите 20% поголеми пензии и враќање на стариот закон, минимум 1000 километри реконструирани патни правци, но и најмал данок во Европа.
Мицкоски истакна дека во Проектот Обнова на ВМРО-ДПМНЕ има над 1.000 проекти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.