Македонија
Мицкоски повика на масовен протест поради отворањето на бугарскиот културен клуб во Охрид
![](https://makfax.com.mk/wp-content/uploads/2022/10/310240157_3347207322190914_4296067847850379433_n.jpg)
На 7 октомври во Охрид ќе се отвори втор бугарски културен клуб во Македонија, а ќе го носи името „Цар Борис Трети“, кој бил на чело на бугарската држава за време на Втората светска војна и окупацијата на Југославија, а во нејзини рамки и на Македонија. Ова за Христијан Мицкоски, лидер на ВМРО-ДПМНЕ, е провокација и повикува на масовен протест при отворањето.
„Дека е провокација, нема сомнеж. Груба провокација, резултат на тоа што ние како ВМРО го зборуваме цело време. Не станува збор за процес на интеграција, туку на асимилација, за уништување на македонскиот идентитет. Ова што денеска се случува е шокантно за Македонците, но и за Евреите. Тука не гледам никаква потврда договорот за пријателство да го нарекуваме вака. Тоа што го прават бугарската влада и добрососедството нема никаква врска со пријателство. Секој што смета дека треба да протестира, треба да протестира. Протест да, поддржувам, ги повикувам масовно граѓаните да излезат, но тој протест да биде мирен и демократски, да не дозволиме каков било инцидент да дефокусира“, вели Мицкоски.
Специјален гостин на отворањето ќе биде бизнисменот и филантроп д-р Милан Врабевски, со чија финансиска помош е отворен клубот.
Најавата за отворањето бугарски културен клуб со името „Цар Борис III“ предизвика многу реакции. Најавени се протести. Се дозна дека охридскиот клуб бил отворен без позитивно мислење од Министерството за правда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Левица: Државата нема средства за младите што ја претставуваат Македонија на меѓународни научни олимпијади
![](https://makfax.com.mk/wp-content/uploads/2024/07/FB_IMG_1720076660923.jpg)
Македонија
СДСМ: ВМРО-ДПМНЕ го враќа градоначалникот Коце Трајановски кој го спроведе најголемиот градежен криминал во историјата на земјата
![](https://makfax.com.mk/wp-content/uploads/2024/03/sdsm4.jpg)
По неколку владини одлуки и шака нови функционери ВМРО-ДПМНЕ го фаќа правецот назад, кон 2016 година, велат од СДСМ.
„Јавното претпријатие за државни патишта со буџет од над 600 милиони евра ВМРО-ДПМНЕ му го довери на Коце Трајановски. ВМРО-ДПМНЕ го враќа градоначалникот кој го спроведе најголемиот градежен криминал во историјата на земјата, проектот Скопје 2014, му се даваат 600 милиони евра во рацете и моќ да раководи со најголемите инфраструктурни и градежни проекти. Во исто време, Коце Трајановски е косопственик и управител на фирмата Косистеми ДОО чија дејност опфаќа и градежништво. Ова е најава за огромна корупција која се подготвува во ова претпријатие“, дополнуваат од СДСМ.
Според партијата, ова не е промена туку правец назад.
„ Граѓаните не гласаа за враќање назад туку за промена која воопшто не се случува и тешко дека ќе се случи“, завршуваат од СДСМ.
Скопје
Без вода дел од Карпош
![](https://makfax.com.mk/wp-content/uploads/2022/10/slavina-cesma-voda-2.jpg)
Од ЈП Водовод и канализација известуваат дека на ул.Ловќенска 33 поради санирање на прикључна цевка од 5/4” водоснабдувањето ке биде прекинато од 08часот се до санирање на истиот , поради што без вода ќе останат корисниците од ул.Ловќенска.(општина Карпош)