Македонија
Мицкоски уште еднаш потврди дека со него и со ДПМНЕ нема членство во ЕУ, велат од СДСМ

Нема членство во ЕУ со Мицкоски и ДПМНЕ. Тоа денеска Мицкоски самиот го потврди признавајќи дека патот за македонските граѓани во ЕУ е невозможен со ДПМНЕ, велат од СДСМ.
„Мицкоски вели дека ова не се избори помеѓу Европа и изолација, но во исто време промовира дефетистички ставови кон напредокот на земјата на патот кон ЕУ. Тоа на сите им е јасно. Не постои партија која повеќе ја оддалечила Македонија од членство во меѓународните организации од неговата. Очигледно на Мицкоски полесно му е да го блокира патот на кон ЕУ и да ја врати земјата десет чекори назад, во времето на изолацијата, кога реалниот напредок, просперитетот и европските интеграции беа само мисловна именка“, посочуваат од СДСМ.
Од друга страна, како што додаваат, СДСМ покажа дека искрено работи на интеграцијата на земјата.
„Северна Македонија е членка на НАТО, а за време на новиот мандат на Пендаровски и Ковачевски нашата држава ќе стане рамноправна членка на Европската Унија. Граѓаните не сакаат државата да ја води политичар што ќе ја врати во „подрумот на Европската Унија“. Граѓаните сакаат јазна визија за иднината, визија која носи надеж, напредок, развој и европски животен стандард. И како што би рекол Мицкоски: „Ги повикуваме граѓаните да излезат на избори и да одлучат во каква држава сакаат да живеат“. Едниот избор е рамноправна и просперитетна членка на ЕУ, а другиот е изолирана и затворена држава без надеж за подобро утре“, завршуваат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.