Македонија
МТСП: Во Кавадарци отворена градинка со капацитет за 75 деца

Министерката за труд и социјална политика, Мила Царовска, денеска присуствуваше на свеченото отворање на новата градинка, „Бубамара“, која функционира како дел од ЈОУДГ „Рада Поцева“ во Кавадарци.
За опремување на овој објект, од буџетот на Министерството биле обезбеди над 1.4 милиони денари, а во адаптацијата на просторот со свои средства се вклучила и Општината Кавадарци.
„Главната задача што ја имаме наследувајќи еден разрушен систем е да ги зголемиме капацитетите преку изградба и адаптација на објекти. Со оглед на тоа што Кавадарци е една од општините каде што има голем недостиг на градинки за згрижување и воспитување на деца од предучилишна возраст, Министерството за труд и социјална политика во соработка со Општината заеднички пристапија кон решавање на оваа ситуација со адаптирање на простор во кој ќе се згрижуваат до 75 деца“, изјави министерката Царовска на свеченото отворање.
Од МТСП истакнуваат дека програмска цел на Владата e да се зголеми опфатот на деца во предучилишно образование за 50 проценти до крајот на мандатот. Од Министерството додаваат дека засега обезбедени се
931 вработување во градинките, а до крајот на годината, како што велат, вкупната инвестиција во изградба, опремување и адаптирање ќе биде 71 милион денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја денеска дел од Шуто Оризари

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од потрошувачите на и улиците Тиквешка, Демир Хисарска и улица Хаџи Јован Шишков, општина Шуто Оризари.
Македонија
Дел од Центар денеска без вода

ЦУК известува дека денеска поради дефект на приклучна цевка од ф-1“ на улицата Охридска 50, прекинато водоснабдување ќе имаат корисниците од на дел од улица Охридска и дел од улица Петричка, општина Центар.
Водоснабдувањето ќе биде прекинато од 09:00 часот до завршување со санација на дефектот.
Македонија
Променливо облачно, наместа нестабилно со пороен дожд и грмежи

Времето денеска ќе биде променливо облачно, наместа нестабилно со пороен дожд и грмежи, локално во форма на невреме со пообилен пороен дожд за кратко време (над 20 l/m²), засилен ветер (над 60 km/h) и услови за изолирана појава на град.
Во Скопје, променливо облачно, попладне и во текот на ноќта нестабилно со пороен дожд, грмежи и засилен ветер. Во делови од котлината процесите ќе бидат во форма на краткотрајно невреме.
Времето во наредните денови
Утре и во четврток времето ќе биде променливо облачно, наместа нестабилно со пороен дожд и грмежи, локално во форма на невреме со пообилен пороен дожд за кратко време (над 20 l/m²), засилен ветер (над 60 km/h) и услови за изолирана појава на град. Потоа следува период на претежно стабилно време со слаб до умерен северен ветер.