Контакт

Македонија

Мустафа до Амди Бајрам: Престани да ги гледаш Ромите како твој двор и смет за продажба

Објавено пред

Неждет Мустафа, претседател на Обединетата партија за еманципација на Ромите, преку соопштение до јавноста повика на отпор за ромскиот кандидат за претседателските избори. Тој му порача на Амди Бајрам да престане да ги гледа Ромите како свој двор и лесен смет за продажба.

dobivaj vesti na viber

Ставот на Мустафа го пренесуваме во целост.

„Ви се обраќам со целосна верба во вас и во нашиот семоќен и семилостив господар, без намера да му наштетам кому било, молам за малку внимание потребно за нашиот спас, за честа, за авторитетот, за достоинството, вербата, разумот и моќта. Историјата ќе ни суди, а народите што нè опкружуваат ќе ни се потсмеваат на етничката колективна свест при изборот на нашите избраници од кои очекуваме да бидат гласот на честа, на авторитетот, на мудроста и на моќта да се спротивстават на неправдата и понижувањата кон нас. Можеме ли да си ја дозволиме мудроста – каков народ, таков избраник“.

Зарем денешните млади генерации, силните интектуалци, невладините организации, ќе молчат пред целиот амбасадорски кор, пред македонската политичка сцена, пред универзитетскиот свет, пред секое наше работно место, на улиците и во кафулињата на срамните сатирични алузии на ТВ-каналите?

Спремни ли сме за уште еден срам, да дозволиме да нè злоупотребува кандидат за претседателските избори кој во минатото и денес и сè уште нè срами сите, нè понижува со своето незнаење и однесување, што е во интерес само на неговото користољубие. За ова има многу и многу да се говори и во минатото, и сега, но и во иднина. Но, од зборување нема фајде. Можеби повеќе само ќе си наштетиме. Дојде време сега и само сега, т.е. веднаш, барем еднаш да покажеме отпор и да направиме избор помеѓу доброто и злото, минатото и иднината, помеѓу личното понижување и нашата гордост, помеѓу нашата храброст и кукавичлукот. Ајде да покажеме дека ние не сме шума што само поради едно гнило дрво, ќе ја снема. Дрвото треба да се отстрани, а шумата да остане цела, недопрена и чиста. Секој да посака да се дружи со неа. Не, сега не е време за авантури, најмалку за лице што е исмејувано од граѓаните и медиумите. Не, сега не смееме да дозволиме стоти пат да докажеме дека сме слепци и дека не умееме да ги избираме наши лидери, дека сме неверници што носат со себе само недоверба и зло за себе, за своите деца и за својата татковината.

Ние Ромите мораме да ја почитуваме нашата иднина со сета почит кон себе, кон својот народ, да ја истакнеме нашата храброст и моќ да се надминеме себеси и можната недоверба и омраза меѓу нас, да ја замениме со луѓе кои, пред сè, се плашат од Господ, а потоа и од својот народ, да не ги продаваат, да не им наштетат, да не им прават зулуми и сплетки докажувајќи го своето невредено его, но и простотилак.

Да се чуваме од ѓаволот преобразен во нечие лице. Со него сите ќе потонеме. Затоа, Господ да ни го осветли умот за да направиме вистински и одлучен избор. Во спротивно, утре немаме право никому да му се жалиме за тешкиот, мизерен и живот на маргините од општеството. Ако самите ние не се промениме и не направиме вистински избор, никој друг тоа не ќе може да ни го подари. Во тој случај ние ќе страдаме од самите себе. Тогаш не сме миленици ниту на државата ниту на Господ.
И на крајот, да му се обратам на феноменот Амди Бајрам. Драг Амди, доста е веќе од твоите авантури со овој народ. Немаш ли трошка чест, па сè уште сакаш да го злоупотребуваш? Нели ти е непријатно и срам пред твоето семејство, пријателите, тие што велиш дека те поздравуваат, кога во континуитет при секоја твоја појава во медиумите правиш скандали и сплетки? Сметаш ли дека државата Македонија и ромскиот народ ќе застанат зад тебе како кандидат за претседател на Македонија?
Јас точно знам која ти е целта и со оваа сплетка. Но, и ромскиот народ не е виновен за твоите успешни сплетки. Виновни се македонските водечки лидери, кои ти дозволуваат да се поигруваш со овој сиромашен народ оти со тебе им е најлесно потоа да преговараат. На секој изборен циклус приредуваш скандал по скандал и ниту еднаш немаш понесено одговорност за изборниот зулум што го приредуваш во државава. Па, како тогаш кутриот ромски народ може да ти се спротивстави кога сè што ќе ти падне на ум го остваруваш со помош на истите тие што ги поддржуваш, а потоа ги изигруваш?

Во ред, познавајќи те добро и тебе, но и твојата итрина, се плашам и Зоран Заев да не добие гол со петица. Е, море Амди, престани да ги гледаш Ромите како твој двор и лесен смет за продажба“, смета претседателот на Обединетата партија за еманципација на Ромите.

 

Македонија

Муцунски во Брисел: Посилен европски столб во рамките на силна НАТО Алијанса ќе придонесе за дополнително зајакнување на трансатлантската стабилност

Објавено пред

Министерот за надворешни работи и надворешна трговија, Тимчо Муцунски, вчера и денес учествуваше и се обрати на министерскиот состанок на земјите-членки на НАТО, што се одржа во седиштето на Алијансата во Брисел.

dobivaj vesti na viber

На состанокот беше потенцирана важноста на Западен Балкан како регион од стратешко значење за НАТО и Европската Унија, со акцент на потребата од побрза интеграција на регионот во Унијата како суштински елемент за регионална и европска стабилност. Министрите ја реафирмираа важноста на стратешкото партнерство меѓу двете организации и нивната комплементарност во напорите за обезбедување траен мир и стабилност во евроатлантската област.

Од страна на министрите беше нагласено дека посилен европски столб во рамките на силна НАТО Алијанса ќе придонесе за дополнително зајакнување на трансатлантската стабилност. Во оваа насока беа поздравени новите иницијативи на ЕУ за јакнење на одбранбените капацитети, при што беше нагласена потребата од вклучување на сојузниците од НАТО кои не се членки на ЕУ.

Дополнително, беше изразена силна поддршка за напорите на САД за постигнување траен мир во Украина преку дипломатски пат и дијалог. Потврдени беа и заложбите за зголемување на буџетските издвојувања за одбраната, како и зајакнување на капацитетите и способностите за градење колективна безбедност и одбрана, со цел поефикасен одговор на заедничките закани и предизвици.

На маргините на состанокот, министерот Муцунски оствари кратки билатерални средби со генералниот секретар на НАТО, Марк Руте, како и со колегите министри од Обединетото Кралство, Холандија, Романија, Германија, Италија и Црна Гора. Разговараа за прашања поврзани со регионалната стабилност, безбедност и мир.

Прикажи повеќе...

Македонија

Ковачки ќе биде домаќин на Постојниот комитет на Парламентарното собрание на НАТО

Објавено пред

Драган Ковачки како шеф на Делегацијата од Македонија во Парламентарното собрание на НАТО ќе биде домаќин на Постојниот комитет на Парламентарното собрание на НАТО, соопшти ВМРО-ДПМНЕ.

dobivaj vesti na viber

Ова, како што појаснуваат од партијата е првпат Македонија да е домаќин на парламентарна активност на НАТО.

На настанот се очекува да се обрати и премиерот Христијан Мицкоски и министерот за одбрана Владо Мисајловски.

Прикажи повеќе...

Македонија

Годишни новинарски награди на ЗНМ: Храброст, истрајност и професионализам на дело

Објавено пред

Здружението на новинарите на Македонија (ЗНМ) денеска ги додели традиционалните годишни награди, оддавајќи признание на најистакнатите новинари и медиумски професионалци.

dobivaj vesti na viber

Комисијата за награди во состав Герман Филков, Душица Мрѓа и Сенат Зулбеари годинава ја додели наградата за животно дело „Крсте Петков Мисирков“ на Ѕвездан Ѓорѓиевски, како признание за неговиот траен придонес во македонското новинарство.

Наградата за истражувачко новинарство „Јашар Еребара“ беше доделена на Истражувачката Репортерска Лабораторија (ИРЛ) за сторијата: Службеничка од пошта ги штитела централите на ЕСМ од пепел, „пеплосан“

За најдобро новинарско известување на локални и регионални теми, наградата ја доби Фисник Џелили од Порталб.мк за сторијата „Насилството меѓу учениците – сериозен аларм во Тетово “.

Здружението на новинарите на Македонија (ЗНМ), за првпат од своето основање, од оваа година воспоставува доделување на престижна награда за најдобар снимателски проект од јавен интерес, со што ја потврдува својата заложба за унапредување на новинарските и медиумските стандарди.

Kомисијата, составена од истакнати професионалци, меѓу кои Герман Филков, Душица Мрѓа и Сенат Зулбеари, а за категоријата сниматели дополнително и Зоран Догов и Сашо Доковски, имаше задача да ги оценува проектите кои се издвојуваат со својата креативност, техничка извонредност и значајност за јавниот интерес.

Наградата за најдобар снимателски проект од јавен интерес за 2024 година ја доби Иван Поповиќ за прилогот на тема: Климатски миграции: Преспа во трка со времето да ја зачува водат, објавено на платформата doma.edu.mk.

Признанија за посебен придонес во промоцијата на професионалното истражувачко новинарство добија: Новинарскиот истражувачки магазин КОД од ТВ Телма за сторијата: ,,Тендерите во лотарија за набавка на видеотерминали и милионите евра”,

Александар Димитриевски и Михаил Милошевски за серијата на прилози на тема: Бојан Христовски, поседува сертификат за познавање на англиски јазик од студио/училиште кој датира од период во кој издавачот на сертификатот ниту остварувал приходи (не работел), ниту пак бил на листата правни субјекти објавено на 360 степени.

Трајче Антоновски снимател од ИРЛ за најдобра камера и филмско изразување за сторијата на тема: Украдени животи.

Добитниците на овогодинешните награди изразија благодарност за признанијата, истакнувајќи дека наградите се мотив за понатамошна работа во интерес на јавноста.

Претседателот на ЗНМ, Младен Чадиковски, во своето обраќање пред присутните ги нагласи предизвиците со кои се соочуваат новинарите и важноста на солидарноста во фелата: ,,Денеска, со овие награди, ја славиме храброста, истрајноста и професионалноста на македонските новинари. Ги наградуваме оние што преку истражувачки приказни ја разоткриваат корупцијата и неправдата. Ги наградуваме оние што одат на терен, што зборуваат со луѓето, што пишуваат за гласовите кои ретко се слушаат. Ги славиме и оние кои преку своите колумни и анализи нè тераат да размислиме, да преиспитаме и да делуваме. Оваа година имавме рекорден број на пријавени апликации, стории, теми, анализи, видео проекти. Овие награди треба да бидат токму тоа – симбол на солидарност, на заедништво, на поддршка кога е најпотребна. Комисијата имаше одговорна задача, но уверен сум дека направи внимателен избор. Честитки за сите, не само за добитниците – секоја добра приказна е победа за јавниот интерес.” потенцираше Чадиковски.

На денешнешниот настан пред присутните се обрати и Ентони Беланжер – генерален секретар на Меѓународната федерација на новинари (МФН) кој ги поздрави наградените но и сите оние колеги кои се пријавиле со свои авторски трудови.  Здружението на новинари на Македонија (ЗНМ) е членка на Меѓународната федерација на новинари (IFJ), која претставува најголемата светска организација на новинари која обединува над 600.000 медиумски професионалци од 187 синдикати и здруженија во повеќе од 140 земји.

Претставникот на Комисијата за награди, Герман Филков, истакна дека изборот бил предизвик поради висококвалитетните апликации. Тој во своето обраќање рече: ,,Секоја комисија мисли дека има најтешка работа на целиот свет, ама овој пат навистина беше така. 4 категории, 48 пријави и – дури 99 новинарски производи, најголем дел од нив сложени стории и емисии. А само 4 награди. И можеа да се доделат и на 40 луѓе. Беше возбудливо уште еднаш да се проследат и прочитаат, и да се видат собрани на едно место 99 од најзначајните новинарски остварувања за 2024 година. Со сите проблеми, задршки и ограничувања со коишто се соочуваат новинарите, би рекол година за која може да се рече дека новинарството во Македонија е живо и клоца, а новинарите треба да се горди на својата агилност и способност. За секоја од четирите категории за која се доделуваат награди имаше голема и сериозна конкуренција. Сум бил дел од повеќе комисии за доделување новинарски награди, но морам да кажам дека за прв пат меѓу членовите на комисијата немаше различни мислења, ниту потреба од дополнителни напори за постигнување консензус. За сите четири категории – комисијата одлучи едногласно.” кажа Филков.

Здружението на новинарите на Македонија упатува благодарност до сите кои учествуваа во овогодинешниот конкурс и останува посветено на поддршка на професионалното новинарство.

Прикажи повеќе...

Најново

Македонија43 минути

Се организира транспортот на телото на Александар Карадакоски – управителот на „Пулс“ кој почина во Литванија

Институциите го организираат транспортот од Литванија на телото на 29-годишниот Александар Карадакоски, кој е 60 жртва од пожарот во дискотеката „Пулс“...

Македонија2 часа

90 отсто од дишните органи на 29-годишниот Карадакоски биле изгорени од пламенот што го вдишал, утврдиле лекарите во Литванија

Директна причина за смртта на 29-годишниот Александар Карадакоски, кој утрово почина во Литванија, се изгореници на дишното стебло, извести попладнево...

Македонија3 часа

Палевски свртен со грб му постави 97 прашања на Кешишев: „Ништо од штабот не беше изнесено без знаење на Палчо“

Обвинетиот Влатко Кешишев за грабнувањата и убиствата на Вања и Панче денес одговараше и на прашањата на првообвинетот Љупчо Палевски,...

Македонија3 часа

Обвинителството ја запре постапката против починатиот управител на „Пулс“

Основното јавно обвинителство Кочани ја запира постапката против Александар Карадакоски, кој денеска почина по повредите добиени во пожарот во дискотеката...

Топ5 часа

Повредени две лица меѓу кои и дете, биле во возилото што излета во Вардар

Две лица, меѓу кои и малолетничка се повредени во несреќата со автомобилот што синоќа излета во Вардар кај тетовско. Случајот...

Македонија6 часа

Од 1 април му откажаа бубрезите, 40 отсто од телото му беше со изгореници, Таравари потврди дека во Литванија почина управителот на дискотеката „Пулс“

Министерот за здравство Арбен Таравари утрово потврди дека на повредите од пожарот во Кочани во Литванија, каде што беше на...

Македонија7 часа

Уште една жртва од пожарот во Кочани, почина управителот на дискотеката „Пулс“

По неколкунеделно лекување, почина Александар Карадакоски, управител на „ММММ кафе“ ДООЕЛ, која управувала и со дискотеката „Пулс“, во која животот...

Македонија7 часа

ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?

„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...

Македонија8 часа

„Во буџетот обезбедивме 17 милијарди денари за зголемување на пензиите и за здравствено осигурување на пензионерите“, велат од Владата

„Грижата за пензионерите е приоритет на Владата. Пензионерите, конечно, го добија заслуженото. Линеарното зголемување на пензиите за 5.000 денари на...

Македонија8 часа

(Фото) Голем одрон на регионалниот пат Струмица – Костурино – Валандово

„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...

Свет8 часа

Венс за падот на берзата: Беше тоа само еден лош ден, ќе имаме бум

Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...

Свет8 часа

Данската премиерка за Америка: „Не можете да анектирате друга земја, дури и со аргументот за меѓународна безбедност“

Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...

Свет10 часа

Трамп: Случајот против Марин Ле Пен е лов на вештерки

Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...

Свет10 часа

Историска одлука: Уставниот суд го смени претседателот на Јужна Кореја

Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...

Свет10 часа

Трамп: Маск може да остане колку сака, но ќе се врати во своите компании

Американскиот претседател Доналд Трамп доцна синоќа повторно го поддржа својот советник, милијардерот Илон Маск, поради критиките за неговиот план за...

Македонија19 часа

„Стабилна е здравствената состојба на осумтемина македонски пациенти“: Сиљановска-Давкова ги посети во Софија

Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во...

Македонија1 ден

(Видео) Мицкоски и Филипче договориле формирање на работни групи

Премиерот Христијан Мицкоски и лидерот на СДСМ, Венко Филипче, на состанокот во Владата договориле формирање на работни групи за спроведување...

Македонија1 ден

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот...

Македонија1 ден

(Видео) Токсично загадување на Крива Река, водата да не се употребува ни за наводнување, порача градоначалникот Митковски

Врз основа на анализата направена од Институтот за јавно здравје на барање на риболовното друштво „Мрена“, водата во Крива Река...

Македонија1 ден

Семејствата на жртвите oд модуларната болница повикаа да се обнови истрагата, а германското вештачење да биде клучен доказ

Семејствата на жртвите од пожарот во модуларната болница во Тетово побараа Обвинителството да ја обнови истрагата. На прес-конференција пред Основниот...