Македонија
На Попова Шапка измерени 10 степени и најмногу дожд, времето облачно и свежо
На Попова Шапка утрово биле измерени 10 Целзиусови степени, а во изминатите 24 часа до 8 часот наврнале 59 литри на квадратен метар воден талог.
Во Лазарополе и Маврови Анови се измерени 11 степени, 14 во Охрид, Дебар и во Крушево, 16 во Претор и Крива Паланка, 17 во Скопје-Зајчев Рид, Битола, Тетово, Прилеп, Виница и во Куманово, 18 во Струмица, Штип, Велес и во Кавадарци, 19 во Скопје-Петровец, Демир Капија и Гевгелија.
Како што информираа од УХМР, до 8 часот во Маврови Анови и Лазарополе биле наврнати 40 литри на квадратен метар, 36 во Тетово, 35 во Дебар, 31 во Претор, 23 во Охрид, 17 во Скопје-Зајчев Рид, Крушево, 10 во Скопје-Петровец, 9 во Прилеп, 8 во Куманово, 7 во Велес, Тополчани, 6 во Битола, 3 во Кавадарци, 2 во Крива Паланка, Демир Капија, Штип, Виница, Пожар, 1 во Струмица, Гевгелија.
Во текот на ноќта и утрово времето е облачно со врнежи од дожд. Дува слаб до умерен ветер од променлив правец.
Времето денеска ќе биде облачно и свежо наместа нестабилно со повремен пороен дожд и грмежи. Локално врнежите ќе бидат поинтензивни (над 30 l/m2) проследени со грмежи. Максималната температура ќе достигне од 19 до 24 степени.
Во Скопје ќе биде облачно и свежо со врнежи од дожд. Во делови од котлината ќе биде нестабилно со интензивен пороен дожд (над 20 l/m2) и појава на грмежи. Максималната температура ќе достигне до 22 степена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја делови од Гази Баба и Карпош
Регионалниот центар за управување со кризи на Град Скопје, по добиеното известување од ЕВН, соопшти дека поради планирани зафати во електро дистрибутивната мрежа денеска, без напојување со електрична енергија ќе останат:
од 08:30 до 13:00 часот, корисниците од дел од ул. Финска, поточно подулиците со бр. 15 и бр. 20 во нас. Инџиково. (Општината Гази Баба)
од 09:00 до 13:00 часот, корисниците од дел од ул. Нерешка во нас. Жданец. (Општината Карпош)
Македонија
Променливо облачно со слаб до умерен ветер од јужен правец, попладне со повремени локални врнежи од дожд
Времето денеска ќе биде променливо облачно со слаб до умерен ветер од јужен правец, поизразен долж Повардарието.
Попладне и кон крајот на денот ќе има повремени локални врнежи од дожд, наместа поројни, проследени со појава на грмежи. Минималната температураќе биде во интервал од 8 до 14, а максималната ќе достигне од 18 до 24 степени.
Во Скопје времето ќе биде променливо облачно со слаб до умерен ветер од јужен правец. Попладне и кон крајот на денот во делови од котлината ќе има повремен пороен дожд и појава на ретки грмежи. Минималната температура ќе се спушти до 13, а максималната ќе достигне до 23 степени.
И во петок ќе се задржи променливо облачно време со врнежи од дожд, кои наместа ќе бидат пообилни и поројни, проследени со појава на грмежи. Во деновите од викендот времето ќе биде сончево со мала до умерена облачност и со услови за слаб локален дожд во планинските региони. Дневната температура ќе биде во постепен пораст.
Македонија
Лога по одлуката за „Балансерот“: Северна Македонија се лизга по пат кој е докажано фатален за неа
Според поранешниот министер за прaвда и потпретседател на Алијанса за Албанците, Кренар Лога, сите иницијативи што се однесуваат на прашањата за праведно и соодветно застапување, употребата на албанскиот јазик и другите етнички прашања во корист на немакедонските заедници ќе имаат иста судбина како прашањето за изводите од матична книга на родени, односно поништувањето на уредбата на министерот за правда и укинување на соодветните членови од законот.
Треба да се истакне, напоменува Лога, дека гласањето пред една година беше чисто етничко и мајоризирачко; такво беше и денес (6 македонски гласови наспроти 3 албански и турски).
„Своеремено, македонската политичка елита го користеше Собранието на Македонија за да ги мајоризира Албанците. Сега, откако тоа им е оневозможено во Собранието, тие ја префрлија оваа практика во Уставниот суд.
Додека во Уставниот суд не постои двојно гласање за законите со Бадентер, односно механизам за заштита на другите етнички заедници, ароганцијата на македонската политичка елита ќе се појави повторно, исто како во 1991 или 1997 година.
За жал, Северна Македонија се лизга по пат кој е докажано фатален за неа. Денес, нашата држава ги дели патиштата: или ќе оди кон Европа, или кон „Српски свет“; или ќе остане Северна Македонија и европска, или македонската олигархијата ќе направи дел од неа да стане „Јужна Бановина“, вели Лога.