Македонија
На преминот Деве Баир се истражува кој го пропуштил автобусот без лиценца
Царината од утрово прави внатрешна контрола за тоа кој го пропуштил автобусот на „Беса транс“, кој бил без лиценца на граничниот премин Деве Баир.
Ова доаѓа откако вчера Министерството за транспорт и врски соопшти дека превозникот не го регистрирал ова возило, кое целосно изгоре, а во него животите ги загубија, според неофицијалните инфорамции, 45 патници.
„Од рано утрово Секторот за професионална одговорност на Царинската управа е на ГП Деве Баир со цел детаљно да се изврши контрола на постапувањето на превозникот и царинските службеници во согласност со надлежностите пропишани со Законот за превоз во патниот сообраќај на денот на излез на предметниот автобус. Предмет на контрола е и постапувањето за конкретниот превозник и возило и во претходниот период на истиот граничен премин“, велат од Царината.
Институциите не знаат колку пати автобусот на „Беса транс“ вршел превоз на патници во и надвор од Македонија.
Нема одговор ниту колку пати е направена контрола во компанијата од страна на Инспекторатот за транспорт.
Министерот за транспорт и врски, Благој Бочварски, рече дека при излегување од државата Царинската управа требало да прави редовна контрола при секое напуштање на државата со патници.
„По добиените информации од МВР за опожареното возило, констатиравме дека тоа не било пријавено и поради тоа го нема во базата на Министерството за транспорт и врски. Превозникот е должен веднаш, а најдоцна за 15 дена, сите промени настанати во поглед на исполнување на условите да го пријви, а тоа е пријавување или одјавување возило или возач“, изјави Бочварски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево со мала до умерена локална облачност
Сончево со мала до умерена локална облачност. Ќе дува слаб до умерен ветер претежно од северозападен правец. Минималната температура ќе биде во интервал од 8 до 16, а максималната ќе достигне од 19 до 27 степени.
Во Скопје сончево со мала до умерена локална облачност. Ќе дува слаб до умерен ветер од северозападен правец. Минималната температура ќе се спушти до 8, а максималната ќе достигне до 25 степени.
Следува период на стабилно време со пораст на дневната температура, освен во среда кога се очекува локален повремено пороен дожд со појава на ретки грмежи. Утринските температури ќе бидат пониски на почетокот на неделата, а потоа и тие постепено ќе се покачуваат.
Скопје
Посебен режим на сообраќај денеска во Скопје
СВР Скопје ги известува граѓаните на Скопје дека денеска поради официјална посета на претседателот на Владата на Република Србија, Милош Вучевиќ, Единицата за безбедност на патниот сообраќај при СВР Скопје ќе преземе мерки за посебен режим на сообраќајот по сообраќајниците на поширокото централно подрачје на град Скопје.
СВР Скопје апелира до граѓаните да ги почитуваат наредбите што ги издаваат полициските службеници.
Скопје
Три скопски општини денеска без стурја
ЕВН Македонија АД известуваат дека денеска без електрична енергија ќе останат:
– во периодот од 07.30 до 14.30 часот, корисниците од селата Дељадровци, Миладиновци и Текија, како и корисниците приклучени на приватните трафостаници Макпетрол – Миладиновци – Плинара, ЖТП Миладиновци – Рампа и Патарина Миладиновци. (општина Илинден)
– во периодот од 08.20 до 11.20 часот, корисниците од улиците Карл Либнехт и Модест Мусогорски, објектот на детската градинка Детелинка, како и дел од корисниците од улиците Карл Хрон и Темко Попов. (општина Гази Баба)
– во периодот од 09.00 до 11.00 часот, дел од корисниците од ул. Милан Марковиќ.(општина Карпош)
– во периодот од 11.30 до 13.00 часот, дел од корисниците од ул. Гаврил Лесновски. (општина Карпош)
– во периодот од 11.40 до 14.20 часот, корисниците од улиците Карл Либнехт, Анри Барбис и Темко Попов, како и дел од корисниците од ул. Благоја Стевковски. (општина Гази Баба)