Македонија
Нелоски до Арсовска: Повторно се занимавате со медарство, пчеларство

„ Се кажаа многу работи на оваа говорница, но, за жал, не сите беа вистинити. Кога зборуваме зашто некој оди по улици, денес тој човек не беше да отвори гранапче, туку беше на место каде што, заедно со градоначалникот на Кисела Вода, ќе биде започнат со градба еден современ пазар којшто граѓаните на Кисела Вода го бараат долги години. Тоа е така затоа што градоначалничке нам, на политичарите, ваквите работи ни се светост. За разлика од Вас и од тие околу Вас, на кои не ви се баш приоритет. И токму затоа и Мицкоски и Галески и Андоновска и Андоновски и Нелоски, сите ќе отидеме каде што сме ветиле дека ќе го направиме нешто, ќе почнеме да го правиме тоа нешто или пак кога ќе го завршиме, бидејќи ќе повторам програмата пред којашто сме излегле како советници, градоначалници и како партија имаме обврска да ја исполниме“, истакна Владимир Нелоски, советник во Советот на Град Скопје од редовите на советничката група на ВМРО-ДПМНЕ.
Нелоски додаде дека токму затоа ќе одат бидејќи ќе има со што да се пофалат.
„ Можеби ви е криво бидејќи не може да најдете друштво за да отидете на некој од тие проекти, коишто ги има во мал број. Се надевам дека ќе се зголеми бројот. Во однос на директорот на ЈСП, ви благодарам што признавте пред јавноста дека јас како човек, но и ВМРО-ДПМНЕ како партија имам широкоградост кога се работи за граѓаните на Скопје и интересите на граѓаните на градот Скопје, и дека не нè интересирало дали некој е од одредена политичка партија сè додека е тој професионалец. Да, немаме никаков проблем со ниеден човек доколку е професионалец и си ја врши својата работа. Но, истиот тој директор Александар има телефонски број од тие што биле пред него и тие што сега во моментов седат на 500-тини метри од нас во влада. Требаше да чекаме толку за да реагираме? Зашто истиот тој директор не ги побара своите сопартијци пред четири месеци кога гледаше дека ситуациајата е алармантна “, праша советникот.
Тој ѝ се обрати на градоначалничката при што рече: „Повторно се занимавате со медарство, пчеларство и сè друго. Но, од оние информации коишто ги имам јас, не сте толку храбра кога давате исказ каде што кривично ќе одговарате ако дадете лажен исказ. Како што сте храбра сега на оваа говорница, да велите за некој дека е криминалец, а без да имате еден единствен доказ што го потврдува тој криминал. Тоа што некој не комуницира со Вас градоначалничке не е криминал“.
„ Бидејќи тука на говорница се зборува за матни ликови… можеби една од причините за финансиската состојба и неможноста на Градот да му помогне на ЈСП е тоа што законската обврска за пресметка на комуналии, којашто е обврска на Градот да биде пресметана и да биде дадена на инвеститорите коишто сакаат да инвестираат, се држи по не знам колку месеци. Зашто? И јас се прашував додека не дознав дека одредени инвеститори биле посетувани од луѓе блиски до Градот да им се понудат за помош да им бидат забрзани пресметките за комуналии. Нешто што ниеден градоначалник и ВМРО-ДПМНЕ и СДСМ, и независен во историјата на Градов не го оспорувал и не го кочел“, рече Нелоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мухамед Елмази до Арсовска: Ќе барате ли од вашите партнери да се откажат од бесправните објекти, ќе побарате ли и тука дигалка или ќе свртите глава

Мухамед Елмази од „Влен“ на прес-конференција денеска, упати неколку прашања до градоначалничката на Град Скопје, Данела Арсовска.
„Денес сме тука да поставуваме неколку прашања за госпоѓата Арсовска. Госпоѓа Арсовска дали знаете кој е сопственик на оваа зграда? Дали објектот е де факто на вашите коалициони партнери во Градот и во бизнисот?
На какво земјиште е изграден, на државно или приватно?
На чие земјиште е изграден – државно, општинско или приватно? Дали имало располагање со државно земјиште без валидна јавна постапка?
Кој е вистински сопственик на оваа зграда?
Дали во документацијата се води на друго име за да се сокрие вистинскиот сопственик?
Ако да, зошто инспекциските служби не отвориле постапка за лажно пријавување? Дали овој објект го има во урбанистичките планови?
Дали деталниот урбанистички план (ДУП) воопшто предвидува ваков објект на оваа парцела? Ако не, кој и кога дал согласност за отстапување од планот? Дали вие сте учесник во тоа?
Дали е спроведен инспекциски надзор од Општина Сарај? Дали Градежниот инспекторат има издадено решение за уривање или забрана? Ако не – зошто бројните пријави од локалното население останале без одговор“, праша Мухамед Елмази на денешната прес-конференција.
„Г-ѓо Арсовска, пред да продолжите да зборувате за „дивоградби“ и „заштита на јавниот интерес“, одговорете: ќе барате ли од вашите партнери да се откажат од бесправните објекти? Ќе побарате ли и тука дигалка или ќе свртите глава затоа што станува збор за ваш пријател и коалициски партнер? Попатно, прашајте го и Димитар Апасиев?
ВЛЕН ќе инсистира на: Итно постапување на сите градежни инспекциски служби; Итно постапување на финансиската полиција за откривање на скриениот имот за политичарите од ДУИ; Отпочнување кривична постапка за злоупотреба на службена должност и урбанистички криминал против Арсовска; Јавна објава на сите локации во Скопје каде фирми или лица поврзани со кланот на ДУИ градат или поседуваат диви објекти.
Доколку градоначалничката и надлежните служби продолжат да молчат, ќе ги искористиме сите правни и демократски механизми за да го заштитиме интересот на граѓаните. Ќе го спречиме ширењето на бизнис империјата на кланот на ДУИ, во која припаѓа веќе и Арсовска“, изјави Мухамед Елмази.
Македонија
Арсовска до Мухамед Елмази: Дали си ти криминалец од ДУИ или од ВЛЕН?

„Таман мислиш не може да демонстрираат поголем очај за криминалот во кој се фатени, тие наоѓаат нов првенец од ДУИ! Мухамед Елмази беше член на Совет на град Скопје во овој мандат и истакнат член на ДУИ до септември 2024 година, кога претрпе магична трансформација и стана ВЛЕН за да го постават директор на државното НОМАГАС“, напиша градоначалничката на Град Скопје, Данела Арсовска на социјалните мрежи.
„Вчера барав на седница да се зборува за нелегални дивоградби во сите 10 скопски општини, ама Мухамед, иницијативата за дивоградбите од Сарај твоите коалициски партнери од ВМРО ја покренаа и сами си ја повлекоа.
Изгледа си пропуштил вчера на седница на совет кога побарав да се испитаат незаконските легализации на дивоградби во сите скопски општини вклучително Чаир и Сарај. Затоа што сакаш да глумиш политичар и на национална база да го сведеш ВАШИОТ криминал, читај тука: ЈАС ЗБОРУВАМ СО ФАКТИ И ЗА СЀ ИМАМ ДОКАЗИ.
Сега Мухамед да те прашам:
1. Дали си ти криминалец од ДУИ или од ВЛЕН?
2. Дали знаеш дека од 150 дивоградби од Чаир кои ги имаме фатено и сме известиле во изминативе 3 години, знаеме во која имаш ГРАТИС стан и живееш во истиот.
3. Дали знаеш дека следен тој предмет ќе го носам во јавното обвинителство бидејќи империјата на ТВОЈАТА УРБАНА МАФИЈА ќе ја срушам и воопшто не ми е гајле од која партија доаѓа!“, додаде Арсовска.
Македонија
Сиљановска-Давкова ги прими акредитивите на новоименуваниот амбасадор на Република Кореја, Ким Донгбае

Претседателката Гордана Сиљановска-Давкова ги прими акредитивните писма на новоименуваниот амбасадор на Република Кореја со седиште во Софија, Ким Донгбае.
Посакувајќи му добредојде на амбасадорот Донгбае, таа изрази задоволство од пријателските односи и од конструктивната соработка меѓу двете држави, по воспоставувањето на дипломатските односи во 2019 година. Оцени дека постои волја и посветеност за искористување на потенцијалите и интензивирање на соработката во сите сфери од заемен интерес.
Претседателката ја посочи важноста од развојот на соработката, потенцирајќи дека корејската економија нуди големи можности за партнерство во повеќе области, особено во информатичката технологија, дигитализацијата и обновливите извори на енергија, а од друга страна, нашата држава со стратегиската локација во срцето на Балканот, нуди поволни услови за корејските инвеститори и компании.
Таа изрази уверување и подготвеност за натамошен развој на соработката на мултилатерален план, особено во рамките на Обединетите нации. Малите и средни земји, според неа, треба да дејствуваат единствено, можат да понудат знаење и заслужуваат да имаат посилна улога во одлучувањето за глобалните прашања.
Обајцата ја истакнаа потребата заеднички да работат на отворање на резидентни амбасади во Скопје и во Сеул.
Сиљановска-Давкова, во духот на начелото на реципроцитет, побара да се укинат визите за македонските граѓани, со оглед на фактот на нивното непостоење за граѓаните на Република Кореја.
Амбасадорот Донгбае оцени дека по воспоставувањето на дипломатските односи пред шест години, двете држави станаа успешни партнери и изрази спремност за нивно продлабочување и проширување. Тој го посочи развојот на економската соработка како приоритет во неговата работа.
Претседателката Сиљановска-Давкова упати честитки по повод изборот на Ли Џе-Мјунг за нов претседател на Република Кореја на вчерашните вонредни претседателски избори.
На амбасадорот Ким Донгбае му посака успех во извршувањето на одговорната дипломатска мисија.