Македонија
Неписмената будала треба веднаш да биде кривично гонета, тој не е ставен за министер за да се грижи за граѓаните на други држави, вели Најчевска за Меџити

Неписмената будала треба веднаш да биде кривично гонета за злоупотреба на службената должност, а составен дел на казната да бидат читање на Уставот, Законот за државјанството, Законот за здравственото осигурување, Законот за здравствената заштита, Законот за Владата, Законот за органите на управата и секако Кривичниот законик, вели професорката Мирјана Најчевска за министерот Фатмир Меџити, кој вчера изјави дека граѓаните на Косово и Албанија ќе плаќаат исти цени за лекување во нашето државно здравство, како и македонските граѓани.
Неговата изјава предизвика реакции во јавноста, меѓу кои и од Најчевска. Таа вели дека Меџити не е ставен за министер за да се грижи за граѓаните на други држави, туку за граѓаните на Македонија.
„Неписмени крелци не смее да бидат поставени на раководни позиции. А Ковачевски да престане лажно да се претставува како премиер.
Наместо да се избориме со дискриминацијата кон етничките Албанци на тој начин што ќе обезбедиме образование на повисоко ниво од она што го имале во претходниот период, ние го направивме тоа на тој начин што го симнавме нивото на образование за сите, ги симнавме сите критериуми за вработување и професионално напредување и создадовме услови најголемиот шлајм од сите етнички заедници во Македонија да дојде на раководни позиции. Некои велат дека сме го достигнале дното.
И тоа е точно, меѓутоа ние влегуваме во нова креативна фаза – копаме дупка во дното што го допревме“, напиша Најчевска.
Меџити вчера рече дека косовските граѓани досега плаќале двојни цени, и тоа само во јавното здравство, а не во приватното.
„Дадовме наредба од Министерството за здравство ова да се израмни и да има исти цени како за државата бидејќи, всушност, не доаѓаат странци во Македонија, тие се од Косово, особено за здравствени потреби. Презедов мерки и за граѓаните од Албанија, кои доаѓаат и ги посетуваат болниците во Охридскиот Регион“, изјави министерот Фатмир Меџити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и топло со мала до умерена облачност, максималната температура до 33 степени

Времето денеска ќе биде сончево и топло со мала до умерена облачност. Ќе дува слаб до умерен ветер од јужен правец. Минималната температура ќе биде во интервал од 7 до 14, а максималната ќе достигне од 28 до 33 степени.
Во Скопје, сончево и топло со мала до умерена облачност. Ќе дува слаб јужен ветер. Минималната температура ќе се спушти до 13, а максималната ќе достигне до 33 степени.
Времето во наредните денови
Во четврток попладне ќе има услови за изолирана појава на краткотраен дожд и ретки грмежи. Од петок под влијание на серија влажни воздушни маси времето ќе биде претежно облачно и посвежо со повремени врнежи од дожд кои локално ќе бидат обилни. Дневната температура значително ќе опадне, особено во деновите од викендот и почетокот на следната седмица.
Македонија
Граѓаните плаќаат за чиста средина, а не за депонии и ѓубришта: Митески најави кривична против ЈП „Комунална хигиена“доколку не реагира за отпадот

Комуналните служби на Општина Аеродром само денеска собраа над 10 тони отпад (50м3) кои завршија во „Дрисла“, соопшти в.д. градоначалникот на Општина Аеродром, Дејан Митески.
„Ова не е еднократна акција – ова е наша секојдневна работа. Нашите општински служби се на терен, додека Градското комунално претпријатие кое треба да ја изврши оваа работа, е неажурно и немо. Доста е“.
Граѓаните, додава тој, плаќаат за чиста и уредна средина, а не за депонии и ѓубришта. Напоменува дека никој нема право да го загрозува здравјето и иднината на децата.
„Од утре продолжуваме уште поинтензивно.
Ако нема веднаш реакција од ЈП „Комунална хигиена“, како градоначалник ќе поднесам кривична пријава за загрозување на животната средина согласно член 218 од Кривичниот законик, и секојдневно ќе барам постапување од Обвинителството и МВР“, објави Митески.
Ова, како што истакна, не е политика, туку прашање на достоинство, здравје и иднина.
Македонија
Мицкоски: Народот е обединет и сплотен, не очекува убедлива победа за подобро и поубаво Сопиште

Лидерот на ВМРО-ДПМНЕ и премиер Христијан Мицкоски денеска присуствуваше на промоцијата на кандидатурата на Јане Мицевски за градоначалник на Општина Сопиште, како и на кандидатите за советници од ВМРО-ДПМНЕ и коалицијата.
„Народот е обединет и сплотен, не очекува убедлива победа за подобро и поубаво Сопиште.
Ветуваме реализација на многу проекти кои ќе ја подобрат инфраструктурата, ќе создадат нови можности за младите и ќе придонесат за економски развој и модернизација на општината. Заедно, со посветеност и транспарентност, ќе изградиме Сопиште какво што сите го посакуваме.
Јане Мицевски е вистинскиот избор за Сопиште“, објави Мицкоски.