Македонија
„Не е искрено, проблемот и натаму постои!“, велешанката со ивалидитет по реакциите доби извинување оти ја казнија

Велешанката Билјана Гаврилова-Станковска, лице со инвалидитет, која беше казнета оти не смеела да паркира на место за инвалиди бидејќи не е од Скопје, добила извинување од директорот на „Градски паркинг“, Крсте Петревски. Гаврилова-Станковска, сепак цени дека извинувањето не е искрено бидејќи проблемот е институционален и истото било дадено дури откако ситуацијата беше јавно објавена. Велешанката за „Макфакс“ вели дека ова е добиена битка, но не и војна. Вакви искуства имале многумина и претходно, но решиле да молчат.
„Ако ме прашувате стрикно за ситуавијава, во моментов ова е само една битка добиена во ‘војната’,со оглед на тоа што како и сами пишавте допре до многу институции, но не може да се каже дeка е финална победа се додека не се измени главната цел, а тоа е правилникот на ЈП ‘Градски паркинг’ изгласан од советот на Град Скопје“, вели Гаврилова-Станковска.
Таа додава дека не е единствената која поминува низ вакви проблеми, па додава: „Ги има многу, но не сакале или немале храброст да го напишат тоа низ што преживеале“.
„Добив извинување,точно е од директорот на ЈП Град Скопје после некои 5 часа од инцидентот. А што се однесува до тоа дали мислам дека ќе беше добиено извинување, ако не публикував – мислам дека не. Понесена од претходни искуства каде што никогаш никој не се извинил, иако се правеле грешки, решив јавно да си кажам низ се што поминавме тие некој саат време“, посочува Билјана Гаврилова-Станковска за „Макфакс“.
Сепак, го цени извинувањето и брзата реакција од директорот на „Градски паркинг“.
Ценејќи дека проблемот е институционален, и веќе подолг период лицата со инвалидитет се соочуваат со овој истиот, ценам дека извинувањето не е искрено. Директорот на институцијата, како засегнато лице се извини лично, и тоа го почитувам за неговата брза реакција. Но повторно ќе потенцирам, мојот случај не е прв изминатиот период и за тоа се решивме да се обратиме јавно преку социјалните медиуми. .Јас кажав и пак ќе кажам,бевме заедно со сопругот кој исто така е лице со инвалидитет, заедно поминавме низ голготата, дискриминацијата, непочитување и така натаму. Секако дека нема да застанаме тука. Како ќе се одвива текот на дејствието ќе кажам откако ќе бидат информирани сите засегнати институции“, додава таа.
Гаврилова Станковска беше казнета пред два дена. Со сопругот дошла во Скопје. Паркирала на место за инвалиди и платила паркинг. Кога се вратила, ја дочекал блокатор. Ги побарала вработените од „Градски паркинг“ кои и наложиле дека треба да плати казна бидејќи не смеела да се паркира на означеното место, иако е лице со инвалидитет, бидејќи не е од Скопје туку од Велес. Случајот беше проследен со лавина реакции од јавноста и барање за одговорност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ реагира: СДС е последната партија што може да зборува за правда и култура

„Кога СДС зборува за правда, тоа звучи исто како крадец да држи предавање за чесност. Кога СДС зборува за култура, тоа звучи како пироман да се фали дека го изгаснал пожарот. СДС, како и секогаш, кога институциите конечно почнуваат да работат професионално, после хаосот што го оставија зад себе, се обидува да шири лажни вести, страв и дезинформации. Тоа не е ништо ново, тоа е нивна стара стратегија – кога немаат аргументи, измислуваат афери“, реагира ВМРО-ДПМНЕ на соопштението на СДСМ.
„Меѓутоа, јавноста добро памети.
Во време на СДС:
– се гасеа истраги и се уценуваа обвинители;
– криминалци од врвот на власта беа заштитени како свети крави;
– граѓаните беа сведоци на политички прогон на неистомисленици;
– Врховниот суд беше партиски штаб, а Советот на јавни обвинители нем набљудувач на криминалот.
Министерството за култура, во нивно време, беше претворено во каса за партиски трансакции и награди за блиски личности. Грантови се делеа без критериуми, по телефон, по пријателски врски и по заслуги кон партијата. Уметниците кои не беа лојални, беа игнорирани или санкционирани. Установите беа блокирани, а културата сведена на приватен бизнис за избрани поединци.
Културните работници, вистинските уметници и институциите денес конечно здивнаа. Заврши времето кога маички XXL и авионски карти за егзотични дестинации се купуваа од државни пари, додека проекти од национална важност беа одбивани.
ВМРО-ДПМНЕ нема да дозволи притисоци врз обвинителството, но ниту ќе дозволи заштита за било којшто се огрешил пред законот – без разлика на партиска, етничка или друга припадност.
Тоа е разликата меѓу нас и нив!
Ние се бориме за држава на еднакви, не на привилегирани!
Тие се борат да се вратат на власт за повторно да ја контролираат правдата и да продолжат со грабежот.
Но времето на криминалците заврши.
Македонија е во рацете на чесните граѓани“, се наведува во соопштението на ВМРО-ДПМНЕ.
Македонија
Струмичко-скопскиот епарх монсињор д-р Киро Стојанов упати писмо по повод упокојувањето на папата

Скопскиот бискуп и Струмичко-скопски епарх монсињор д-р Киро Стојанов, на Светол Понеделник, 21 април 2025 година упати писмо до сите парохии и монашки заедници во Македонија по повод упокојувањето на папата Фрањо.
„Драги браќа свештеници, чесни сестри и верници,
Со голема тага, но и со вера во воскресението и животот вечен, денес во утринските часови на Светол Понеделник, 21 април 2025 година, Господ го повика кај Себе Својот слуга, и наш возљубен пастир, Петровиот наследник, папата Фрањо.
Благодарни сме на Бога за неговиот понтификат, кој на негов својствен начин го покажуваше постојано милосрдното лице на Отецот, а посебно беше глас на сиромашните и маргинализираните. Благодарни сме на неговата Апостолска посета на Македонија во мај 2019 година, која ќе остане во нашите сеќавања и запишана во историјата на Република Македонија. Неговото заземање за мир во светот, за дијалог и братство меѓу народите ќе останат негов завет за идните генерации.
Во овие денови на жалост, како Црква сме повикани на единство и благодарност за дарот што Господ ни го даде преку папата Фрањо. Со вера и надеж да молиме од Воскреснатиот Христос, да ги слушне евангелските зборови: Добар и верен слуго, влези во радоста на својот господар! (сп. Матеј 25,21) и да го прими во Неговото царство.
Ги повикувам сите свештеници и монашки заедници, како и сите верници да се обединат во лична молитва за покојниот папа Фрањо и одредувам денес од сите цркви во 15.00 часот да се огласат камбаните, пропратени со молитви на верниците. Одредувам ден пред неговиот погреб во сите цркви да се служи света Литургија задушница за папата Фрањо“, се наведува во писмото.
Македонија
На „Табановце“ и „Богородица“ за влез во државата се чека околу 20 минути

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини „Табановце“ и „Богородица“ времето на чекање за влез во државата изнесува околу 20 минути. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.