Македонија
Николовски: Патриотизам е да носиш храбри одлики со кои ќе го потврдиш македонскиот идентитет

Со години пред избори политичарите ветуваа ЕУ и НАТО, ама не се најде никој да ги донесе тие одлуки, да ја креира таа иднина. За само две и пол години, ние ги засукавме ракавите и рековме нема да се криеме и носевме храбри одлуки. Носевме одлуки без калкулација и ги решивме проблемите, го заштитивме идентитетот, македонскиот јазик го потврдивме. Тоа е патриотизам, да носиме храбри одлуки што нè носат напред“, рече Љупчо Николовски, генерален секретар на СДСМ и носител во ИЕ 3 на коалицијата „Можеме“ на синоќешната трибина во Пробиштип.
Тој нагласи дека претставниците на бизнис-секторот се радуваат на нашиот влез во НАТО бидејќи на тој начин нивниот бизнис е побезбеден и има реални шанси за напредок. Тоа е резултат на храбрите одлуки кои биле без калкулации и со кои се потврди македонскиот јазик и идентитет.
„Има една Македонија, нема друга, таа е Република Северна Македонија, со потврда на сите особености на нашиот јазик, нација и култура. Пред само две и пол години бевме раскарани со сите. Денеска сме светол пример, модел за решавање проблеми и за силен напредок што го трасираме. Фирмите се радуваат на влезот во НАТО, тоа е за нив капитал, нивните фирми повеќе вредат и се посигурни. Влеговме во НАТО, ќе влеземе и во ЕУ“, рече Николовски.
Тој додаде дека сè уште не е решено сè, но се покажа дека набргу, доколку се работи домаќински и одговорно, може да се постигне напредок.
„Влезени сме во политиката за да докажеме дека состојбите може да се променат, граѓаните да веруваат на политичарите во чесните и одговорните, оние што работат единствено во интерес на граѓаните. Не за Субрата Рој и за бегалецот во Будимпешта“, рече Николовски и додаде дека ова е нереформирана, корумпирана ВМРО-ДПМНЕ, со кандидати на Никола Груевски, со куп темни дамки и афери, кои удираат боксови на жени, кои трошат пари на панорамско тркало.
За разлика од нив, Владата на СДСМ беше најтранспарентна влада, која пред граѓаните отворено ги презентира сите трошоци, а нејзините функционери не ги трошеа парите за сопствени потреби, како што тоа го правеше ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регионална иницијатива за превенција од пожари на Западен Балкан

Во услови на зголемени ризици од пожари, започна регионална иницијатива за подигање на свеста за управување со пожари на ниво на предел во земјите од Западен Балкан. Иницијативата, поддржана од Министерството за земјоделство, шумарство и водостопанство, има за цел да го поттикне интегрираното и одржливо управување со екосистемите, наместо традиционалниот пристап што се фокусира исклучиво на гаснење.
Пожарите оставија сериозни последици врз природата, економијата и животот на граѓаните, а над 90% од нив се предизвикани од човечка невнимателност — факт што укажува дека превенцијата е клучна.
Преку интерсекторска соработка, јакнење на локалните капацитети и активности на терен, иницијативата тежнее да создаде предели и заедници отпорни на пожари.
„Природата е наша заедничка одговорност. Со здружени напори можеме да постигнеме нула пожари предизвикани од човечки фактор,“ велат од Министерството.
Македонија
Гром го предизвикал пожарот во велешката фабрика, велат од „Мирана“

Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат од компанијата „Мирана“ преку официјално соопштение.
Од ударот се оштетени дел од просториите на „Биокосмос“ и, како што посочуваат од таму, тие привремено ќе бидат надвор од употреба додека не се санира штетата.
Фабриката „Мирана“, која се наоѓа во истиот индустриски комплекс, не била зафатена од пожарот и производствениот процес таму продолжува непречено.
Во пожарот нема повредени лица.
Центарот за управување со кризи, претходно денес информира дека пожарот бил целосно локализиран рано утрово, околу 4 часот. Според информациите на ЦУК, огнот зафатил магацински простор со фрижидери и канцеларии со документација, а на неколку места сè уште се забележува слабо чадење.
Иако пожарот е ставен под контрола, службите сè уште се на терен за да спречат повторно разгорување, со оглед дека на одредени локации сè уште се јавуваат чадења.
Македонија
(Видео) Едниот качен на хауба, друг вози без дозвола – поднесени пријави за скопјаните кои дивееа низ улиците

Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и непромислена „возачка забава“ по скопските булевари.
Во видеото се гледа како едно лице стои на хаубата од автомобил во движење, а возачот, покрај тоа што управува без дозвола, вози и без регистарски таблици. Станува збор за 20-годишниот С.З. и 19-годишниот Р.Ѓ., двајцата од Скопје. Против нив се покренати поднесоци по неколку основи, вклучително и управување без возачка дозвола, загрозување на сопствената и туѓата безбедност, како и дозволување управување на лице без дозвола.
Од МВР информираат дека лицата биле веднаш повикани на службен разговор, а полицијата презема и дополнителни активности за целосно расчистување на случајот.