Македонија
Николоски за „Катимерини“: Нашиот пат кон ЕУ е многу тежок

Нашите граѓани заслужуваат да бидат членки на ЕУ за да имаат подобра иднина. Како Влада се обврзавме дека ќе ги спроведеме неопходните реформи што ги имаме пред нас. Нашиот пат кон ЕУ е многу тежок, вели заменик-претседателот на Владата и министер за транспорт Александар Николоски во интервјуто за грчкиот весник Катимерини.
Николоски во интервјуто посочува дека како Влада веруваат во европските вредности и затоа се борат да ги обединат своите граѓани со останатите од Европската унија
„Ова што го прави Бугарија, ставајќи вето на нашите пристапни преговори е неоправдано. Не е во согласност со европските вредности. Имаме јасна цел и веруваме дека еден ден ќе бидеме рамноправни со повеќето земји во Европа“, вели Николоски.
Изразува подготвеност за изградба на интерконекторот за природен гас со Грција, објаснувајќи дека „за жал нашиот природен гас целосно доаѓа од Русија“ и затоа, како што вели, „потрeбно е да ја намалиме оваа зависност“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) СДСМ бара одговорност од Тошковски поради Кочани

Тешката трагедија во Кочани што ја потресе целата држава и во кој трагично го загубија животот 59 млади луѓе, а над 200 беа повредени – ѓи разоткри пропустите во институциите но и колапсот на безбедносниот систем. Затоа е потребна одговорност особено во врвот на МВР и БЈБ. Ова го истакна Методија Илиевски, потпретседател на СДСМ.
„Нешто не е во ред со безбедноста во државата, а за тоа се молчи. Мора да има одговорност согласно законите, но и морална одговорност. После катастрофалната трагедија во Кочани, продолжија серија на безбедносни инциденти. И тоа : пукања со огнено оружје, убиства, сообраќајќи, прегазени луѓе на улиците, се нашето секојдневие. Пред само неколку дена вработена во прилепскиот Центар за социјални работи беше ранета откако во неа беше пукано со огнено оружје.Исто така се пукаше и во с.Моране, каде што беше повредено едно лице. Дополнително, над 20 сообраќајќи со повредени и прегазени се случија по улиците на нашите градoви. Во Скопје, беа прегазени жена и дете“, рече Илиевски.
Додаде дека сообраќајни несреќи со повредени имаше и во Битола, каде исто така беше прегазена жена, а во Кавадарци беа повредени 4 лица, но и во Штип, Тетово, Гостивар, Македонска Каменица, Скопје.
„СДСМ бара: оставки и одговорност од раководството на МВР на чело во Панче Тошковски“, порача тој.
Македонија
Приведен делчевец, возел со 1,84 промили алкохол во крвта

Синоќа во 01.50 часот во Делчево, полициаски службеници го приведоа М.Р.(35) од Делчево.
При контрола во патниот сообраќај, полициските службеници сопреле патничко возило „хјундаи“, кое го управувал, и по преземени мерки било констатирано дека е под дејство на алкохол, односно дека има 1,84 промили алкохол во крвта, по што веднаш бил исклучен од сообраќај и задржан во полициска станица.
По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.
Македонија
Планинарката Ивона која загина во пожарот е ќерка на единствената пожарникарка во Кочани, колегите тагуваат

Дваесет и едногодишната Ивона Антова – планинарка која загина во дискотеката „Пулс“ во Кочани, е ќерка на единствената жена пожарникар во Кочани.
Деновиве на социјалните мрежи се споделува нивната трагична приказна. Мајката на Ивона, Стојка е единствената жена-пожарникар во Доброволното противпожарно друштво Кочани, кадешто членувале заедно со нејзиниот сопруг Тоше.
Доброволното противпожарно друштво во Кочани неодамна раскажа дека ноќта на 16 март биле на браникот. И покрај сите околности, десетина нивни членови со две возила скокнале во огнот, волонтерски, а сцените кои ги затекнале вечно ќе им бидат врежани во сеќавањата.
„Секој од нас загуби по некој близок, познаник, пријател, другар а нашите членови, сопружниците Тоше и Стојка го загубија најмилото – ќерката единец Ивона. Изразуваме искрено сочувство во ови болни и тешки моменти за сите жртви и оние кои се борат за живот. Вечна им слава!“, напишаа од Доброволното противпожарно друштво во Кочани.
Претходно и Федерацијата на планинските спортови на Македонија (ФПСМ) изрази најдлабоко сочувство до семејствата на сите жртви од катастрофалниот пожар во дискотеката во Кочани. Од Федерацијата по пожарот известија дека во големата трагедија животот го загубија и младите планинари Ѓорѓи Величков и Ивона Антова.
Планинарите велат дека Ивона била ведро дете, секогаш насмеано, и зрачела со позитивна енергија. Пасијата кон планината ја наследила од родителите.