Македонија
Нови 198 заболени и четворица починати од коронавирус во земјата

Министерството за здравство информира дека во последните 24 часа се направени 1.382 тестирања, а регистрирани се 198 нови случаи на Ковид-19, и тоа во: Скопје – 83, Куманово – 12, Дебар – 1, Штип – 21, Прилеп – 2, Тетово – 9, Струга – 3, Велес – 2, Битола – 11, Охрид – 3, Гостивар – 10, Радовиш – 7, Кочани – 1, Пробиштип – 2, Демир Хисар – 3, Свети Николе – 27, Кичево – 1.
Денеска, Институтот за јавно здравје регистрира 97 оздравени лица, и тоа од: Скопје – 71, Штип – 7, Тетово – 12, Велес – 1, Битола – 1, Кочани – 1, Пробиштип – 1, Кичево – 1, Ресен – 2.
Починати се 4 лица, еден пациент од Скопје, двајца од Прилеп и еден од Тетово.
На Клиниката за инфективни болести и фебрилни состојби починаа четворица пациенти на возраст од 49, 61, 70 и 72 години.
Вкупната бројка на ковид-дијагностицирани во нашата земја од почетокот на епидемијата изнесува 8.530, бројката на оздравени пациенти е 4.565, на починати – 393, а во моментот бројот на активни случаи во земјата изнесува 3.572. Во моментот дистрибуцијата по градови е следна:
• Скопје – 4.035, активни 1.804
• Куманово – 880, активни 212
• Дебар – 154, активни 92
• Штип – 484, активни 195
• Прилеп – 304, активни 64
• Тетово – 894, активни 286
• Струга – 340, активни 166
• Велес – 205, активни 34
• Битола – 84, активни 40
• Охрид – 230, активни 122
• Кавадарци – 27, активни 19
• Гостивар – 250, активни 157
• Гевгелија – 13, активни 3 (*2 лица од ПЕ Гевгелија се жители на Богданци, еден е од Дојран)
• Струмица – 24, активни 16
• Крива Паланка – 19, активни 8
• Радовиш – 15, активни 11
• Крушево – 12, активни 7
• Кочани – 78, активни 12
• Пробиштип – 39, активни 24
• Демир Хисар – 11, активни 10
• Македонски Брод – 9, активни 5
• Пехчево – 6, активен 1
• Берово – 4, активен 1
• Валандово 6, активни 0
• Виница – 4, активен 1
• Делчево – 1, активни 0
• Кратово – 9, активен 1
• Свети Николе – 147, активни 134
• Кичево – 85, активни 71
• Ресен – 139, активни 73
• Неготино – 22, активни 3 (*10 лица од ПЕ Неготино се жители на Демир Капија)
Направените 1.382 теста се преку: ИЈЗ – 521, ЦЈЗ Скопје – 21, „Авицена“ – 163, „Биотек“ – 96, МАНУ -159, „Жан Митрев“ („Филип Втори“) – 223, „Систина“ со PCR-метода – 160, Судска медицина – 0, ЦЈЗ Битола – 38, КИБФС (Инфективна клиника) – 1. Досега во земјата се направени вкупно 80.774 тестирања на Ковид-19. Денеска нема тестирања во рамките на скринингот.
На Инфективната клиника во изминативе 24 часа примени се 8 пациенти. Вкупно се хоспитализирани 86 пациенти. На кислородна поддршка се 38 пациенти, нема пациенти на респираторна машина.
Во болницата во Козле хоспитализирани се 20 возрасни пациенти позитивни на Ковид-19, 8 деца позитивни и 2 деца суспектни на вирусот.
Во ГОБ „8 Септември“ примени се 15 нови, вкупно се хоспитализирани 90 пациенти. На респираторна машина се 7 пациенти.
Во болницата во Битола хоспитализирани се 29, а во болницата во Штип – 53 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 123 пациенти позитивни и сомнителни на Ковид-19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Министерот Алиу се сретна со д-р Кедев: Сите кои имаат каква било информација за евентуални неправилности да се обратат до Министерството

Министерот за здравство, Азир Алиу денеска оствари средба со д-р Сашко Кедев, на која беа разменети информации во врска со наводите дека се вршеле непотребни кардиохируршки интервенции кај пациенти во приватните болници, извести Министерството.
Воедно, министерот Алиу на средбата потсети дека ќе биде испратен допис со кој сите приватни здравствени установи ќе се задолжат од 15 септември да го информираат Министерството, односно Управата за електронско здравство за сите извршени прегледи и интервенции МојТермин.
„Министерството за здравство е отворено за соработка со сите чинители и ги повикуваме сите засегнати страни кои имаат каква било информација за евентуални неправилности во системот, да се обратат веднаш до Министерството. Транспарентноста е еден од главните столбови во работата на Министерството и е од клучно значење за унапредување на процесите во системот“, соопшти МЗ.
Македонија
Зеленски: Украина високо ја цени непоколебливата солидарност на Северна Македонија во поддршка на нашата слобода

Украина високо ја цени непоколебливата солидарност и силниот глас на Северна Македонија во поддршка на нашата слобода, достоинство и правото да живееме во мир, напиша претседателот на Украина на социјалната мрежа X, покрај честитката од претседателката Гордана Сиљановска – Давкова, по повод Денот на независноста на Украина.
I sincerely thank President @gogamkd for the warm congratulations on Ukraine’s Independence Day and for the principled and uplifting words of support. Ukraine highly values North Macedonia’s unwavering solidarity and strong voice in support of our freedom, dignity, and the right… pic.twitter.com/jLnA9eBcJY
— Volodymyr Zelenskyy / Володимир Зеленський (@ZelenskyyUa) August 24, 2025
„Искрено ѝ се заблагодарувам на претседателката Гордана Сиљановска-Давкова за нејзините топли честитки по повод Денот на независноста на Украина и за нејзините принципиелни и инспиративни зборови на поддршка. Украина високо ја цени непоколебливата солидарност и силниот глас на Северна Македонија во поддршка на нашата слобода, достоинство и правото да живееме во мир“, напиша Зеленски.
Македонија
Герасимовски: Во тек се обуки за наставниот кадар за развивање на вредносниот систем и на моралните норми кај младите генерации

Од денеска, па сѐ до среда, во просториите на Младинскиот центар „Матично“ се одржува серија обуки на тема „Улогата на наставниците и стручните соработници во пренесување на вредностите и моралните норми кај младите“.
Градоначалникот Горан Герасимовски потенцира дека обуките се наменети за директорите на основните и средните училишта, еден стручен соработник од секое училиште, како и избрани наставници кои активно се вклучени во воспитно-образовниот процес.
„Предавачи на обуките се искусните професорки Татјана Стојаноска Иванова, Анета Бараковска, Калина Сотироска Иваноска и Софија Георгиева од Институтот „Европски соѕвездија“, кои ќе пренесат современи методологии и практики за развивање на вредносниот систем и моралните норми кај младите генерации. Како општина, редовно организираме вакви обуки со цел да обезбедиме континуирана поддршка на младите и да го унапредиме воспитно-образовниот процес. Инвестирањето во едукацијата на наставниците и стручните соработници е вложување во иднината на нашите деца. Со вакви активности градиме здрави генерации кои ги почитуваат вистинските вредности“, вели Герасимовски.