Министерот за надворешни работи и надворешна трговија, Тимчо Муцунски, ќе учествува на 11-та Европска конференција на Универзитетот Харвард, со наслов „Лидер или сонувач? Улогата на Европа во фрагментираниот светски поредок“, што се одржува денес и утре во Бостон, САД.

Во рамки на учеството, тој ќе се обрати на панел-дискусијата „Улогата на Европа во глобалната дипломатија – поврзување на Балканот и пошироко“, каде ќе говори за значењето на европската перспектива на регионот, како и за можностите за зајакнување на дипломатската соработка во меѓународниот контекст.

Европската конференција на Харвард е еден од најзначајните настани за трансатлантскиот дијалог и за Европа во САД. Основната цел на конференцијата е зајакнување на трансатлантските односи преку обединување на водечки научници, креатори на политики, лидери и студенти од двете страни на Атлантикот. Настанот претставува уникатна можност за носителите на одлуки и академиците, заедно со идните лидери, да разменат идеи и да идентификуваат нови насоки за соработка и дејствување.

Студентски отпор изразува длабоко сочувство до семејството на Фросина Кулакова.

„Оваа загуба е резултат на системски недостатоци кои ја загрозуваат безбедноста на сите нас.

Долгогодишната неказнивост, институционалната негрижа и структурното насилство не само што ни ги одземаат можностите во образованието, туку резултираат и со трагедии што не можат да се преболат. Оваа неправда нема да остане без одговор!“, соопштуваат од Студентски отпор.

Од таму ги повикуваат сите студенти денеска во 13:00 часот пред Силбо.

„Затоа што вака се чувствуваме небезбедни. За нашата колешка Фросина. За сите нас“, додаваат од Студентскиот отпор.

Денеска, по кратко боледување во Скопје, во 42. година од животот почина новинарот Ѓорѓи Томиќ.

Томиќ со години беше дел и од редакцијата на „Канал 5“, каде што работеше како уредник во информативната редакција.

Во новинарската кариера следеше настани од надворешната политика.

Потекнуваше од новинарско семејство, а зад себе остави сопруга и две деца.