Македонија
Одреден притвор за Здравев, експретредател на Советот на Центар – се бара и за Тодоровиќ

Одредени се дел од притворите побарани за осомничените кои се поврзуваат со случајот „Скопје 2014“ односно поставувањето на десетина споменици во Скопје, дознава „Макфакс“. Едно од лицата е Владимир Здравев, експретседавачот со Советот на Центар. Притворот му е во траење од 30 дена. Тој беше уапсен на „Табановце“ при обид за излез од Македонија.
Се бара притвор и за Владимир Тодоровиќ, ексградоначалник на Центар и сопственик на маркетите „Тинекс“. За него се уште судија на претходна постапка, не одлучил дали мерката побарана од обвинителот ќе биде уважена. Бидејќи е во бегство, мерка не е побарана за Никола Груевски кој исто така е обвинет. Непознато е дали се бараат мерки за Елизабета Канческа-Милевска и Зоран Ставрески, кои се второ и трето обвинети.
Експретседателот на Советот, Владимир Здравев, се сомничи за перење пари. Според истрагата, тој бил линкот меѓу Македонија и лицата од Италија, кога спомениците се купувале од Општина Центар по дупли цени од оние по кои се набавувале од италијанските фирми.
„Макфакс“ проба да стапи во контакт со Канческа-Милевска, во врска со предметот во кој е осомничена – но таа не одговори на нашиот повик.
Побарани се седум мерки притвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делови од Карпош и Сарај денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 13.00 часот, корисниците од ул. Пелистерска 4-1/8. (општина Карпош)
– во периодот од 09.00 до 14.00 часот, корисниците од улиците бр. 3 и бр. 5 како и околните објекти во нивна близина во Сарај.(општина Сарај)
Македонија
Без вода дел од Центар

Од ЈП Водовод и Канализација известуваат дека денеска поради дефект на улицата Димитрие Чуповски бр.10 без вода ќе останат корисниците од улицата Никола Вапцаров лоцирани на потегот од Министерство за правда до Плоштад Македонија, општина Центар.
Водоснабдувањето ќе биде прекинато во периодот од 08.00 часот па се до отстранување на дефектот.
Македонија
Променливо облачно со повремени локални врнежи од дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 5 до 11, а максималната ќе достигне од 9 до 16 степени.
Во Скопје, променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне до 13 степени.
Времето во наредните денови
До среда ќе преовладува променливо облачно време со повремени локални врнежи од дожд. Ќе дува умерен до засилен северен ветер (локално над 60 km/h), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура.