Македонија
Од четврток ќе се собира кабаст отпад во општина Кисела Вода

Oпштина Кисела Вода почнува со спроведување акција за собирање кабаст отпад на цела своја територија. Активностите за подигнување на кабастиот отпад и електронската опрема ќе се одвивааат до крајот на април преку Секторот за месна самоуправа и социјална заштита, а во истите ќе се вклучи и ЈП „Комунална хигиена“.
Како што велат од општината, секои последни два дена во седмицата ќе бидат опфатени по две месни и урбани заедници, каде освен тоа што ќе се подигнува кабастиот отпад, сезонските работници ангажирани од Општината ќе вршат и генерално чистење на улиците и кастрење на суви гранки на најфреквентните улици под надлежност на Општина Кисела Вода. Исто така, ќе се интервенира и во делот на урбаното средување на скалите, како и средување на детските игралишта и парковите на територија на општина Кисела Вода.
Распоредот на месните и урбаните заедници во кои ќе се работи е следниот:
УЗ Црниче, УЗ Пржино 21-22.03.2019 (четврток, петок)
УЗ нас. Драчево, МЗ село Драчево, МЗ Подстаница 28-29.03.2019 (четврток, петок)
УЗ 11 Октомври-Бараки, Згради 04-05. 04.2019 (четврток, петок)
УЗ Цветан Димов, УЗ Бирарија 11-12. 04.2019 (четврток, петок)
УЗ Кисела Вода, УЗ Расадник 18-19. 04.2019 (четврток, петок)
МЗ Припор, МЗ Усје, МЗ Пинтија, МЗ Стакларница-Каменик 28-29.03.2019 (четврток, петок)
Општина Кисела Вода апелира до граѓаните кабастиот отпад да го одложуваат до 11 часот, во точно предвидените термини пред своите домови, колективните згради на пошироките улици на начин што истиот нема да го попречува движењето на пешаците и возилата. Оттаму додаваат дека вон определениот датум и време, не е дозволено одлагање на кабастиот отпад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Влен“: Бујар Османи го вети автопатот Скопјe-Блаце, но донесе само лаги

„Поминаа 5 години, 7 месеци и 8 дена од свеченото потпишување на договорот за „првите 2 километри“ на автопатот Скопје – Блаце, а ветувањето на Бујар Османи со кое се фотографираше и политички се фалеше остана нереализирано“, велат од „Влен“.
„ФБ сесии, фотографи, изјави, скапи видеа, но резултати нула. Тоа е Бујар Османи. Ветуваа автопати, оставија само албуми со слики. Ветуваа нови болници, оставија семејни трагедии. Ветуваа водоводи, оставија пустош.
Бујар Османи беше министер во владата на Груевски, вицепремиер за европски прашања и министер за надворешни работи кај Заев и Ковачевски, вкупно повеќе од една деценија на највисоки државни функции. За тоа време немаше резултати за овој проект, ниту за албанските општини за кои најмногу ветуваше. Имаше Фејсбук сесии, снимени видеа и лажни ветувања, а резултати нула.
Доста беше со промотивни настани на лажни големи ветувања. Бујар Османи нема што да покаже како резултат зад себе, нема реализирани проекти, нема изградено ништо, нема помогнато никому.
Бујар Османи е политичар кариерист, без резултати. Неговите ветувања денес за Чаир се исти како ветувањето за автопатот кон Блаце пред пет и половина години. Празни“, се наведува во соопштението на „Влен“.
Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.