Македонија
Речиси 1.600 домаќинства аплицирале за субвенции за набавка на инвертери
 
																								
												
												
											Исцрпени се средствата предвидени за субвенции за набавка на инвертери за 2019 година, односно до денеска до 15 часот се пристигнати речиси 1. 600 барања, соопшти Град Скопје.
Со ова условот за завршување на јавниот повик на Градот е исполнет, а барањата на граѓаните за надоместување дел од трошоците за набавка на инвертери за 2019 година вработените во архивата на Град Скопје утре нема да ги примаат.
Со јавниот повик Град Скопје на граѓаните што купиле инвертер од 1 јануари 2019 година до денот на завршувањето на повикот ќе им исплати субвенции во износ од 50 отсто од вредноста на уредот, но не повеќе од 15.000 денари со вклучен персонален данок на доход. Овој повик се реализира по принципот прв дојден, прв услужен.
Право на субвенционирање дел од средствата за купување инвертери во 2019 година имаат физички лица жители на град Скопје (општините во градот: Аеродром, Бутел, Гази Баба, Ѓорче Петров, Карпош, Кисела Вода, Сарај, Центар, Чаир и Шуто Оризари) и кои имаат купено инвертер по 1 јануари 2019 до денот на завршувањето на повикот и поднесоа барање за надоместување дел од трошоците за негова набавка.
Субвенционирањето на граѓаните при купување модерен систем за затоплување е активност предвидена во мерките од планот за подобрување на квалитетот на воздухот и е дел од мерките на акцискиот план на Стратегијата за климатски промени на Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Македонија
Мицкоски: Да дадеме поддршка за Лабудовиќ и Ѓорѓиевски за повеќе проекти и подобар живот во Центар и во Скопје
 
														Претседателот на ВМРО-ДПМНЕ, Христијан Мицкоски, даде изјава за медиуми од општина Центар и упати јасен и недвосмислен повик до жителите на општина Центар да излезат масовно на гласање во вториот круг од локалните избори и да ја дадат својата поддршка за кандидатот Мирослав Лабудовиќ за градоначалник на општина Центар, како и за Орце Ѓорѓиевски, кандидат за градоначалник на Град Скопје.
Тој посочи дека со победата на кандидатите на ВМРО-ДПМНЕ ќе се обезбеди целосна вертикална поддршка од страна на Владата до општините со што ќе овозможи реализација на повеќе проекти во интерес на граѓаните.
„На тој начин, заедно со поддршката од Владата, една вертикална поддршка, ќе можеме да направиме проект повеќе за центарци, за жителите на општина Центар, и сигурен сум дека ќе имаме ефикасна соработка, бидејќи досега како Влада, изминативе 16 месеци, еднонасочна беше соработката, само од страна на Владата“, вели Мицкоски.
Претседателот Мицкоски ги повика граѓаните обединето да излезат на гласање и да го заокружат бројот 9, да го направат вистинскиот избор за сигурна иднина и развој на општина Центар и град Скопје.
„Убеден сум дека после овие локални избори, после вториот круг, Центар ќе има нов градоначалник, тоа ќе биде г. Лабудовиќ, а Скопје ќе има нов градоначалник, Орце Ѓорѓиевски“, истакна Мицкоски.
Македонија
Мисајловски на одбележувањето на 25-годишнината од Резолуцијата 1325: одбраната е предводник во политиките за родова еднаквост
 
														Денеска (31 октомври), министерот за одбрана Владо Мисајловски заедно со претседателката Гордана Сиљановска – Давкова се обратија на одбележувањето на 25 – годишнината од усвојување на Резолуцијата на 1325 на Обединетите Нации – Жени, мир и безбедност. На настанот во организација на Министерството за одбрана и Канцеларијата на UN Women се обратија и амбасадорот на Европската Унија, Маихалис Рокас и раководителката на канцеларијата на UN Women, Весна Ивановиќ – Кастаред.
Претседателката Гордана Силјановска Давкова истакна дека Резолуција 1325 утврди два темелни принципи – прво, заштита на жените и на девојчињата од родово заснованото насилство и второ, нивно рамноправно учество со мажите во борбата за мирот и безбедноста.
„Така, Советот за безбедност застана зад разумот и дијалогот, а не зад силата и зад војната. Денес, кога ја одбележуваме 25-годишнината од Агендата за жени, мир и безбедност и од Резолуцијата 1325, околу седумстотини милиони жени и девојчиња живеат во радиус од педесет километри од зоните на конфликтите, што е највисока бројка во последните три децении!“, рече претседателката.
Министерот Мисајловски информираше за напредокот во Министерството за одбрана и Армијата, при интегрирање на родовата компонента и родовите аспекти во законските, подзаконските акти и стратешките документи, особено осврнувајќи се на фактот дека во континуитет бројот на припаднички во Армијата се зголемува.
„Особено сакам да го истакнам процентот на офицерки кој достигна околу 23 проценти, бројка која постојано расте и е најголема досега. Овде би сакал да додадам дека забележителен успех можеме да видиме и во Министерството за одбрана, каде денеска процентот на жени кои се на раководни позиции изнесува над 50 проценти“, рече Мисајловски.
Тој додаде дека сето ова е постигнато со придонес од вработените во Министерството за одбрана, Армијата, Канцеларијата на UN Women и останати претставници од граѓанскиот сектор, кои постојано даваат придонес во промовирање на родовата еднаквост и имплементација на родовата перспектива во одбранбениот сектор.
„Правичната родова застапеност и создавање на еднакви услови за развој во кариера на жените и мажите е една од препознатливите политики и стратешки приоритети во Министерството за одбрана и во Армијата. Врвната професионалност и посветеност кон родовата рамноправност резултираа денес сите позиции да бидат отворени, односно да бидат достапни и за жените и за мажите. А во континуитет работиме и на зголемувањето на застапеноста на жените на раководни и командни позиции“, заклучи министерот.
Мисајловски порача дека во периодот што следува Министерството и Армијата ќе продолжат активно да се залагаат за спроведување на политиките за родова еднаквост, подигнување на свеста за еднакви можности и унапредување на позициите на жените како во Министерството, така и во Армијата.
На денешниот настан се реализираа и две панел дискусии посветени на националните искуства и лидерството на жените во безбедносните институции и мировните мисии.
Македонија
(Видео) Трајановски: Аеродром заслужува промени, време е за единство и верба во подобра иднина
 
														Кандидатот за градоначалник на Општина Аеродром од СДСМ, Александар Трајановски, во изјава за медиумите порача дека резултатите од првиот изборен круг покажале јасно опозициско расположение меѓу граѓаните и желба за промени.
„Граѓаните испратија порака дека се уморни од застојот, ароганцијата и самоволието на локалната власт предводена од ВМРО-ДПМНЕ“, изјави Трајановски, повикувајќи на масовно гласање во вториот круг на 2 ноември.
Тој нагласи дека сега е моментот незадоволството да се претвори во одлучна волја за промена и ги повика сите граѓани, без оглед на партиска припадност, да се обединат за подобра иднина.
„Да го покажеме нашето единство, нашата решеност и нашата верба во подобра иднина. Аеродром заслужува општина која ќе се развива транспарентно, со вистински проекти и грижа за секој жител“, порача Трајановски, додавајќи дека резултатите од првиот круг веќе покажале дека промените се возможни.


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											