Македонија
Хуманитарна забава за 13-от роденден на Аеродром

Роденденот на Општина Аеродром оваа година беше прославен во паркот со авион како целодневна забава. Роденденската забава имаше хуманитарен карактер, така што во соработка со Црвениот Крст се собираа средства за социјално загрозени семејства на територијата на Општина Аеродром.
„Се надевам дека хуманоста што денеска ја иницираме ќе прерасне во традиција и заштитен знак на Општина Аеродром“, изјави градоначалникот Златко Марин на централната манифестација.
Исто така, општината го промовираше и социјалното претприемништво, па за таа цел, здруженија од Општина Аеродром што работат со ранливи категории Лице в лице, Солем, Во мојот свет и Порака ги претставија своите производи на повеќе локации во паркот.
Програмата ја збогати настапот на децата од детските градинки и основните училишта со ритмички точки, балет, хип-хоп настапи, драматургија, соло пеење со флејта и народни ора, на кои им се придружија магионичар и улични забавувачи.
Во рамки на организацијата имаше и три натпревари во кои учествуваа сите основни училишта. За најдобар кошаркар беше прогласена Сара Гацевска, за најдобар ликовен уметник е избрана Ана Велјановска, а епитетот најдобар поет, односно поетеса и беше даден на Миа Шеќероска од четврто два одделение во ОУ „Блаже Конески“ за песната „Растеме со Аеродром“.
Граѓаните преку социјалните мрежи, пак, во рамки на прославата на 13-от роденден, имаа можност да изберат најдобар угостителски објект во Општина Аеродром. Во категоријата најдобро кафуле победи „Лонг плеј“, најдобар лаунџ бар е „Гет кафе“, а за најдобар ресторан беше избран „Де гама“. Општината додели и признание на DejaVu Capitol Mall за општествено одговорен локал, заради поддршката на хуманитарниот настан. Во вечерниот дел од програмата, кој всушност настапија професионални бендови и изведувачи од Аеродром Марко Кума и Црни, Бени со Нон Стоп и Златко Ориѓански. Настанот го отвори квартетот на Македонската опера и балет, а заврши со музика по избор на Драган Б. Костиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР: Во целост ја гарантираме безбедноста на граѓаните во насока на спроведување на фер и демократски „Локални избори 2025“

Министерството за внатрешни работи во пресрет на „Локални избори 2025“ континуирано презема мерки и активности во рамки на своите надлежности со цел непречено и безбедно спроведување на изборниот процес.
„Согласно направените проценки и воспоставените планови на денот на изборите полициските службеници ќе бидат присутни во близина на локациите на избирачките места, како и на клучните сообраќајни точки, со цел зголемена ефикасност и навремено откривање на можни нарушувања на јавниот ред и мир. Безбедноста на граѓаните ќе биде гарантирана со стандардните материјално технички средства, мобилни тимови и пунктовско работење, а ќе се користи и современа технологија – дронови за воздушна контрола со цел побрза реакција и преземање на соодветни мерки и активности во случај на инциденти“, велат од Министерството за внатрешни работи.
МВР апелира до сите граѓани и до политичките партии, да придонесат за мирна и демократска атмосфера, да ги почитуваат упатствата на полициските службеници и да се воздржат од било какви активности кои би можеле да го нарушат изборниот процес.
Во текот на изборниот ден, МВР соодветно ќе ја информира јавноста за одвивањето на изборниот процес.
Македонија
Филипче: Прочитан е Мицкоски, обидот за партизација на судството нема да помине

„На Мицкоски му одговара партизирано судство преку кое ќе може да влијае на одлуките, и тоа не е ништо ново, граѓаните веќе го виделе тоа, а некои и го почувствувале на своја кожа“, истакна претседателот на СДСМ Венко Филипче на граѓанскиот собир „Се бориме за нашиот дом“ во Чучер Сандево.
Филипче нагласи дека Мицкоски очигледно нема волја за реформа на судството, а одговорноста е исклучиво само кај него.
„Од уста не ги вади обвинителите, судиите, на кои им се закануваше јавно дека ќе ги избрка, дека ќе ги замени со други, дека не ја заслужуваат платата, но ништо суштински не презема за да се реформира правосудството. Театрални изјави без ниту еден донесен закон од реформската агенда за вистинско реформирање на правосудниот систем“, рече Филипче, додавајќи дека оваа власт не мисли добро на народот и државата.
„Власта на ВМРО-ДПМНЕ ја турка државата назад – во изолација, хаос и страв. Тие не нудат визија, нема иднина, го нудат минато. Го партизираат секој систем, ги злоупотребуваат институциите, ги забораваат граѓаните. Наместо ред и развој, ароганција, луксуз, корупција“, рече Филипче, нагласувајќи дека борбата за нашиот дом е борба за вредности и достоинство.
„Македонија не се брани со пароли и навреди, туку со резултати, со силни институции и со чесна власт. Овој патриотизам на Мицкоски со викање, навреди, поделби на народот и национализам не може да донесе ништо добро на државата и граѓаните. И токму затоа, СДСМ мора повторно да стане гласот на разумот, на народот и на иднината. Да ја врати државата таму каде што ѝ е местото — во рацете на граѓаните“, порача претседателот на СДСМ Венко Филипче од граѓанскиот собир во Чучер Сандево.
Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)