Македонија
Орден „Јарослав Мудриот“ за претседателот на Собрание, Талат Џафери

Во рамките на Првиот парламентарен самит на Меѓународната кримска платформа којшто се одржува во Загреб, претседателот на Врховната рада на Украина, Руслан Стефанчук, му додели на претседателот на Собранието Талат Џафери, орден „Јарослав Мудриот“.
Орденот се доделува за значајни лични заслуги во зајакнувањето на меѓудржавната соработка, поддршката на државниот суверенитет и територијалниот интегритет на Украина, за значителен придонес во популаризацијата на украинската држава во светот.
Покрај претседателот Џафери, овој Орден за заслуги го добија и следниве претседатели на Парламенти:
БАС- Претседател на Бундестагот на Сојузна Република Германија;
ВИТЕК – Маршал на Сејмот на Република Полска;
ГАРАХАНИ – Претседател на Стортингот (Парламентот) на Кралството Норвешка;
ХРОЏКИ – Маршал на Сенатот на Република Полска;
ИРЕАН- Претседател на Сенатот на Парламентот на Ирска;
КЕЛИН- Претседател на Националниот совет на Федералното собрание на Швајцарската Конфедерација;
ЛАРШЕ – Претседател на Сенатот на Француската Република;
МУРНИЕСЕ – Претседател на Саeима (Парламентот) на Република Латвија;
ПЕЛОСИ – Претседател на Претставничкиот дом на Соединетите Американски Држави;
РАТАС – Претседател на Риигикогу (Парламентот) на Република Естонија;
ЧМИЛИТЈЕ-НИЕЛСЕН – Претседател на Сеимас (Парламентот) на Република Литванија;
ЈАНДРОКОВИЌ – Претседател на Саборот (Парламентот) на Република Хрватска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце се чека околу 45 минути, зголемена фреквенција на возила поради летните одмори

Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е зголемен. Поради летните одмори се бележи зголемена фреквенција на возила на ГП Табановце, времето на чекање за влез и излез од државата е околу 30-45 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Викендов сончево време со услови за локален пороен дожд

Утре и во деновите од викендот ќе преовладува сончево и потопло време со мала до умерена облачност. Ќе има услови за локална појава на пороен дожд и грмежи, информира УХРМ.
В понеделник на повеќе места ќе биде нестабилно со пороен дожд и грмежи, а од вторник се очекува стабилизирање на времето.

Извор: УХРМ
Македонија
Исчистен паркот спроти „Нова Македонија“

Денеска, во раните утрински часови во координирана акција на инспекциските служби на Општина Центар и Министерството за внатрешни работи, беше расчистен јавниот простор спроти зградата на „Нова Македонија“, познат и како Паркот на новинарите.
Акцијата беше спроведена по теренска проценка и по пријава од страна на центарци, кои изразија сериозна загриженост за безбедноста и изгледот на просторот. Жителите пријавија случаи на нарушување на јавниот ред и мир, поставени шатори и физички пресметки, за кои постојат и видео-снимки кои се доставени до општината.
Градоначалникот Горан Герасимовски потенцира дека јавните простори мора да се користат согласно нивната намена и ги охрабрува сите граѓани навремено да пријавуваат неправилности до надлежните служби.
„Притоа, се водевме и од социјалната димензија на проблемот – на терен беше затекнато и едно лице со посебни потреби, што дополнително ја нагласува потребата од институционална поддршка. Иако Министерството за социјална политика, демографија и млади не беше дел од денешната акција, сметаме дека е морално и неопходно да се вклучи во понатамошниот процес за да се обезбеди соодветна грижа за ранливите категории. Јавниот простор мора да остане чист, безбеден и достапен за сите“, изјави Герасимовски.