Македонија
Османи во Њујорк: Воспоставување дипломатски односи со ЈАР и состанок со земјите од Западен Балкан

Во рамките на учеството на генералната дебата на високо ниво на 78. Генерално собрание на Обединетите нации, министерот за надворешни работи, Бујар Османи, денеска, со министерката за надворешни работи на ЈАР, Греис Наледи Мандиса Пандор, ќе го потпишат коминикето за воспоставувањето дипломатски односи со Јужноафриканската Република. Со ова ќе се отвораат можности за продлабочување разни видови соработка меѓу двете земји, извести МНР.
Воедно, во денешната агенда е предвидено Османи да учествува и на работна средба со земјите од Западен Балкан. Состанокот е организиран од страна на министерот за надворешни работи и заменик-претседател на Владата на Италија, Антонио Тајани. Состанокот се одржува во контекст на забрзување на процесот на европската интеграција на земјите од Западен Балкан и за поттикнување на регионалната соработка.
Покрај овие настани, денеска, Османи, ќе учествува и на состанокот наречен „Закана за јавно здравје и безбедноста од синтетички дроги преку глобална соработка“ на покана на американскиот државен секретар, Ентони Блинкен. Со Претседателот на Република Северна Македонија, Стево Пендаровски, ќе присуствува и на одбележувањето на 50-годишнината од членството на Германија во Обединетите нации, се наведува во соопштението на МНР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.