Македонија
Османи за можното одвојување на Македонија од Албанија на патот кон ЕУ: Треба да прашате во ВМРО-ДПМНЕ

Министерот за надворешни работи, Бујар Османи, смета дека Франција е недвосмислена во поддршката на Македонија и Албанија кон нивниот евроинтегративен пат.
На прашањето дали е можно да дојде до одвојување на тој пат, по изјавата на претседателот на Франција, Емануел Макрон, кој во Тирана прецизира дека неговата земја ќе ја поддржи Албанија во процесот на европска интеграција, Османи со одговор:
„Дали ќе има одвојување – веќе треба да ги прашате од нашата опозициска партија во моментот. Топката е кај нас и уставните измени се моментот што ќе одлучува дали ќе има одвојување или продолжување на преговорите со ЕУ, заедно со Албанија. Тоа е прашање засега за опозицијата, а за кратко време ќе биде и за сите нас“, рече Османи.
„Мислам дека не треба да извлечеме некаква порака од изјавата на Макрон бидејќи тој беше и во билатерална посета на Албанија и оттука пораките беа наменети за Албанија, а не за регионот“, рече министерот.
Потенцира дека е оптимист за уставните измени.
„Јас сум оптимист дека ќе има уставни измени и дека нема да дојде до одвојување“, истакна Османи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.